رينو فلوانس الجديدة وصلت مصر

**Alaa A.Khair** · 07-04-2013 04:51 AM

المشاركة الأصلية كتبت بواسطة ahmedelfeky

دي الفئه اللي المفروض ب 155000 يعني كده اوفر برايس 4 الاف طيب يا ريت لوتعرف تاني فئه اتوماتيك e3 المفروض التوكيل هيسلمها علي 169500 ياتري عند الطارق بكام

معلش علي. التأخير في الرد .. بس كل المعارض. بيقولوا. انهم منتظرين تعديل الشعر بكرة .. و كله ماسك و مش عايز يبيع إلنهاردة

عموما أنا هتابع بكرة. أخبار الأسعار و أسيب خبر هنا .. لأني برضه منظر العربية و عايز أخلص فيها أن شاء الله.

**seaf_sawy** · 07-04-2013 04:18 PM

الأحد 27 جمادى الأولى 1434 متابع

**ahmedelfeky** · 07-04-2013 07:21 PM

المشاركة الأصلية كتبت بواسطة Alaa A.Khair

معلش علي. التأخير في الرد .. بس كل المعارض. بيقولوا. انهم منتظرين تعديل الشعر بكرة .. و كله ماسك و مش عايز يبيع إلنهاردة

عموما أنا هتابع بكرة. أخبار الأسعار و أسيب خبر هنا .. لأني برضه منظر العربية و عايز أخلص فيها أن شاء الله.

متشكر جدا علي سرعه الرد انا تاعبك معايا بس انا بره مصر وان شاء الله نازل يوم الاربعاء ده وعايز اعرف الدنيا هتمشي ازاي عشان ماضيعش الاجازه ع الفاضي انا حاجز مع التوكيل وهم بلغوني من اسبوعين فاتوا بزياده 4500 يعني انا حاجز ال e3 علي 165000 دلوقتي المفروض 169500 لكن زياده تاني هتبقي مشكله

**Alaa A.Khair** · 08-04-2013 12:10 AM

المشاركة الأصلية كتبت بواسطة alaa a.khair

تقريبا هيبقي الاوفر برايس فيها برضه من 3000 الي 4000 .. بس لازم تاخذ اسعار من كذا معرض و يستحسن يكونوا من الموزعين الكبار او من المعارض اللي ليها اسم كبير

توصل بالسلامة ان شاء الله .. بس لازم هتتعب شوية في الحوارات و الكلام مع المعارض لغاية لما توصل لاحسن سعر و اللون اللي انت عايزه .. و احصر التفاوض مع المعارض اللي العربية فعلا واقفة عنده و سيبك من اللي يقولك العربية هتبقي موجودة كمان يومين او كمان اسبوع و خصوصا لو انت في القاهرة لأن المجال أوسع في القاهرة طبعا و بالتوفيق ان شاء الله

**Alaa A.Khair** · 08-04-2013 12:13 AM

المشاركة الأصلية كتبت بواسطة Land_Cruiser

متابع. .. وياريت الفروق ما بينها و بين الشكل اللي قبلها

تم تغيير التصميم الأمامي للسياره بالنسبه للشكل الخارجي ، وتغيير تصميم العجلات والإطارات الرياضيه بتصميم أخر، تم تعديل وإضافة محرك بقوة 115 حصان ، 156 Torque عند 4000 دوره ، ناقل حركه X-Tronic CVT مما أضاف إستهلاك أفضل وأداء وتسارع أقوى

(منقول عن ادمن صفحة رينو مصر علي الفيسبوك)

**Amr_Moh** · 08-04-2013 01:06 AM

ديه صوره ٢٠١٣ في معرض يناير
ارض المعارض

**memo823000** · 09-04-2013 03:18 PM

اسف على التاخير
E2 159000 استلام فورى وزاد البلوتوث وعدسات اللينسات فى الفوانيس

173500 e3 ودى زادت الليدات فوق فوانيس الشبوره

وطبعا العربيه تحفة تحفة تحفة

**DrAhmad** · 09-04-2013 04:38 PM

كدا يبقا الاوكتافبا او الاسترا اولي من الفلوانس

**Batman372** · 09-04-2013 07:13 PM

المشاركة الأصلية كتبت بواسطة drahmad

كدا يبقا الاوكتافبا او الاسترا اولي من الفلوانس

كل السيارات زادت بدون استثناء ...
الاسعار اليوم تحدد طبقا للتسليم الفورى الاوفر برايس ... السعر الرسمى ليس له اى قيمه لان عقبال الاستلام بعد 3/4 شهور السعر حيتغير مائه مره !!
الاوكتافيا الجديده 1.4 مبدئيا فوق 202 الف ...و الاسترا تبدء من 182 ...
تحياتى ...