تكلفة الصيانة لل si

**hemtey** · 03-04-2013 02:27 PM

السلام عليكم ورحمة الله وبركاتة
انا روحت امبارح لمحمود هوندا اللى فى المعادى وقاللى على شوية حاجات كدة تتعمل وكنت عايز اعرف هل المصنعية كدة كتير ولا كويسة وانا كنت روحت لمحمد على اللى فى الحرفيين لان سامح قالى علية بس المشوار بعيد وبعدين بيشتغل بعد الساعة 5 فكنت عايز اعرف رأيكو مين افضل محمود هوندا اللى فى المعادى ولا محمد على والحاجات اللى هتتعمل كالاتى
1- تغيير سير الكاتينة والباور والدينامو والتكييف
2- تنظيف المانفول بالاسبراى وظبط الماكنة
3- تغيير تيل خلفى
4- تغيير جلبتين ركبة خلفى الكبار
5 تغيير بوجيهات
6- تغيير فلتر البنزين

طلب مصنعية 300 جنية
فهل كتير ولا كويس وايهم احسن محمد على ولا محمود خصوصآ ان المصنعية تقريبآ زى بعض
والف شكر لرجال المنتدى وخاصة الاستاذ سامح اللى تعبان معايا وقارفة كل شوية

**Hamdy Masria** · 03-04-2013 03:26 PM

عن تجربة الأتنين كويسين واحسن من بعض
انت بقى شوف الأقرب ليك ومرتاح مع مين فى التعامل
والمصنعية فى رأى الشخصى هى تقدير من الصنايعى لنفسة
فا مش هتفرق 50 جنية زيادة او ناقصة اهم حاجة الشغل النظيف
والراحة النفسية للصنايعى
ولو حسبنا المصناعية بالورقة والقلم ...
1- تغيير كتينة وسيور وبوجيهات وفلتر فى حدود 150 جنية
2- تغيير تيل خلفى 50 جنية
3- تغيير ركب خلفية مش اقل من 50 وممكن 100

يعنى انت كده وصلت ل 250 : 300 زى ماقولتلك فى الأول
توكل على الله وشوف مرتاح مع مين وظروف وقتك اية
ومبروك مقدما