عمليه في عيني ومحتار اوي .. محتاج رأيكم

**DreAmO** · 03-04-2013 06:21 PM

السلام عليكم ورحمة الله وبركاته

طلعلي في جفون العين " كيس دهني " ظهر من حوالي تلات سنين

روحت لكذا دكتور ومشيت على مراهم وقطرات وكمادات دافيه .. بدون نتيجه

من سنه عملت عمليه لتفريغ الاكياس الدهنيه .. لكن كأني ماعملتش حاجه

والانتفاخ زاد اكتر .. ومأثره على نظري جااااامد .. مع انها في الجفون بس اهو مأثره على الرؤيه

الجديد بقى قررت اضع حل جذري للحكايه دي لأن عيني ضاااايعه

روحت مستشفى مغربي " السيده نفيسه " كشف 120 جنيه

دخلت لدكتور تجميل جفون والحجات دي اسمه عصام والاسم التاني مش واضح

ماكملش دقيقتين كشف عليه منهم دقيقه كان مديني ضهره وبيكتب في ورقه ملهاش علاقه بيه وبيكلمني بنفس الوقت .

قالي عينيك الشمال فيها اتنين كيس دهني فوق .. وواحد جديد تحت " انا اللي نبهته للكيس اللي في الجفن اللي تحت "

والعين اليمين فيها كيس فوق " لكن طالع في مكان رخم منبت الرموش ومش هيقدر يجي جنبها والا هتعمل تشوه "

اما الكيسين اللي في العين الشمال هيعملهم ازاله او استئصال تام مش يفضيهم

ولما قولتله طيب العين التانيه هفضل بيها كدة .. قالي ممكن اشيلك الكيس لكن هتخصر تلات اربع رموش مش هيطلعوا تاني .

تكلفة العمليه حوالي 2600 جنيه شامله 350 جنيه فحوصلات .. لو عملتها في الاقتصادي اللي عندهم هتكلفني حوالي 1000 شامله 350 فحوصات .. دة عين واحده .

روحت لدكتور تاني عن طريق احد المعارف .. اسمه هشام عبد العزيز في مركز عبد العليم ببرج الحريه في المعادي " تخصصه جراحه وتجميل بردو للجفون وكدة "

انا داخل بواسطه فمدفعتش كشف وبص عليه بلبس العمليات بسرعه بسرعه حط صباعه في عيني

بقوله العين الشمال فيها كيسين فوق .. قالي اربعه فوق " وفجأة اختفى " ماكملش دقيقه

الدكاتره بتتبغدد علينا .. وكأني دافع نص جنيه كشف وهعمل العمليه برغيف عيش وبيضيين مثلاً

على فكرة العمليه دي بتاخد 15 دقيقه تقريباً وببنج موضعي .

المهم هيفضيلي كل الاكياس الدهنيه في عنيه الاتنين وينضفهم .. وحسب الكلام ان الكيس مش هيرجع تاني

العنين هيتعملوا في جلسه واحده والتكلفه 1000 جنيه

فانا امشي مع انهي دكتور دلوقت ؟

**alexaway** · 03-04-2013 06:35 PM

واللهي مش عارف اقولك ايه , بصراحة كل حاجة فى البلد بقت ملغبطه , حتيجي علي الدكاتره , انا برضوا كنت دايخ زي حضرتك كدا بس فى موضوع اسناني ,لغاية ما قررت اعمل حاجة مؤقتة لغاية لما تظهر حاجة الدكاتره متفقين عليها :)

**X_MM_X** · 03-04-2013 06:41 PM

شوف واحد تالت وشوف هيأكد كلام مين فيهم

**night_whisper** · 03-04-2013 10:38 PM

أخى الكريم
شفاك الله و عفاك
أرسلت عنوان و تليفون طبيب عيون ممتاز
طبيب رائع و متمكن و أمين جدآ
أتمنى تستشيرة قبل أجراء العملية
تحياتى

**DreAmO** · 05-04-2013 08:43 PM

متشكر جداً ..

المشكله ان كل الدكاتره اللي روحتلهم قبل كدة وصلوا لحد دلوقت كدة ل 6 دكاتره

كلهم عن توصيه وشكر فيهم .. وكل واحد بكلام

انا قررت اروح لدكتور المعادي .. فياريت لو حد جربه او سمع عنه يقول ايه التجربه .