محتاج رأيكو ..

**amraction** · 03-04-2013 07:53 PM

السلام عليكم .. كيفكم يا شباب .. اتمنى تكونو فى احسن حال ..

الموضوع وما فيه .. بما انى داخل على فحص .. او بمعنى ادق المفروض كان فيه فحص من شهر .. فانا قررت اشد العربيه .. سمكره وبويه والعفشه والفرش وكله ..
قعدت احسبها مع نفسى كده ..لقيتنى داخل فى مبلغ وقدره ..
السمكره والرش غالبا هيكونو الحزام كامل .. ربنا يخلى الحمير اللى بركن العربيه وارجع الاقيها محكوكه او مخبوطه .. اخرها واحد كسر اشارته وخبطلى العربيه من ورا !!
العفشه عندى ولله الحمد مدمره تماما .. اى حد عارف طريق الغشام فى الزقازيق عارف يعنى ايه تمشى فيه يوميا مرتين تلاته ..
ده غير حبه اهمال فى الموتور ... وهو بقا بيكح اصلا .. مش عاجبنى من ساعه ما عدا ال 200 الف كيلو

انا عارف انى هاين العربيه الفتره دى .. بس ربنا ما يحط حد فى الظروف اللى انا فيها ..

بس بعد التفكير وتقليب الحساب .. لقتنى هتكلف حوالى 9000 او شويه كمان عشان العربيه ترجع عروسه تانى بمعنى الكلمه ...

فقلت طب وليه .. م انا اجيب نص cdx بموتوره وفتيسه وسلطاته كلها واسقطه فى العربيه ..

فانتو ايه رأيكو .. اشد ولا اسقط موتور بفتيسه وعفشته ؟؟؟

ملحوظه ع الجنب .. ازيك يا طنانى باشا .. اتصلت بيك النهارده بس نمرتك ما بتجمعش .. انت غيرتها ؟؟

**amraction** · 04-04-2013 02:13 AM

??????????????????????????

**tananybasha** · 04-04-2013 04:36 PM

شغاله النمره
و انا ضد التعديل
بيع و اشترى

**احمد فهمى** · 04-04-2013 06:06 PM

والله الصرف غالبو فى السمكره والدوكو والعفشه والصالون هيدخل ده فى 4 الاف يعنى رش حزام مع سمكره هتدخل فى حوالى 2000 وصالون سروجى محترم يعملهولك جلد ويظبط السوست والاسفنج هتدخل فى 1500 ومتورك ايه مشاكلو؟؟؟ لو محتاج صيانه وبلى خشن مثلاً اعمل الكلام ده او طقم دبرياج لو انت عامل 200 الف اكيد محتاج يتغير..

لكن نص cdx وتحويل من مانيوال لأوتوماتيك شغلانه مش سهله وضيف على كل ده سعر السمكره والدوكو والصالون فوفر فلوسك وريح دماغك