ارجو كتابة التقرير عن السيارة اوبل استرا gtc كوبية 2013

**amro0000** · 04-04-2013 01:27 AM

السلام عليكم ياجماعة انا ليا صديق عزيز لسة جايب اوبل استرا gtc موديل 2013 هيا كوبية 2باب 1600 سي سي تربو لسة جايبها النهردة ياريت وانا ركبتها النهردة انا شايفها عربية جميله ونعمة في المشي لاكن انا حاب انكم تقولي تقييمكم للعربية في كل حاجة من حيث عفشة وموتور والصيانه ياريت تقولولي الصيانه كل خمس الاف بتكون اية والتكاليف للصيانه يعني اتمني تقييم للعربية بصفة عامه واي معلومات يفيدنا بيها او ملاحظات علي العربية وشكرا

**احمد فهمى** · 05-04-2013 12:01 AM

مبروك اخى الفاضل العربيه هى نفسها السيدان التربو كميكانيكا وطبعاً مفيش اى شكوى منها وانت فى فترة الضمان يعنى لازم تواظب على السيانه الدوريه بملف الصيانه عند الوكيل ورجاء تعمل تقرير مصور للأفاده والله المستعان

**Abdo Taha** · 24-02-2014 07:30 PM

العربية دي ما شاء الله عليها ملفتة جدا فعلا بس هى 1400 تربو مش 1600 ولا غيروها ؟ خليه ميقلقش منها خالص عربية تحفة و بجد لازم ينبسط منها عربية سبور و اداءها رائع و عملية جدا في المساحة عند منافسيها زي الشيروكو و الاودي a1 و الميني كوبر بس لو عربيته فيها سقف بانوراما لازم يخلي باله منه جدا عشان اي طوبه او كسر بتضطر تغير الزجاج كله بس ميزته انه بيديك شعور الكابروليه فعلاً

**monamize4** · 24-02-2014 08:57 PM

اكتر حاجة بتلفت نظرى ف العربية دى ان الفئة البيز منها مافهاش جنوط

بجد شكلها يضحك ,, عربية هاتشباك كوبية و فيها طاسات ,, دا حتى تمنها معدى ال 200 الف مستريح

و سبحان الله ,, المفروض ان ليها جنوط اوريجنال تخلى اى عربية تنطق و رغم كدة التوكيل بينزل
البيز لاين منها بطاسات