ايه المطب الغبي ده

**badblood** · 09-08-2008 12:42 AM

طب من سنه كان في مطب على كوبري 6 اكتوبر النزلة اللي رايحه شارع البطل احمد عبد العزيز
بس الحمد صلحوه

**pointer** · 09-08-2008 12:43 AM

المشاركة الأصلية كتبت بواسطة Ahmad Allawy

اللي هو الشارع اللي فيه مستشفي مبارك بتاعت الشرطة..
من اول المكان اللي فيه محطة التعاون بتاعت الشرطة دي.. و انت طالع ناحية المقطم..
..

تصدق بقي ده حفر طالع فيها شارع غلط ده هو ده اللي المفروض ما تمشيش فيه اصلا

**Ahmad Allawy** · 09-08-2008 01:50 AM

المشاركة الأصلية كتبت بواسطة pointer

تصدق بقي ده حفر طالع فيها شارع غلط ده هو ده اللي المفروض ما تمشيش فيه اصلا

ههههههههههههههه
ده عباترة عن شوية خفر و بلاعات..
و عملوا ممر متعرج كده بينهم..
:) :) :) عشان العربيات تمشي فيه..

**pointer** · 09-08-2008 03:09 AM

المشاركة الأصلية كتبت بواسطة mohamed2002

امبارح خدت حفرة مش مطب :) بس جامدة اوي حسيت ان في فانوس او حاجة وقعت هبدت مع اني كنت راكب الادا !
المكان : بين الدخيلة والمكس (قبل امارات مصر وانت جاي من العجمي ورايح المنشية )

اوعي العجمي وطريق العجمي علي الهانوفيل والبيطاش بلاعات تلاقي مطبات تلاقي مشروع تلاقي مقطورات تلاقي
اهم من ده كله انك متلاقيش شارع كويس يمكن علي شان الصرف الصحي الجديد والله اعلم

**Karim_Monir** · 09-08-2008 03:44 AM

العجمي الكرولا حكت فيها وكانت اول مرة في حياتي الكرولا تحك وانا بطوللي فيها
كان فاضل انزل منها عشان تخف الوزن وتمشي زق
ها ها
اغبى مطب بس شالوة كان في الشارع الل بين سور جامعة الازهر وبين المنصة
وانت نازل من فوق على طريق النصر كان في مطب صناعي والشارع كلة منزل
مرة 128 نازلة بسرعتة لقى المطب في وشه طار للاتجاه المعاكس ونزلت اتقسمت نصين
ايووووون نصين بدون مبالغة
الصور كانت عندي
وكان في صور ليها على الجروب بتاع صور الحوادث اللي على الفيس بووك وانا معلق عليها هناك

**medo_msmsa** · 09-08-2008 10:27 AM

karim_monir
انت تقصد المطب اللي قصاد البوابة بتاعت جامعة الأزهر بنين على فكرة المطب جاي في حتة مغرية جدا وفاضية والطريق نازل يعني العربية بتجري لوحدها والمب عالي يعني اللي بيلبسه بيغير عافشة ممكن تلاقي المساعدين طالعين له من الكابود بيسلموا عليه
حصلي موقف حلو اوي معاه لما كنت في مصر كان معايا لانوس وكنت نازل من عند يوسف عباس ورايح على الاوتوستراد وكان معايا خطيبتي وكان في واحد شايف نفسه أوي وكان معاه فيات تمبرا وعمال يشد وعايز يعديني بالعافية فضلت شادد لحد ما قرب المطب وكانت السرعة 120 او زيادة فانا هديت لاقيته بيبصلي ويضحك كان بيحسبني خلاص كشيت وخلاص سلمت يعني وهوووووووووب عربيته بقت طيارة طااااااااااااااااار وبعدين العربية اتهبدت لدرجة ان الاكصدام الخلفي خبط الارض وفضلت حاجات بلاسيك كده تطير من العربية طبعا هو وقف يلملم الجراح وانا عديت ابصله بدون اي تعبير والله صعب عليه

m_a_aboelsoud
انت تقصد المطب اللي عند ربيع دايو اللي قبل الجامع ده اعلى من الرصيف اللي جنبه على فكرة ده اهون كتير من المطبات اللي في العمارات اللي علي الشمال عمارات التوفيق في مبين عند مسجد التوفيق جوة حاجة تفرح لو مشيت على سقف العربية برضة هيحكوا ده من كتر الناس ما حكت فيه راس المطب بقت عاملة زي الخريطة!!!!

**Ahmed Taha** · 09-08-2008 10:40 AM

الموضوع ده في كل مدينة نصر الحى زبالة الناس دي المفروض تتحاكم و الشوارع دي دليل لازم يتحرز.

http://www.nilemotors.net/Nile/showthread.php?t=32985

الموضوع الموجود في الرابط حصلي و كلفني في التوكيل 3600 جنيه مصري لا غير.

**mohamed2002** · 09-08-2008 11:25 AM

المشاركة الأصلية كتبت بواسطة pointer

اوعي العجمي وطريق العجمي علي الهانوفيل والبيطاش بلاعات تلاقي مطبات تلاقي مشروع تلاقي مقطورات تلاقي
اهم من ده كله انك متلاقيش شارع كويس يمكن علي شان الصرف الصحي الجديد والله اعلم

الحق يقال انا جاي من الهانوفيل يوم الخميس الطريق ممهد وكويس من اول الهانوفيل لغاية الدخيلة ,من الدخيلة الي المكس في شوية حفر ,لكن طريق العجمي في طريقة للاصلاح

**pointer** · 09-08-2008 05:26 PM

ايوه كده وياريت كل اللي شاف حفره او مطب خطر ينبه اخوانه ويجزيه ربنا خير عن الموضوع ده
علي فكره كان الهدف من الموضوع تنبيه الناس من البلاعه المفتوحه اللي في صدر الموضوع لاني كل يوم اعدي من عليها الاقي عربيه متدمره من الحجر اللي بيحطوه الاذكياء وده اللي خايف منه في حكايه شنطه الاسعاف ده الاذكياء اقول ايه بس
بتوع البلاعات بيجيبوا الغطا ما بيباتش ويتسرق لغلو ثمن الحديد وبتتباع خرده زمان ب200 جنيه معرفش الان تمنها كام
المهم قعدت ادور علي المطبات علي النت ابحث عن speed humps وهتلاقي العجب العجاب
المهم مواصفات المطب ايه
ان السايق بسرعه ده غلطان غلطان بس ميستحقش يموت صح
ان المطب علشان السرعه تقل مش علشان تدمير السيارات
ممكن المطب يبقي طويل علي شان ما يحكش زي بتاع خضر التوني بتنهبد بس والعربيه مسكه في الارض
بلاش المطب المرتفع علي شان العربيات و الناس اللي فيها في ناس مريضه ومتستحملش الهبد ده
ممكن ناخد راي الاعضاء في المطبات اللي قبل بوابه الرسوم بتاعه اسكندريه مصر الصحراوي ومش هاقول عمله ازاي علي شان اللي عاينها بس اللي يقول رايه بس تكون بعيده عن بعض و الولاني اكبر من اللي بعده
اهي افكار والسلام ومعلش طولت عليكم

-

الموضوع: ايه المطب الغبي ده

LinkBack

أدوات الموضوع

عرض

-

-

-

-

-

-

المواضيع المتشابهه

السائق الغبي موجود في كل مكان في العالم ...!!!

القرية الذكية في المكان الغبي

من شر حاسد إذا حسد، ولا أنا الغبي!!!

أعمل ايه في بتاع الكاوتش الغبي

صوت تزيق مع المطب لو اخذت المطب براحة

الكلمات الدلالية لهذا الموضوع

المفضلات

المفضلات

ضوابط المشاركة