اقتباس:
المشاركة الأصلية كتبت بواسطة bassem_sams
شكرا جدا يا م/أحمد على الموضوع المتميز ده فعلا موضوع جامد و شامل و طريقه عرضه فيها ذكاء و ده تانى موضوع اقرأة لك و احس بالأبداع و احتراف و اسلوب متميز فى العرض و شامل صور و كمان معلومات من مواقع اخرى و كأنك معلم و احنا تلاميذ و بتعطينا الملخص:)ربنا يوفقك و يكرمك و يعطيك خير العربيه سيراتو
انا للأسف حصلت شويه ظروف هتخلينى اخر شويه شراء العربيه لكن لحد الأن متمسك بسيراتو المانيوال لكن من داخلى بقول عيبها فى كماليات بس انا بتكلم بنسبه لنفسى فى المانيوال لكن انا مقتنع بها و حببها جدا لكن يوم الجمعه لأقيت فى سوق سيارات نيو واجا و قرأت عنها لأقيتها مليانه كماليات المانيوال ب84 الف فبها 2 ايرباج و abs
و راديو سىدى mp3 و و اطارة multi function ,و صالون مكتوب انها معمول من المواد الفاخرة و واسع و فيها حساس خلفى لركن و باور و نظام تعليق متطور و و تحكم فى مرايات و جنوط و هى 1600 سىسى تولد 110 حصان و هو نفس ماتور جين 2 يعنى تسارع و ثبات ممتاز و بتستهلك 6 لتر لكل 100 كم فده خلانى افكر تانى فيها
و احب تنصحنى او تقولى رأيك ما بين الحيرة اللى انا فيها
باسم باشا ....
اولا انا متشكر جدا على كلامك الجميل ....
والجهد اللى انا بذلته فى الموضوع ده لانى حسيت بواجب تاجه المنتدى ده لانه بينور الطريق تجاه حيرة الناس فى اختيار العربية المناسبة ليهم وانا استفدت من المنتدى وضرورى افيد غيرى , لان كلنا او اغلبنا اذا شئنا الدقة العربية تمثل له حلم جميل وبيحط فيها شقى العمر ذى مابيتقال وبالتالى الواحد لازم يبقى فى حيرة أختيار عربية ويكون متوقع انها هتديله اللى بيحلم بيه
واكيد ده مش هيحصل بنسبة كبيرة ....وبناءعلى كده انت بتحاول تبذل اقصى جهد فى البحث والاختيار فى حدود المتاح لك من المال يعنى بتعمل اللى عليك والباقى اكيد على ربنا ....
واوعى تزعل على الظروف اللى خلتك تأجل شراء سيارة لأنه اكيد بتظهر مستجدات كل يوم سواء بماركة او موديل مختلف فيه امكانيات افضل اوسعر احسن او حتى يبقى معاك موديل السنة اللى جاية.
وبعد مابتعمل اللى عليك بتلجئ لربنا سبحانه وتعالى وصلى استخارة علشان يفوفقك للى فيه الخير ...انا مثلا كان حلمى انى اجيب الصنى وكنت معجب يها جدا (وما ذلت)و لم تفرجت عليها ماستريحتش لبعض اللى فيها وده لا يعيب العربية وممكن حد يقول حد يسيب اليابانى ويجيب كورى ؟؟؟!!!!!
انزل واتفرج على النيو واجا وزى احد الاصدقاء هنا فى المنتدى قال شراء العربية زى الزواج فيه عن حب وفيه عن عقل... اذا حبيتها اشتريها :biggrin24:
فى الاول والاخر كل شىء نصيب وهى اشياء مقدرة وزى مابنقول فى مصر كل تأخيرة وفيها خيرة
واكيد اكيد لمصلحتك وربنا يوفقك للى فيه الخير ويبركلك فيه