ربنا يكرمك ياباشا
شكرا على الدعوات الجميلة
عرض للطباعة
تقييم ممتاز ومحايد واحترافى الف مبروك اعطاك الله خيرها وكفاك شرها
فعلا انا اشتريت سيراتو 2006 صاحبها كان مغير الكلاكس
الحركة دي خلي بالك منها لو مركب وحدات رفع الزجاج مش هاتشتغل برضه لو انت ضاغط الزرار دا يعني لازم تلغيه قبل ماتنزل من العربيةاقتباس:
2- عند استخدام زرار قفل التحكم فى النوافذ للركاب لا يستطيع السائق ايضا التحكم فى نوافذ الركاب الا اذا قفل هذا الزر (حركة غبية :confused:)
بس فيه ميزة تانية في العربية معرفش هي قديمة ولا جديدة لما تشيل المفتاح من الكونتاكت بيفضل عندك القدرة على التحكم في الزجاج من الزراير الكهرباء لمدة دقيقة علشان لو اكتشفت بعد ماتنزل من العربية انك نسيت الزجاج الخلفي مثلا مفتوح ودي بتحصل كتير طبعا
بالنسبه يا م /أحمد الكيا سيراتو كان فى كام سؤال محيرنى اللى اعرفه ان كان فى اختيارتك نيسان صنى و ايه تانى كان من اختيارتك و هل الألنترا كانت من المقترحات
ده كان سؤال نجى للعربيه طبعا سيراتو تقفيلها ممتاز و جودة الخامات جيده هل تشعر انها مميزة فى وسط العربيات فى طريق اقصد تشعر ان و انت سايقها بانها سيارة جميله و تابلوها فخم ؟
بالنسبه لسواقتك لسيراتو هل تشعر انها معمرة و ادائها مش هيقل مع زمن او تتبهدل
و هذا كانت اسئله دائما تخطر على بالى و لكن اهمهم هما ان شاء الله ناوى اشتريها مانيوال هل كمالياتها كفايه ام سأشعر بالندم و هل قطع الغيار مع الوقت ستكون متوفرة و منتشرة ام ستكون قليله و سعر ها غالى
و فى الأخر ربنا يوفقك و يكرمك فى حياتك و فى سيارتك و شكرا كتير على مواضيعك الجميله و المميزة و اتمنى من مشرف المنتدى انه يثبتها لأنه مفيده لناس المحتارين و محتاجين يعرفوا بيانات و معلومات عنها
كان فى ضمن أختياراتى نيسان صنى ولانسر 1600 اتوماتيك وكنت عامل موضوع لتجربة النيسان واللانسر هتلاقيه فى توقيعى والالنترا ماكنتش ضمن المقترحات
بص التميز من عدمه دى مسئلة ازواق فى ناس شايفها حلوة وناس شايفها غبية وقديمة
انا عن نفسى عجبانى واروبية التصميم ومبسوط من شكلها
حتة التميز وانا سايق عمرى مافكرت فيها بس عموما هى تعتبر سيارة فخمة الى حد ما والمهم انى مبسوط منها ومش كارها
وهى للاسف مش منتشرة وده ممكن يكون نوع من التميز :confused:
دى حاجة فى علم الغيب ياباشا ... عموما ربنا يستر دى اول مرة اركب كورى
وطول عمرى راكب اروبى وكان معمر وبيعيش
الف شكر على ردك جميل لكن بالنسبه للواجا لسه محتار بينها و بين السيراتو انا معجب بسيراتوجدا كشكل و امكانيات لكن اللى مضياقنى ان المانيوال مش بيجى معها ريموت و ان دى اخر سنه لها و بعدين هينزل الفورتى لكن انا مش متاكد من الموضوع ده لكن اللى شدنى للواجا سعرها و كمالياتها كتير لكن انا خايف من الواجا لأنى ما شفتهاش او اعرف حد جربها لكن خير ان شاء الله
صحيح بالنسبه لألوان سيراتو انا اعرف ان فى فضى و شامبين(ذهبى) هل فيه فيرانى و ايه افضل لون تفضلوة
شوف ياسيدى العربية بتنزل بـ9 الوان تقدر تشفهوم هنا
وانا شايف افضل الالوان الفاتحة السماوى - الفضى -الذهبى
افضل الالوان الغامقة النبيتى - الاسود (وان كان عايزة عناية خاصة)