تسقيط ماتور بولو 1400 2كامه كامل

**mido_antouhh** · 05-04-2013 03:22 AM

المشاركة الأصلية كتبت بواسطة SYD

الف مبروك الموتور الجديد
انا قريت كدة بسرعة عشان ورايا كذا حاجة بتعملها

بس خدت بالي من مشكلة في العدادات
بص يا باشا - اكشف كويس علي ضفيرة النص - لأن ممكن تكون المشكلة دي من الضفيرة
وحطها علي الكمبيوتر خدت قراية حساس الحرارة - لو مظبوط يبقي المشكلة اما من العدادات او من الضفيرة
هتراجع علي الضفيرة - لو تمام - يبقي المشكلة محصورة في علبة العدادات ودي امرها سهل ان شاء الله

ربنا يباركلك في عربيتك

اولا شكرا اوى لزوقك
بس انا مش فاهم كده العيب من العدادات ولا من الضفيره
ممكن تفدنى اكتر بعد ازنك

والله المستعان
،
،

**mido_antouhh** · 05-04-2013 03:27 AM

على فكره انا عملت الموضوع فى قسم السيات ومعملتهوش فى قسم الفولكس عشان القسم هناك نايم ومحدش بيرد خالص على حد ولا حد بيفيد حد

**SYD** · 05-04-2013 05:21 AM

المشاركة الأصلية كتبت بواسطة mido_antouhh

على فكره انا عملت الموضوع فى قسم السيات ومعملتهوش فى قسم الفولكس عشان القسم هناك نايم ومحدش بيرد خالص على حد ولا حد بيفيد حد

يا باشا دة شرف لينا
وعلي العموم طول عمر قسمي فولكس وسيات بينهم تعاون والأعضاء متعودة تشارك هنا وهناك كأنهم قسم واحد

اما عن سؤالك بخصوص الضفيرة والعدادات

بس انا مش فاهم كده العيب من العدادات ولا من الضفيره
ممكن تفدنى اكتر بعد ازنك

بص يا سيدي
انا كان ليا تجربة مع عدادات العربية عندي
كان مؤشر البنزين مهيس
عداد السرعة مش شغال
عداد الكيلو متر (الديجيتال) مش بيعد - لأنه مرتبط بالسرعة

يمين شمال - مش عارف العيب منين
فالأول قولت المؤشر مهيس لأن اكيد العوامة عايزة تنظيف او تغيير
اما عن الكيلو متر والسرعة فأكيد فبرة السرعة في الفتيس مكسورة وخصوصا ان لمبة المرشدير ماكنتش بتنور

روحت للكهربائي بتاعي (دكتور ورشة أمبابة)
كشف وبص وكانت المفاجأة
اولا الكيلو متر والسرعة عندي علي حساس وليس فبرة وشغل اللادا (مع كامل احترامي وتقديري للادا وملاكها - بس لأني كان عندي لادا قبل الأبيزا)
وطلع كل العك عندي في الضفيرة
وجميع الحساسات والعدادات تعمل بكفاءة

غيرلي نص الضفيرة (ضفيرة الرشاشات والحساسات والكنترول)
الدنيا ظبطت معايا اخر فيصل - لمبة المارشدير ومؤشر البنزين والسرعة والكيلومتر

دة اول شق

الشق الثاني
محتمل العدادات تكون مهيسة - لأن العدادات معروف عنها انها شغالة علي مقاومات حساسة جدا جدا جدا
ممكن يكون وصلها كهربا غلط وهو بيتيست لأي زبون ولا اي عك فأي حتة هيس العدادات

حضرتك هتروح عند كهربائي فولكس متخصص - هتخليه يكشفلك ويقطع الشك باليقين

وانا تحت امرك في اي استفسار

تحياتي

**Karim Ibiza** · 06-04-2013 01:23 AM

مبروووك يا ميدو وفى انتظار الصور

أنا قريت رد سيد وكلامه عن الضفيرة
انت ممكن تعمل حاجة عشان تتأكد ان الضفيرة سليمة, ركب عدادك القديم وشوف, لو طلع عدادك كمان مهيس يبقى فعلا كده مشكلة فى الضفيرة
لكن لو عدادك سليم يبقى المشكلة فى العداد الجديد
جرب وقولنا

**SYD** · 06-04-2013 03:42 AM

المشاركة الأصلية كتبت بواسطة Karim Ibiza

مبروووك يا ميدو وفى انتظار الصور

أنا قريت رد سيد وكلامه عن الضفيرة
انت ممكن تعمل حاجة عشان تتأكد ان الضفيرة سليمة, ركب عدادك القديم وشوف, لو طلع عدادك كمان مهيس يبقى فعلا كده مشكلة فى الضفيرة
لكن لو عدادك سليم يبقى المشكلة فى العداد الجديد
جرب وقولنا

كلام سليم 100%

**ehab_mansour** · 08-04-2013 02:02 PM

المشاركة الأصلية كتبت بواسطة mido_antouhh

تمام ليكو اوى
انا بجد مبسوط بيكو اوى
انا محتار احط زيت اه
5 ولا 10
ونوعه اه
ممكن تفيدونى
انا مغيرتش بوجيهات
تنصحونى باه

حط زيت نصف تخليقي و شوف هيعمل معاك ايه لو زي الفل استمر عليه و نزله علي 10 الاف كيلو و ليكن خليك في كاسترول ماجنيتك

البوجيهات اشتري زي اللي فيها لو منك هطلع بوجيه منها و اشوف كوده ايه و اشتري زيه و فيه اكتر من موضوع بيتكلم عن اكواد البوجيهات هدورلك عليهم و اشوفهملك