الموضوع: الفئه المحيره من 110 الى 130

فعلا توكيل الينيا سئءءءء جداااا
رغم إنها أحسن عربية فى فئتها , يا خسارةةةةةة
اقرا المشاركة دى
http://www.nilemotors.net/Nile/345934-10-000-60-a.html

أنا عايز أضيف ستروين سي-أليزية ، هي عرية جديدة و لسة مانزلتش على الطريق بس أنا شايفها واعدة
و قطع غيارها سعرها معقول بس معنديش تفاصيل كتير

السى اليزيه شكلها حلو بس فى ناس قالت انها لوجان بس على نضيف شويه و الخامات مش قد كده

التيدا نازل منها شكل جديد و غير معروف سعره كمان الاستلام بعد 3 شهور يعنى تكون غليت تانى هى كمان

المشاركة الأصلية كتبت بواسطة aliabdo

السى اليزيه شكلها حلو بس فى ناس قالت انها لوجان بس على نضيف شويه و الخامات مش قد كده

لالالا مش لوجان خالص
هي من جوة بسيطة شوية بس الفينيش ممتاز أسباني مش مغربي واللا روماني
كمان الستروين كماركة أعلى و مش بتهفلط زي رينو
واكيد في الموتور و الاتزان احسن
كمان شكلها من برة تحفه

هي عيبها لسه ماتجربتش و اعادة البيع غالبا مش قوي زي ستروين عموما

المشاركة الأصلية كتبت بواسطة JOKER_KLEN

والله يا جماعة انتم ليه موش عجبكم الاوبترا كده ليه والله سيارة واسعة واعتمادية واقتصادية فى وسعرها معقول وياريت تقوليى عدم رضائكم عنها ليه ؟؟؟؟؟؟؟؟؟؟؟؟؟؟؟

كلام معقول جدا لو بتبص من الناحية العملية فقط و هي مهمه جدا طبعا و انا عن نفسي بحب الأوبترا
بس الناس عموما بتعشق التجديد والتغييرو المظاهر وهى برضه مهمه بس هو اختلاف تطلعات وثقافات وزمن مش اكتر

يعني مثلا واحد بيحوش بقاله اكتر من خمس سنين لو راح جاب عربية بتنزل بنفس الشكل من قبل مايبتدى يفكر يحوش حيحس ان فلوسو راحت اونطة و احسنلو كان لخص من سنتين و جاب واحده كسر زيرو ...مسأله نفسية شويه

وياسالام لما يبقى موديل جديد و الناس رايحا جايه تسألو عليها و حلوا واللا ايه ....طب ممكن اجربها...اه دا فلان اللى معاه العربيه اياها وكده...شوية صيت و تميز
برضو ماننساش ان الجديد بينزل فيه امكانيات جديده و طفرات جديدة في التكنولوجي ولو ماكانتش بتعمل فرق على مده قصيرة فهي بتعمل فرق كبيير على المدة الطويلة...وإلا كان زاماننا راكبين حنطور لغاية دلوقت زو كان في زمانه عملي جدا

مع كامل احترامي للأوبترا و هى مازالت كويسة و عملية و انا عن نفسي بفكر زيك بس برضو بحاول أعمل توازن و اجاري اللي حواليا

الاوبترا عربيه حلوه بس انتشرت زياده عن اللزم و عيبها ان مفهاش اى وسائل امان طيب ما انا ازود 10 15 الف و اجيب عربيه محترمه اطمن على نفسى و على عيالى فيها و فى نفس الوقت عريبه مميزه مش كل الناس راكبها
التيدا حلوه بس موضوع الموديل الجديد ده الى يقلق شويه للاسف
الاليزا حلوه برضو بس مشوفنهاش و محدش يعرف عنها اى حاجه غير ان سمعه ستروين فى مصر مش تمام قوى كاعاده بيع و قطع غيار