يا ريت يا رجالة تقولولى ايه أحسن زيت للسى 4 ، و ايه أطول مدة للزيت و الفيلتر من حيث الكيلومتر و المدة الزمنية ؟؟؟
عرض للطباعة
يا ريت يا رجالة تقولولى ايه أحسن زيت للسى 4 ، و ايه أطول مدة للزيت و الفيلتر من حيث الكيلومتر و المدة الزمنية ؟؟؟
....l helix ultra
أو Total quartez 9000
الاتنين 5w-40
التوكيل بيقول total وانا مجرب ....l وممتاز برده
بالنسبة للمدة : الإتنين يقعدوا لحد 15000 لو الموتور حالته كويسة
بس أحسن غير على 10000
ال ...... دي مكانها شل
انا بستعمل total quartez 9000 برضه زى ما التوكيل بينصح
و بصراحة شايف انه كويس مش لاقى مشاكل معاه يعنى
بس فيه زميل هنا كان جرب liqui moly و قال انه كويس برضه
تسلم لنا يا كبير ، طب و الفلتر بيتغير معاه طبعاً مش كده ؟؟؟ لو هغير كل 10000 يعنى؟؟؟ و بالنسبة للمدة ايه النظام ، أنا أعرف ان الزيت المفروض يتغير بعد مدة معينة حتى لو موصلتش للكيلومتر بتاعه ، و بالنسبة لرأيك انت أنه واحد أحسن من و اقع تجربتك ؟؟ معلش أنا أسئلتى كتير بس مش عايز أعك :) ، فى الهوندا أنا و أبويا بنغير كل 5000 شل الأصفر و تمام على كده ، بس السيتروين أنا عايز أدلعها فى الزيت..
الفلتر بيتغير طبعا :)
و هات الأصلي purflux عشان المضروب بيبوظ
و بتلاقيه بيطلعلك Oil pressure too low
عموما الأصلي ده بـ 60 مش غالي يعني
شل معبأ في مصر بس مواصفاته أعلى شوية
و توتال فرنساوي 100 %
الإتنين كويسين , أنا جبت شل تغيير مش أكتر
اوعى تفكر في في شل 5000 ده خالص ,ده زيت معدني
معلش نسيت أرد على دي
فيه عوامل كتير في الموضوع ده زي مثلا :
سواقتك في زحمة ولا طرق فاضية
بتعمل مشوار قصيرة كتير ,يعني بتمشي بالعربية باردة كتير
استخدام العربية في درجات حرارة عالية 30+
طريقة السواقة , بتحرق كتير ولا لأ ؟
فيه حاجات كده ملهاش مقاييس ثابتة زي تيل الفرامل مثلا , فاهمني ؟
بس كمتوسط , غير على 10000 أو سنة
ومتخفش العربية فيها sensors
لو الزيت حالته مش كويسة , هيطلعلك error
ولله انت ابن حلال أنا كنت عايز أسألك على موضوع السنسور دا ، أنا عندى فى الحتة اللى بيبقى مكتوب فيها "oil" دى و يعلق عليه بقى اذا كان أوك و لا يحط عليه الشرطة زى ما فى الكتالوج ، مفيش حاجة مكنوبة خالص ، كلمة "oil" مش مكتوبة خالص ولا حتى مع كل اللمد اللى بتنور أول ما تفتح الكونتاكت ، هل دا طبيعى و هى مش بتتكتب غير لو فيه مشكلة ولا كده حساس الزيت فاصل ؟؟؟؟