ملاحظة على الفتيس الاوتوماتيك و لفرامل

**Yosef_azab** · 06-04-2013 12:32 AM

السلام عليكم
عندي ملاحظة على الفتيس ، انا اول مره اركب عربية اوتوماتيك فمش عارف ده عادي ولا لا ،لاحظت ان لما بضع الفتيس على وضع parking و بعد كده انقل ل drive بيحصل زي رجة جامدة في العربية و مش بتحصل لو اني عملت العملية دي و انا رافع فرامل اليد !!
بالنسبة للفرامل لما بضغط فرامل جامد بحس ان العربية بتزحف بشكل متقطع فهل ده عادي ولا كده في حاجة في العربية؟
و شكراً

**youssef_u** · 06-04-2013 01:11 AM

العربية طبيعي بيبقا فيها نطة لما تنقل سواء فرامل اليد مرفوعه ولا لا و بتختلف حسب قوة الضغط عالفرامل و ياريت حضرتك توضح نوع العربية ايه....

بالنسبه ان العربية بتزحف بشكل متقطع فده الabs و طبيعي انها تعمل كده

**zambarota** · 06-04-2013 01:49 AM

المشاركة الأصلية كتبت بواسطة Yosef_azab

السلام عليكم
عندي ملاحظة على الفتيس ، انا اول مره اركب عربية اوتوماتيك فمش عارف ده عادي ولا لا ،لاحظت ان لما بضع الفتيس على وضع parking و بعد كده انقل ل drive بيحصل زي رجة جامدة في العربية و مش بتحصل لو اني عملت العملية دي و انا رافع فرامل اليد !!
بالنسبة للفرامل لما بضغط فرامل جامد بحس ان العربية بتزحف بشكل متقطع فهل ده عادي ولا كده في حاجة في العربية؟
و شكراً

السلام عليكم ورحمه الله

بالنسبه لموضوع الفتيس حضرتك ممكن قبل متجيب العربيه على الوضع p تجيب الوضع N وتشد فرامل اليد وبعدها تجيب العربيه على الوضع p مش هاتلاقى الرجه دي خالص ان شاء الله