ثرموستات الكوع انا مغيرتهاش قبل كدة - بس اعتقد بتتباع جديدة لوحدها طبعا
اكشف الأول علي الثرموستات وبعدين نشوف الحرارة - لأنها كدة مش طبيعية وخطر طبعا المشي بيها كتير وهي كدة
ثرموستات الكوع انا مغيرتهاش قبل كدة - بس اعتقد بتتباع جديدة لوحدها طبعا
اكشف الأول علي الثرموستات وبعدين نشوف الحرارة - لأنها كدة مش طبيعية وخطر طبعا المشي بيها كتير وهي كدة
الحمد الله تم غسيل الدورة وتغير المياة لــ مياه حمراء gt12 عند الشيخ اشرف والراجل بصراحة مرديش ياخد فلوس نهائى
وكان فى خرطوم الردياتير اللى فوق كان بالبلدى كدة ( بيشفط وبينفخ ) والشيخ اشرف قالى غيرة افضل قبل ما نغير المياه .. انا كنت سئلت علية جديد عند فتح الباب كان بــ 60 جنيه صينى طبعاً .. طلعت على ملك الجلف واشتريته استيراد عليه علامه سيات وصناعة اسبانى بــ 40 جنيه ..
جرب وشغل تمام التمام المياه ممتازة وتبريدها افضل من اى نوع تانى انا جربته .. الحمد الله وربنا يستر طريقى وطريقكم
انا لقيت ثرموثات الكوعة ملغيه زى ما انت توقعت يا باشمهندس او بمعنى اصح مش موجودة
الحرارة ثابتة على المنتصف من غير التكييف حتى على الطريق الطوالى ولو شغلت التكييف الحرارة بتنزل للربع بالظبط بعد شوية
اعمل اية انا دلوقتى اسئل عليها جديد ولا استيراد ؟؟؟ وبصراحة الثرموثتات دى لو غالية انا هأجلها للشهر القادم هتبقى فيها مشكله كدة معايا ؟؟؟
لاء - هاتها جديدة احسن - بس ياريت تكون اصلية - حتي لو غالية شوية مش مشكلة
واسأل عن شجرة المياة - لو لقيتها استيراد قريبة من ثمن الثرموستات هات شجرة استيراد احسن
الشجرة في حدود 90 - 100 استيراد
والحمد لله انك حطيت ايدك علي المشكلة
بس خلي بالك من ملحوظة
سواء تغيير الشجرة او الثرموستات - هينقص معاك المياة بشكل غير طبيعي وهتضطر تعيد الفيلم من اوله
كان حقتك لما لقيت الثرموستات ملغي - ماكنتش حطيت المياة الفولكس واكتفيت فقط بالمياة المقطرة
معلش - خليها للشهر الجاي او اللي بعده حتي - بس ماتقرصش علي المكنة طول مانت مشغل التكييف والحرارة اقل من النص
تحياتي ليك
يا حودة ماتنساش انك مش مركب الفيشة الأصلية -و شغال بلدي
الأصول مروحة واحدة فقط اللي تشتغل بدون التكيف
واول لما تشغل التكييف تشتغل الثانية
اخلص بس الأول من قصة الثرموستات - وبعدها نروح للكهربائي بتاع فولكس يظبطلك الدنيا
انا كمان عندي شغل كهربا كتير ومأجلة لحد لما ربنا يكرم - وبصراحة كنت عايز حد يشجعني
انخفاض الحرارة امر غير طبيعي - خلي بس حق المياة الحمرا يبرد - وبعدها شوف قصة الثرموستات وبعدين نشوف قصة الفيشة
تحياتي
الف مبروك يا استاذ محمود و ربنا يباركلك علي نقل تجربتك
طبعا الطقم الكبير رائع سواء تبريد او تكييف و ملهوش حل عندي و مريحني جدا و الحمد لله و هو نازل عندي فبريكة كده مافيهوش حاجه اتغيرت
بخصوص بعض الاستفسارات اللي اترد عليها هنا من ابو السيد و غيره و ربنا يباركلهم جميعا لي بعض الملحوظات
1- عندنا طقم التبريد ده بمروحتين و سرعتين و له اكثر من حالة تشغيل :-
الاولي مع التكييف و هنا بتشتغل المروحتين و بالسرعه القصوي و اللي بنسميها السرعة الثانية و بتفضل كده لحد ما تفصل التكييف
الثانية هو حالة درجة حرارة المرتفعه و دي تقريبا ما بين 90 الي 93 درجة و هنا بتشتغل المروحتين و لكن بالسرعه الاولي المنخفضة
الثالثة هو حالة درجة الحرارة المرتفعه و لكن اعلي من 93 و هنا بتعمل المروحتين بالسرعه القصوي الثانية لتبريد المحرك و دي مبتحصلش ابدا تقريبا مع الطقم ده و في ظل درجة حرارة بلدنا لأني معايا عربيتي الكوردوبا بالطقم ده بقالي سنتين و مرة بكل ظروف التشغيل و مسمعتش ابدا المروحتين شغالين علي السرعة القصوي بدون تشغيل التكييف
في عربيتي الابيزا السابقة بالطقم التبريد الصغير ابو مروحة واحده سمعت السرعه القصوي اكتر من مره و ابرزها لما كنت راجع من الصعيد و ماشي سرعات 130 الي 140 مستمر لمسافات تصل الي 500 كيلومتر و بدون توقف كنت لما اقف في كمين اسمع صوتها
بخصوص موضوع ثرموستات الكوعه فأنا غيرته اكثر من مره و هو سعره من 50 الي 80 جنيه جديد و هو السبب في نزول الحرارة عن النصف مع التكييف لأن ده حصل عندي او مع السير بسرعات علي طرق مفتوحة و الثرموستات ده بيفتح دورة التبريد الي الرادياتير عن درجة حرارة 87 و فيه منه 82 درجة و تركيبه سهل جدا جدا و ممكن تفتح الدورة من الطبة اللي جنب حساس الحرارة و تصفي المياة الغالية اللي انت حطيتها في اي عبوه و ليكن جركن او اي شيء او جركن كبير تفتحه نصين و تفضي فيه و لما تخلص ترجع تملأ الدورة بنفس المياة من غير ما تخسرها
و بالتوفيق للجميع و او سؤال تحت امرك يا محمود بيك ولو فيه وقت كنا غيرناه مع بعض في 10 دقايق لكن الله المستعان
الله ينور عليك ... الجهل وحش والعلم نور :Copy of majd(4): ... انا كنت فاكر الطبيعى المروحتين يشتغلوا مع بعض .
خلاص ان شاء الله انا هظبط نفسى اول الشهر القادم اخلص الحجات دى ثرموثتات الكوعة وشغل الكهرباء وكويس فرصة اقبلك ونشجع بعض لو يناسبك الشهر القادم يبقى تمام قوى .
وعوضنا على الله فى 85 جنيه بتوع المياة .... بس هبقى حليت مشكلة وارتحت ..
الله يبارك فيك يا هندسة ... وهو دة اللى بيحصل عندى بالظبط المروحتين بدون التكييف على السرعة الاولى ... والمروحتين على السرعة الثانية بالتكييف .. وسعر ثرموستات الكوعة كدة معقول مش غالى زى ما كنت متوقع وربنا يسهل واغيرها على طول .. وفكرة تصفية المياة فى جركن فاضى ممتازة علشان نارهم مابردتش لسة فعلاً .. ربنا يجازيك خير يا بشمهندس ايهاب
وانا شغال معايا كدة ... بس فعلاً الطقم الجديد دة جبته من غير الفيشة بتاعتة .. والطقم القديم كان ردياتير صغير وفيشتة غير الطقم الجديد .. المهندس سيد كان منبهنى للموضوع دة علشان محدش يلعب فى الضفيرة وقالى اعملها اى حاجة مؤقتاً على ما تروح لكهربائى فولكس يظبط الدنيا ... وفعلا عملها على سلكين بترامل واخد كهرباء من الفيشة القديمة .. وبما ان التكييف عندى راكب على العربية يعنى مش بتاعها فكهربته مش على الضفيرة ومعمله كتاوت لوحدة وشغال مباشر مع التكييف على السرعة التانية حتى لو العربية باردة .
انا كدة كدة هروح مع المهندس سيد لكهربائى فولكس يظبط الدنيا واطمن بس موضوع الفيشة دى مش عارف هيعمل فيها اية يعنى موضع الترامل دة هيبوظ الدنيا ولا طالما شغالة معايا كويس يبقى خلاص .