الموضوع: غيرت لكونتيننتال؟؟؟؟

المشاركة الأصلية كتبت بواسطة leitosr

أولاً مبروك علي تغير الكاوتش,
ثانياً خدها قاعدة ف حياتك في صيانتك لاي جزء ميكانيكي او حتي في اجزاء العربية الخارجية body work لما تغير حاجة بحاجة جديدة, تاخد القديمة معاك ف الشنطة وانت ماشي.
ممكن لو سيبت جزء ميكانيكي او حتي من ال body work بيتصلح ويبتاع تاني أستعمال..

الكاوتش بيتباع علي حسب حالة وتاريخة ممكن من 20 جنيه ل 80 علي حد علمي,
هيا القصة مش أسترخاص, بس انا لما بغير حاجة ف التوكيل مثلا ومش بشوف العربية ببقي عايز أتاكد أنا فعلا أتغير لي بوجيهات ولا لأ واتغير لي فلتر الهوا ولا لأ..
لازم أخد القطعة اللي اتغيرت عشان أضمن أنها اتغيرت لي من الاساس وانها مش هتركب لحد تاني ف عربيته علي انها جديدة لو سيبتها وكان المكان فيه ناس معندهاش ضمير.

الكاوتش لو كنت بعتهولو كنت هتوفر 200 جنيه من اجمالي المبلغ اللي انت دفعته,
بس انت متلومش نفسك وقول الحمدلله عال كاوتش ومبروك عال كاوتش جديد تاني..
أعتبرهم أتصرفو في اي حاجة.

وأنا عن نفسي بحب أحتفظ بالكاوتش عشان لو لقدر الله فردة حصلها حاجة من الجديد,
يبقي عندي حاجة أمشي نفسي بيها لحد نا اجيب جديد تاني, لأنك مينفعش تشمي عليه كتير لأنك بتكون غيرته عشان بيبقي نشف او بقي خطر,
بس في اوقات مش بيكون فيها فلوس متاحة وقتي لو حصل حاجة لفردة ومش هينفع تمشي من غير استبن لو ركبته وعندك فردة ضايعة خالص ولازم تمشي نفسك وتتحرك بالعربية.

أخر حاجة بالنسبة للاستبن متقلقش من ناحية المقاسات زي ما الأعضاء قالو لك هوا مجرد أستين حاجة تمشي عليه لحد ما تروح تصلح الفردة الاساسية لما يحصلها حاجة..

الله يبارك فيك وشكرا عالنصيحه والحوار مفيهوش استرخاص ولا حاجه كلامك صح ونصيحه اعتز بيها بس الفكره اني افتكرت اني بسيبه وانه بيترمي لاني بشوف كاوتشات كتير عالطرق مرميه ومحدش بيفكر ياخدها ومحلات الكاوتشات عالدائري بتحطها عشان تبين اني هنا في محل كاوتش فافتكرت انها حاجه ملهاش لازمه ومبتتباعش يلا الحمد لله

المهم السؤال بقي هل الضغط اللي هظبط عليه الكاوتش بعد كده هيبقي زي ما هو 32 قدام و30 ورا او 29 زي ما كتالوج العربيه بيقول ولا هيتغير ؟؟؟

المشاركة الأصلية كتبت بواسطة mahmoud85

تغيير المقاس هيفرق في السرعه الحقيقيه عن عداد السياره ؟
هي الكونتننتال دي مش المفروض انها افضل من البريدجستون والميشلان ؟؟

لا مش هيفرق لانى التغيير كان في عرض الكاوتش وبالنسبالي انا كانت اللي راكبه الاول بريدجستون ودلوقتي حاسس اني الصوت اهدي مع كونتينتال وخاصة في حتة الدائري اللي بايز فيها الاسفلت دي كنت بسمع من بريدجستون صوت عالي نسبيا لكن الكونتينتال لقيت الصوت بقي اهدي وبصراحه انطباعي عنها لحد دلوقتي جيد جدا