الموضوع: تقرير فحص ميجان 2007 - محتاجين رأيكم جداا

السلام عليكم

قررنا نبقى ميجانوية الحمد لله و النهاردة كشفنا على ميجان سيدان 2007 عند الميكانيكون العرب ب 550 جية خلال ساعتينز
العربية عاملة 118 الف جنوط تكييف بكر بدون فتحة سقف راشة برة بالكامل نضافة ما عدا السقف و الصالون نضيف.

التقرير كالتالي و بين قوسين أسعار الصيانة في التوكيل+المصنعية :
1- بطاحة مساعد أمامي شمال (900+300)
2- مساعد أمامي شمال بعد الفك (800) (مش عارف يعني ايه بعد الفك)
3- شداد محرك (770+120)
4- حكة بالشكمان
5- قاعدة شكمان وسط (250+80)
6- كوعة مياة و زيت (800+250)
7- مراجعة الصيانة و الكاتينة

مشاكل لاحظناها و لم يذكرها التقرير:
1- المراية اليمين مش بتفتح كهرباء
2- محتاجة 2 كارتيرة

ملاحظات اثناء القيادة:
1- رزعة جامدة بتحصل مع ال r و رزعة اخف مع ال d
2- حاجة زي فيبراشن او خشونة في العربية و محسوسة في الدركسيون على سرعة اعلى من 100
3- التكييف ضعيف.

استفساراتنا:
1- هل الرزعة مع النقلات و الفيبراشن دول ليهم علاقة بشداد الموتور او بأي حاجة من اللي موجودة في التقرير؟
2- هل التكييف الضعيف دا هو الطبيعي بتاع الميجان؟ (كانت درجة الحرارة 33 و المروحة على 4 و يدوب)
3- فين و بكام اعمل كارت تاني و اغير شفرة العربية على الكرت الوحيد القديم و الجديد؟
4- تنصحوني بمين يكون محترف و بيراعي ربنا و اسعارة معقولة اعمل عندة الصيانة دي و صيانة ال 120 الف؟
5- أيه رأيكم في العربية و تساوي كام لو انا اللي هعمل كل اللي فيها؟

سؤال اخير: حد يعرف مصاريف تجديد الرخصة سنة مع العلم بأن الرخصة منتهية من شهر أغسطس 2012؟

مليون شكر لكل اللي هيقرا و يعلق و ينصح و يقول رأيه و جزاكم الله خيرا و ان شاء الله تكون معرفة خير :)

خالد

شكرا يا أحمد على المعلومات و النصيحة و مصر منورة :)

عملنا الصيانة عند أحمد العسكري بس مرضاش يغير زيت الفتيس (طالما مفيش شكوى منه) و زوده بس

و اكتشفنا ان تقرير فحص الميكانيكون العرب مش بيغطي كل حاجة لأننا اكتشفنا ان شريط الإيرباج مقطوع مع ان لمبة التشك مش منورة و موتور ضم المرايا اليمين بايظ و قفل امان الباب الخلفى يمين بايظ فكالون الباب لازم يتغير

سألنا عند المهندس فريد شوقي عن شريط الإيرباج ب 350 جنية و موتور المراية ب 350 و الكالون ب 250 و ملقاش تفسير ليه لمبة التشيك مش منورة مع انه كشف على اللمبة نفسها لقاه شغالة

تبقى مشكلة النور - العربية راكب فيها زينون واطي بس نورة وحش و العالي كأنة مش موجود و الكهربائي قال ان لو ركبت لمبات اقوى هتسيح الفيش.

شكرا تاني يا أحمد و مصر منورة :)