الموضوع: لتفعيل انذار النيو صنى فى اتوا إيجيبت.... إدفع أولا

ذهبت أتوا ايجيبت لعمل صيانة ال 5000 كم وصلت الساعة 10 ص و استقبلنى المهندس و طلبت منه تفعيل الإنذار بعد ان عرفت ان السيارة مجهزة بإنذار وقالى هتستلم الساعة 12 و لو عايز تغسل العربية تستلم 1 قلتلة مافيش مشكلة طالما هستنى الغسيل و جت الساعة 1 و سألتة قالى العربية لسه بتتغسل علشان كان فى ضغط المهم الساعة بقت 2 لقيته بيقولى الصيانه اتعملت و كله تمام و العربيه فعلا كانت خرجت بره منتظرة الإستلام بس الإنذار ماتفعلش قلت له ليه قالى علشان تتفعل و تتحط ع الجهاز لازم تدفع 100 جنيه والعربيه هتقعد ساعة زيادة قلتله بتوع ايه دول قالى رسوم تفعيل الإنذار لأن ده أوبشن زيادة للسوبر صالون و مش للإي أكس قلتله انا دافع تمن العربيه 102000 الف علشان تقولى ادفع 100جنيه للإنذار اللى هو أصلا موجود فيها وانت بس هتفعله يعنى لا هتركب حاجه ولا هتزود حاجة دا سوفت وير وبعدين الناس كلها عملتها قبل كده وما حدش دفع حاجة قالى دي كانت غلطة من عندنا و خاطبنا نيسان العالمية قالت لنا الاوبشن ده للسوبر صالون لأنهم دافعين تمنه قلتله السوبر صالون دفع تمن الجنوط و الطارة المالتى فنكشن و المرايات والنواكل و السبويلر مش تفعيل الانذار قالى لا ما هو ده من اللى هوه دفعه ونيسان هى اللى طلبت مننا كده قلتلة انا مش دافع حاجة و هفعل الانذار راح سايبنى و بعدها بشويه قالى خلاص احنا هنعملها كومبلمنترى وفاعلهولى بس بصراحه انا قرفت جدا من الموقف ده و مش عارف انا حرام عليا انى فعلته و مادفعتش حاجه و لا ده حقى وانا طالبت بيه أيه رأى الأعضاء فى الموقف ده مش عارف ده أستغلال ولا فعلا دى تعليمات نيسان؟؟؟؟

ده حقك والي بيعملوه ده اسموا شغل نصب وبيلموا فلوس من الهواء !!!!

المشاركة الأصلية كتبت بواسطة ahmed452003

ده حقك والي بيعملوه ده اسموا شغل نصب وبيلموا فلوس من الهواء !!!!

المشاركة الأصلية كتبت بواسطة saint2011

بصراحة موقف مش كويس من شركة نيسان يعنى أيه يأخد فلوس عشان يفعل الأنذار الظاهر أن حجم المبيعات الضخم للصنى الجديدة عمى عينيهم وبصراحة دى سقطة كبيرة من شركة محترمة

المشاركة الأصلية كتبت بواسطة د.محمدعبدالعال

لا حقك طبعا .. وأنا لو في موقفك هاعمل نفس اللي انت عملته .. وتأكد تماما انه لو مكانشي حقك مكانوش عملوه إلا لما دفعت الفلوس .. تقريبا اوتو ايجيبت بتحاول تلم الفلوس اللي صرفتها في العرض بتاع الزيت والفلتر

السلام عليكم ورحمه الله

موضوع تفعييل الانذار ده انا ليا فيه باع كبير مع السبع وبصراحه كنت ظالمهم

الانذار موجود اساسا فى السيارات السوبر صالون فقط لاغير وهي ميزه اضافيه للسياره السوبر صالون كميزه(جنوط سبور-سبويلر-ماتي فنكشن- عدادات رياضيه...الخ)

يعنى احنا لو عايزين نزود اضافات السوبر صالون للاي اكس صالون بندفع مقابل

انا عارف انه مجرد سوفت وير عادي وبسيط لايكلف المركز مليم احمر

السبع بيفعل الانذار ب ٢٢٠ج بعد الضريبه

اوتو ايجيبت اول ما الموضوع نزل بتفعل الانذار مجانا

لما رحت افعل الانذار فى عربيتى السبع قالى ان نيسان ايجيبت نفسها باعته بتقول ان الانذار بيتفعل بمقابل مادي لانه ميزه اضافيه موجوده فى السوبر صالون

ولما سألته على ان اوتوايجيبت بتفعله بدون مقابل قالى يمكن عاملين عرض

وفعلا مفيش ايام قليله ابتدت تفعل الانذار بمقابل ٧٥ ج كما ذكر احد الاعضاء بمشاركه سابقه

السقطه هنا كما ذكر العضو (saint2011) من شركه نيسان ايجيبت نفسها

المفروض ان يحصل رقابه اكبر من كده على مراكز الصيانه المعتمده

مينفعش كل مركز يفرض تسعيره لخدمه مطبقه فى جميع المراكز

لكن برجع اذكر العضو (د.محمدعبدالعال) ان اوتوايجيبت معملتش كده علشان تلم فلوس الزيت والفلتر
هو حصلت مشكله بين مراكز الخدمه فى موضوع تفعييل الانذار وخاصه بين السبع واتوايجيبت

وكمان عايز انبه حضرتك يادكتور لنقطه معينه ان فى اعضاء وناس اعرفهم فعلو الانذار فى اتوايجيبت بمقابل مادي

اوتوايجيبت احترمت العميل وهو بذكاء ذكر ليهم انهم كانو بيفعلوه بدون مقابل مادي
واعتقد ده يتحسبلهم فى الموقف ده

وانا شخصيا فعلت الانذار فى السبع بدون مقابل مادي ايضا مع انه ب ٢٢٠ ج

نتمنى رقابه اكثر من نيسان ايجيبت على مراكز خدمتها المعتمده

المشاركة الأصلية كتبت بواسطة zambarota

انا عارف انه مجرد سوفت وير عادي وبسيط لايكلف المركز مليم احمر

لكن برجع اذكر العضو (د.محمدعبدالعال) ان اوتوايجيبت معملتش كده علشان تلم فلوس الزيت والفلتر
هو حصلت مشكله بين مراكز الخدمه فى موضوع تفعييل الانذار وخاصه بين السبع واتوايجيبت

مع احترامي لكلام حضرتك
بما انها حاجة مش بتكلفهم مليم احمر
بياخدو عليها ليه فلوس بقى؟؟؟
معلش دى اسمها سررررررررررررقة

المشاركة الأصلية كتبت بواسطة wardet

مع احترامي لكلام حضرتك
بما انها حاجة مش بتكلفهم مليم احمر
بياخدو عليها ليه فلوس بقى؟؟؟
معلش دى اسمها سررررررررررررقة

اخي الكريم السلام عليكم

موضوع ان مركز الصيانه او الخدمه كما هو مسماه(خدمه)

يمكن ان يقدم خدمات لا تكلفه اي مبالغ ماديه لكن يقوم بتسعير مقابل مادي لها

لانه مركز قائم على الربح مقابل خدمات

كمثال السوفت وير للجوالات لايكلف مليم احمر ولكن بينزل بمقابل مادي

ومثال ابسط من ذلك فى ناس بتنزل ويندوز بمقابل مادي

مركز الخدمه بيكشف بالكمبيوتر على السياره فى حاله البيع والشراء لعميل اخر بمقابل مادي

برغم انه كل ده لايكلف مليم للمركز

لكن لايجوز ان احنا نقول دي سرقه لانه بدون السوفت وير الموجود عندهم مش هايشتغل الانذار

نقطه الخلاف هنا بقى فى نيسان ايجيبت نفسها وليس فى مراكز الخدمه المعتمد طرفها

انا ذكرت لابد من وجود رقابه واعاده تقييم من نيسان ايجيبت لمراكز خدمتها وتقييم الخدمات المقدمه

لان ابداء الاستياء من تنوع تسعير الخدمه من مركز لاخر

وايضا عدم الالتزام من مراكز دون اخري بتقديمها مجانيه واخرى بمقابل مادي

هو مايثير الريبه والتشكيك فى مراكز الخدمه