أعتقد إن الفيلم ده بداية مرحلة تحول السينما من الهبوط و الانحطاط إلى الوقاحة و السفالة _ _ _ أعتذر عن الألفاظ _ _ _ الناس دي عايزة إيه ?
ربنا ينتقم منهم و نستريح
عرض للطباعة
أعتقد إن الفيلم ده بداية مرحلة تحول السينما من الهبوط و الانحطاط إلى الوقاحة و السفالة _ _ _ أعتذر عن الألفاظ _ _ _ الناس دي عايزة إيه ?
ربنا ينتقم منهم و نستريح
السينما عندنا لا ينقصها الاربع حاجات اللي حضرتك بتقول عليهم دول ...
بس اشمعني الفيلم ده بالذات ؟؟؟
الحكاية إبتدت بكلمات خارجة عن الذوق العام فى أغانى زى بتاعة تامر حسنى و غيره ..... و وصلت إن فيلم كامل تبقى فكرته مبنية على قلة أدب وبس.
أحمد مكى أساء الإختيار و فيلمه الأخير أضر بصورته جامد عند ناس كتير.
أنا منكرش إنى ضحكت على المشاهد لكن قرفت فى آخر الفيلم من فكرته التافهه.
تأثير ناس زى دول للأسف زفت على الشباب ..... فى خلال أسبوع واحد ألاقى تلاتة بيرددوا قدامى نفس الجملة البيئة "أسف" اللى قالها.... اللى هى "قلبى على ولدى إنفطر و قلب ولدى عليا ******. :confused:
''إنما الأمم الأخلاق ما بقيت.... فإن هم ذهبت أخلاقهم ذهبوا'' :(
انا باحمد ربنا انى ما اعرفش مين هو احمد مكى
معظم كلام الفيلم (كما يظهر في اعلانه) سفالة وقلة أدب
ويعتمد هذا الشخص الذي لا هو (أحمد) ولا هو (مكي) ولا ينتمي لأسمه بأي صلة على ان مقص الرقيب في مصر جاهل ولا يعرف من الانجليزية سوى yes , no وبالتالي كل الكلام الوقح والشتائم اذا ما قيلت بالانجليزية فلن يتعرض لها مقص الرقيب ويتركها تقال بقل وضوح كما يحدث في جميع الأفلام الأجنبية
وكأن أقذر الألفاظ اذا ما قيلت بالانجليزية لن تحمل نفس المعنى
مشاركة بدون محتوى
نأسف للحذف
برجاء مراجعة القواعد
مشرف القســـم الاجتماعي
انا بس عايزة أفهم هو فعلا دخل الألفاظ دي في الحوار عشان الناس تضحك؟على أساس انها حاجة كوميدية يعني و لا ايه؟ :confused:
قبل الفيلم ده كنت باستتقل دم البني آدم ده جدا و باحسه محدود جدا و بيكرر نفسه بشكل ممل.. بعد ما شفت الإعلان عن الفيلم و سمعت ان فيه ألفاظ تانية خارجة بتتقال برضه بالانجليزي.. ساعتها قرفت منه :puke:
السنيما و اى فن ما هوة الا انعكاس لحالة المجتمع الذى يظهر فية , لقد تقبل الناس اعلان اتصلات , و تقبلو تامر و شوقية , يبقى الخطوة الطبيعية انهم يتقبلو الدبور , عادى خالص ,
اعتقد ان الفيلم دة نتاج تبيعى لافلام زى كركر و االمبى , و العاهات المستمرة فى السنيما
حقيقى شىء محزن ان فى بلد الازهر و الحضارة و الفكر , تكون هى دى نهاية الشباب .
عموما دة ادعى ان كل واحد يخاف على اولادة و يحالو يربيهم كويس لان ما هوة اتى اكيد حيكون اسوء و احط للاسف .
يا جماعه مش في ناس وافقت علي مشاهد جنسيه في السنيما و بيقوالوا لازم السنيما تبقي انعكاس و مش عارف ايه و كلام كبير كدا :)
دا برضه انعكاس :)
و من حقه يعمل اي حاجه :)
ولا الشتايم بقت مؤثره اكتر من الفعل نفسه ؟؟
الفكرة يا برو إن ده كلام بس ... يعنى لو واحد ردد جملة من الفيلم و حد إعترض عليها هيرد يقوله : طب ما دبور كان بيقول كده ..... عادى يا مان.
و لاحظ معايا حاجتين ... شخصية دبور فى الفيلم .. كانت شاب عادى زى الشباب الباقيين ... يعنى لما حد يقلده يبقى بيعمل اللى شايفه عادى و طبيعى.
لكن محدش هيقلد مشهد جنسى و يقول بيقلد الفيلم .... بيقلد مين بالظبط ... ما هو اللى عمل المشهد يا حرامى يا تاجر مخدرات أو أى شخصية زى الزفت و محدش يتشرف إنه يقلدها ..... يعنى مش حاطط المشاهد الجنسية فى إطار العادات اليومية لشاب طبيعى (كالأفلام الأجنبية).
المقصود من كلامى ... إن الفيلم ده مش نتيجة للأفلام اللى إتعرضت لإنتقادات بسبب مشاهدها الجنسية .... لكنه نتيجة لإنحدار لغة الحوار لدى الشباب و نتيجة لأغانى هابطة تحوى ما يكفى من كلمات "بيئة" و نتيجة لأفلام تافهة لا تحوى أى فكرة أو هدف سوى شباك التذاكر.
طيب ما ناس كتير عاديين و بيقوالوا في افلامهم تلميحات قبيحه
فكره الشتايم اللي اتقالت صحيح ماشي انا معترض عليها
بس المشهد مؤذي اكتر بالنسبالي من الكلمه :)
شوف اي فيلم اجنبي ان مكانش فيه اكتر من الكلمه اللي انت معترض عليها ولا لا
او ادخل اي منتدي اجنبي و شوف الهزار بتاعهم ازاي :biggrin24:
الفكره انك يا تفتح الباب لكله او تقفل علي كله
لغه الحوار في الشارع كدا كدا متدنيه و من الكبار قبل الصغيرين
بس انتوا مبتحبوش تشوافوا الحقيقه في السنيما :devil2:
:Dاقتباس:
بس انتوا مبتحبوش تشوافوا الحقيقه في السنيما :devil2:
إتريأ براحتك .... :p
...............
:biggrin24:
انتو مسمعتوش اغنية البرتقال الي بيتعمل عاصير
واغنية العشاء واوعى تحلي
حسبي الله ونعم الوكيل
يا جماعه الناس بتسمع الكلام ده وتشوفه في الشارع وتضحك بتخلف وخلاص ومحدش بيعترض
علشان كده اللي بيشغلوا الحاجات دي معندهمشي مشكله خالص
فعلا أنا صدمت من كم السفالة المباشرة و الغير مباشرة اللى فى الإعلان بس ... ما بالك بالفيلم ... الغريب إن شخصية البطل:afro: دة مؤثرة جدا جدا بشكل سلبى خاصة على الأطفال و المراهقين لأنه شخصية معروفة لهم من مسلسل تامر و شوقية ... و بالتالى هذا الإنحطاط للأسف سينعكس على المتفرجين الشباب ... خيبة والله ... هى الأخلاق و البلد رايحين على فين فعلا؟؟؟؟ ... دة ما فيش مكان تانى تحت خلاص ...:beatdeadhorse5:
صعقت لما شوفت اعلان الفيلم والشتيمة المباشرة بالام
اووووووف
دي مش محتاجة بصمجي يفهمها بلا رقيب بلا بتاع
ده العيال السفلة في الشوارع اللي مايعرفوش ال الف من جوزك الدرة بيوقلوها يوميا
ايه اللي البلد رايحة ليه ده
ده غلب عوكل وقرفة
علي فكرة هو جزائري مش لبناني
أب جزائري و أم مصرية و هو الأخ الأصغر للممثلة إيناس مكي (اللي كانت طالعة مرات محمد رياض الأجنبية في تمثيلية عبد الغفور البرعي لن أعيش في جلباب أبي )
و بصراحة هي السفالة مش مقتصرة علي بيروت فيه مصريين كدة و ألعن .. و بحكم عملي لفترة في المجال الإعلامي شفت إن المسئولين في القنوات المصرية الخاصة بيقولوا للمذيعات المصريات بالنص "خلوا عنيكوا علي بتوع بيروت" .. يعني اتعلموا من شياكتهم و حلاوتهم و جمالهم و دلعهم !!
فإذا كان هذا ما نراه من بيروت .. فذلك لأن هذا ما نريد أن نراه
و لو مكنش فيه ناس بتشجع هذا النوع من اللا فن زي مروة و مليسا و الجو ده .. مكانوش كملوا
sure??اقتباس:
ده اخر ما صدرت لبنان لمصــــــــر
اعتقد انه مصري مش لبناني
انا عرفته ... شفته فى مرجان احمد مرجان
فعلا واضح من الاعلان ان فليم سخيف وهابط ودمه تقيل
أحب اقولكم يا جماعة
ان مكي جاب الكمبريسور .. كابروليه :hammer:
http://photos-f.ak.facebook.com/phot...91173_8466.jpg
http://photos-h.ak.facebook.com/phot...91175_9223.jpg
http://photos-b.ak.facebook.com/phot...85161_9347.jpg
http://photos-c.ak.facebook.com/phot...85162_9628.jpg
مبروك عليكم الفيلم .. و مبروك عليه المرسيدس .. و لا تعليق
ياااه دانا لسه شايف الفيلم امبارح
بصو هو صحيح مش صح اللي بيتقال بس احسن ميت مره من المشاهد والكبار فقط اللي بتتعلق على معظم الافلام المصريه اليومين دول
وكمان لو بصيتو في اي قهاوي ولا كافيهات ولا في الشارع حتلاقو دي خلاص لغه الحوار بين الناس سواء كبار ولا شباب ( وهي الالفاظ الخارجه والشتائم)
وكمان ماحنا بقالنا 24 سنه مفيش فيلم اجنبي شوفته غير لازم فيه شتيمه سواء تهريج وفن او تكون شتيمه بجد في كل الافلام وطبعا انتو عارفين بتترجم ازاي بالعربي :)
اه صحيح المهم الفيلم بيضحكك في اطار كوميدي لشاب ضايع وفاشل وفي اخر الفيلم بيقولك ان ده مش صح (اللي هو حال اغلب الشباب) وان الشاب ده اتغير وبقى كويس وعمل حاجه مفيده وكده
والسلام ختام
انا شايف ان الفيلم دة فيلم جامد والشتايم والكلام دة بقى عادى فى المجتمع دة وعلى الاقل الفيلم دة اخف من عمارة يعقوبيان والريس عمر حرب وليلة البيبى دول والافلام دى كلها مشاهد قزرة اشمعنة على اللى فية شتايم تتكلمو علية ولا هو الشتايم اشد من المناظر
ممكن اكون ضد ناس هنا كتير
بس بجد انا كنت مستتقل الراجل ده فى الاول ..
اول ماعرفت انه اللى عمل فيلم الحاسه السابعه .. غيرت وجهة نظرى عنه
الفيلم شايفه وهو الحاسه السابعه من اكتر الافلام الكوميديه تغييرا للمفهوم المعروف عن قلة ادب افلام السبكى ومشاهدهم المعروفه
او استظراف واستخفاف احمد حلمى .. حضرتك بتعمل ايه .. بشرب شاى .. تصدق كنت فاكرك مسافر طنطا ... كركركر والخفه الرهيبه دى !!!
نرجع لموضوعنا الراجل ده متطور وفكره مش منغلق .
لما شفت الصراحه الاعلان قلت ايه القرف اللى بيتقال ده
بس لى زميل دخله وقالى لا الفيلم مش القذر زى اللى موجود فى السوق ويستاهل انك تشوفه
ولولا انى مقاطع السينما علشان الشباب المصرى الكوول اللى مسقط البنطللون تحت الحزام .. كنت دخلت السينما بسى طبعا مبستحملش الضحك الهستيرى وال **** بتاع الشباب اليومين دول
بالاضافه انى شفته فى فيلم ليله البيبى دول بجد الراجل ده بيعرف يمثل
الاعلان خارج جدا .... بس افلام خالد يوسف مثلا دى قمة الانحطاط والسفاله
السينما حاليا : هل هى فن فيه قلة ادب ؟ ولا قلة ادب فيها فن ؟
لا غبار إن أحمد مكي ممثل مــمــتــاز .. و بالمناسبة هو خريج معهد السينما قسم إخراج
و عمل أفلام قصيرة كتير منهم فيلم "ياباني أصلي" اللي لو شفتوه هتتتخضوا فعلا لأن اللي في اتش دبور ميجيش نص اللي في الفيلم القصير ده :)
و هو مخرج مبدع بجد سواء في توظيف أدواته السينمائية زي حركة الكاميرا و الموسيقي أو توجيه الممثلين
و علي فكرة هو كمان قبل ما يمثل هو كان أصلاَ مدرب تمثيل كمان .. و بيكتب أفلام
الإختلاف علي الألفاظ اللي اتقالت و غير مناسبة للبعض
انا بالنسبة لي اعتبرت الفيلم زي الأفلام الأمريكاني ال unrated اللي بتخترق كل التابوهات .. و ضحكت فيه و عجبني و خلاص .. فيلم يعني .
يعنى مش لبنانى ههههههههههههههههههههههههه هههههههههههههههه
شكرا يا نايل ستورم على التصحيح.. انا أول مرة فعلا أعرف المعلومة دي.
لأ و ا نا تحسوني واثقة من نفسي أوي و انا باصحح ل M_HaFeZ :biggrin24: :biggrin24::biggrin24:
عشان كده الفيلم فيه إيناس مكي و هي كان بقالها 50 سنة ما ممثلتش في السينما :biggrin24:
طيب بالنسبة للناس اللي شايفين ان الشتايم القذرة اللي من النوع ده في الأفلام لو بالانجليزي يبقى عادي.. و الشتايم اللي من النوع ده في الشارع بالعربي و الانجليزي بأت شئ عادي.. و المشاهد الخارجة اوي في الأفلام برضه عادي.. عايزة بس أعرف ايه اللي مش عادي بالنسبة لهم؟ يعني ايه اللي ممكن يقولوا عليه مش عادي أو يحسوا انه صادم لما يدخلوا فيلم؟ على فكرة انا باسأل بجد و عايزة اعرف مش باتريق :)
دة اللى بيقولو علية يا اخ موتوريزر عذر اقبح من ذنب , لما هوة موهوب كدة زى ما بتقول , "مش عارف شوفت فين الفيلم القصير دة فين "
لية مش بيوظف موهبتة دى فى عمل فنى راقى يخلى الشباب قبل الكبار يحترمة , المصيبة الحقيقية ان اللى بيقدم هذة الافلام مواهب حقيقية كان ممكن تعمل شغل افضل من كدة ملايين المرات , مش حقولك يناقش قضاية الشباب او يعمل فيها مصلح اجتماعى , بس فى كوميديا راقية ممكن توصل حاجات كتير و فى نفس الوقت الناس تضحك برضو , الموهوب فعلا يقدر يعمل كدة , انما يعملى شوية اسكتشات و إيحئات جنسية مبتزلة و تقولى موهوب , دة رمى الموهبة بعرض الحائط , عشان شوية الفاظ و حورا متدنى , حيعجب شوية شباب و يضحكو شوية , و يهزرو و خلاص .
بالنسبة للبيقول ان السينميا فيها مشاهد و اسفاف , اشمعنى دة يعنى اللى مش عاجب , اولا اى فيلم فية اى مشاهد بيحصل علية هجوم , بس للاسف اصحاب الاخلاق و اصحاب القيم بقى صوتهم ضعيف و منخفض ولا تاثير لهم الان , هل معنى كدة انهم يسكتو خالص على اى اسفاف جديد يخرج بية مكى و غيرة , دة يا اخى من راى منكم منكر فليغيرة بيدة , فبلسانة و هكذا , يعنى المطلوب اية نشوف كل مصيبة و مصيبة و نسكت خالص و لا كأن فى ناس ليسة عندها شوية اخلاق و قيم بتحاول تحافظ عليها وسط هذة الغابة من الاسفاف و التدنى فى الزوق و الاخلاق والحوار .
انا ارفض انى ادفع مليم احمر عشان ادخل اشوف الهبل دة , و للاسف يبدو انة اصبح اقصر طريق لجيوب الشباب و هوة المطلوب , كلة عاوز يلم قرشين و خلاص , محدش بيفكر فى تاثير اللى حيقدمة دة اية , ولا حيتحاسب علية ازى لما يقابل رب كريم , هما كام مشهد على كام نكتة و كام لفظ منحط على كام حركة واطية , و هوب بقى فيلم و بيلم فلوس و البطل بقى نجم فى يوم و ليلة ,
والشباب من سىء لاسوء و بعدين نقول هو الشباب جرى ليها اية و تخرج مجموعات على الفيس بوك و غيرة اشى مجموعة "احترم نفسك" و مجموعة "احترمى نفسك " و مجموعة "موزة دوت كوم " و بعدين بنسئل لية الشباب فقدو الاخلاق و النخوة و فقدو ابسط اساليب الذوق و اللياقة , و نقعد نحلل و نفكر فى سبب المشكلة واساسا هى بتتعرض جهارا نهارا كل يوم على شاشات السنيما و اعلانتها على كل القنوات الفضائية .
ياعلا محدش قال ان الشتايم دى عاديه ..
بجد انا مبحبش اسلوب الشتائم وبحاول على قد ماقدر انى مقولهاش فاكيد مش هاحب انى اتفرج عليها انا وعائلتى
بس انا اتكلمت من وجهه نظر ان الراجل فكره متطور مش منغلق زى اللى موجود دولوقى ... هاتى حسن حسنى او لطفى لبيب ومعاه واحد بيستظرف وشويه مشاهد معروفه على كام نكته قدام يتقالوا فى الفيلم .. وفى اخر الفيلم اتكلم على الوحده العربيه لوكان هنيدى .. او مشاكل الفقراء لو كان محمد سعد او احمد حلمى .. وهللس وخلاص وادى فيلم وهتلاقى اللى هينفجروا من الضحك وهيجيلهم سرطان فى الحنجره لما الممثل يستظرف ..
ده اللى اقصده ياعلا
معلش يعني يا جماعة ..... بس يعني هوا دبور ده هو اللي اتكلمتوا فيه ؟؟؟ يعني من ايام الستينات ايام مكان حسن يوسف لما كان بيطلع بطل و جبيب ... كان في بلاوي بتحصل في الافلام و افلام عادل امام اللي لازم في كل فيلم و كل مسرحية ... يضرب واحدة علي "....." و الكلام اللي بيتقال في افلامه ؟؟؟ ولا هو دبور غشان بيقلها بالانجليزي و بتاع .... معلش ... بس أنا أتكسف اتفرج غلي فيلم وقح لعادل امام ولا حتي حسن فهمي .... (مش كل الافلام اكيد .. بس الافلام المشهورة ب سفالتها ( مع اهلي .... وعاد اني أشوف دبور ده معاهم .... و بعدين الفيلم أصلا معمول للشباب ... بحيث انة بتكلم بلغتهم يعتي .... فا .... معلش و لكن أنتو غاملين موضوع بسيط بالنسبة لافلام تانية تستاهل أكتر
هي الاشكال دي اللي ماشيه دلوقتي