اقتباس المشاركة الأصلية كتبت بواسطة mazdaprotege مشاهدة المشاركة
اخوتي الاعزاء سﻻم الله عليكم و رحمته و بركاته
انا اشتريت ميجان 2006 و انضممت لعائلتكم الجميله و لم اكن اتخيل المتعه في قيادة هذه السياره العبقريه و لكن عندي شوية استفسارات و ارجوكم تفيدوني عن امكانية الحل و المكان الامثل و التكلفه ان امكن
- زرار رفع و تنزيل اضاءة كشافات العربيه اﻻماميه لا يعمل فهل ممكن يكون فيوز و لا مواتير الفوانيس بايظه و هل ممكن تتغير و لا ﻻزم الفوانيس كلها تتغير بمواتيرها ?
شوف عند بتوع الاستيراد اكيد ان شاء الله تلاقيهم مواتير بس و ممكن ميكونوش بايظين اللي عندك اتاكد عند كهربائي رينو
-شريط الايرباج مقطوع و بالتالي محدد و مثبت السرعه لا يعملوا ?
ايوه لازم يا تغيره يا تصلحه و في موضوع في المواضيع المثبته http://www.nilemotors.net/Nile/321055-2.html
هتلاقي فيه طريقه الاصلاح
-هل عند تلميع الفوانيس الاماميه لازم علشان تتفك نفك اﻻكصدام الامامي؟
اه لازم يتفك الاول و بعدين الفوانيس تطلع و هتلاقي الطريقه في الموضوع برضه
-زيت الفتيس هل بيتغير و لا ﻻ ينصح بتغييره و ما هي الصيانات الواجب اتباعها للمحافظه عليه و هل لو بيتغير نوعه ايه احمر باور و ﻻ ابيض كهربا و هل في مصفاه او فلتر للفتيس ؟
الزيت غالبا انه مبيتغيرش لانه معمول للعمر و بيتزود في التوكيل لان الزيت عندهم عالي الجوده و ده مفيهوش هزار
-تكلفة تغيير سير الكاتينه و البلي و الفلاتر و الزيوت
بص انا عملته بره السير بحوالي من 120 ل 200 جنيه و البكره ب 100 و الطبه ب 50 و الطقم الاصلي كله في التوكيل ب 740 وده افضل حتي لو تجيبه و تركبه بره بس عند حد متخصص رينو علشان يظبط التقسيمه صح
و اشكركم علي اهتمامكم و منتظر ردكم و سعيد بانضمامي اليكم