الموضوع: صوط طقطقه في العجله اليمين -ابيزا ٢٠٠١

السلام عليكم و رحمه الله و بركاته
من كام يوم كنت سايق علي البحر و طبعا زي ما الاسكندرانيه عارفين البحر اليومين دول ماينفعش يتمشي فيه من الزحمه وصلت للملف قولت الف و ارجع و احاول اهرب من اي مكان تاني اخدت ال U-turn و سمعت صوت طرقعه جامد في العجله اليمين زي ما تكون العجله هتطير من مكانها الصوت ده مش صوت كوبلن ممكن يكون عشان انا محتاج جلب مقص؟؟؟؟
اسف اني طولت عليكم

المشاركة الأصلية كتبت بواسطة karim ibiza

بص يا باشا
الصوت مهما وصفته هيبقى صعب ان حد يشخصلك العطل على الوصف بس
يعنى لازم يتسمع
انا هوصفلك واحد بتاع زوايا اسمه مجدى كان مكانه فى محطة بنزين مصر للبترول فى الازاريطة على البحر لكن هو دلوقتى نقل مكانه فى محطة الرمل فى شارع امين فكرى
ده راجل محترم وفاهم, روحله وقوله على شكوتك وهو هيكشفلك عليها ويقولك المشكلة فين
لو تحب نتقابل ونشوفها مع بعض ok

ربنا يكرمك انا هحاول اوصله لو معرفتش هكلمك الف شكر يا كبير