اوبترا 2011 ولا كورولا 2006

**S O P H O S** · 09-04-2013 03:24 AM

المشاركة الأصلية كتبت بواسطة muhmado_furp

الف شكر يافندم
ورأي حضرتك يحترم طبعا
وانا كنت قريت لحضرتك اكتر من مداخله ببتكلم فيها عن اسعار الكورولا
فده يخليني اسأل حضرتك عن سعر الكورولا الي قدامي

هو عموما السعر كويس العربية دي بتتعرض ازيد من كده 10 كمان بالحالة دي خصوصا انها 1600
حاول تكشف عليها كويس ومدام تمام ليه لا خصوصا انه سعر كويس بعيدا عن الخيال
الي موجود فمعظم اسعار الكورولا وهي هتعجبك فكل شئ عن الاوبترا فيما عدا الثبات
جيد وليس بالممتاز لكن بتقول جنوط يعني فرصة اكتر لتحسين الثبات وتبقي مخسرتش اي ميزة
والله اعلم
وان شاء الله ربنا يوفقك للخير والافضل فيهم ..

**muhmado_furp** · 09-04-2013 02:30 PM

المشاركة الأصلية كتبت بواسطة s o p h o s

هو عموما السعر كويس العربية دي بتتعرض ازيد من كده 10 كمان بالحالة دي خصوصا انها 1600
حاول تكشف عليها كويس ومدام تمام ليه لا خصوصا انه سعر كويس بعيدا عن الخيال
الي موجود فمعظم اسعار الكورولا وهي هتعجبك فكل شئ عن الاوبترا فيما عدا الثبات
جيد وليس بالممتاز لكن بتقول جنوط يعني فرصة اكتر لتحسين الثبات وتبقي مخسرتش اي ميزة
والله اعلم
وان شاء الله ربنا يوفقك للخير والافضل فيهم ..

بجدربنا يكرمك وانا اسف لتعبك معايا
وبشكرحضرتك وكل اللي شاركوني الموضوع
ياريت كلكم تدعولي ان ربنا يوجهني للي فيه الخير
من عنده انا هشوفهم النهارده وربنا ييسرلي امري لما فيه الخير

**tarekmaher** · 09-04-2013 04:31 PM

المشاركة الأصلية كتبت بواسطة muhmado_furp

ربنا يكرمك وشكرا لردك
بس اسف لو هتقل عليك طيب حضرتك شايف الاوبترا
اخرها كام؟علشان تبقي مناسبه والكورولا 1600 بس رشه من بره
ارجوا فادتك وشكرا

اعتقد الكورولا من 88 الي 92 والاوبترا من 68 الي 72 والله اعلي واعلم
ولو الاوبترا مش هتشتريها انا ممكن اشتريها لو امكن اعرف مكانها فين

**amrelsaqqa** · 09-04-2013 04:43 PM

المشاركة الأصلية كتبت بواسطة tarekmaher

اعتقد الكورولا من 88 الي 92 والاوبترا من 68 الي 72 والله اعلي واعلم
ولو الاوبترا مش هتشتريها انا ممكن اشتريها لو امكن اعرف مكانها فين

صعب خالص الاوبترا تيجى 68 ، دى 2011 برضه ، ده سعرها الزيرو عدى الـ 110 دلوقتى !

**mn3em** · 09-04-2013 05:10 PM

أنا عن نفسي أرشح الكورولا وده مجرد رأي بس كنت عايز استفسار من الأخوه .... ثبات الكورولا لغاية كام مثلا ؟

**DrAhmad** · 09-04-2013 05:25 PM

شوف كورولا 2007 اما لو مفيش يبقا نصيحه خليك غي الاوبترا علشان العداد

**amrelsaqqa** · 09-04-2013 06:54 PM

المشاركة الأصلية كتبت بواسطة mn3em

أنا عن نفسي أرشح الكورولا وده مجرد رأي بس كنت عايز استفسار من الأخوه .... ثبات الكورولا لغاية كام مثلا ؟

في رأيي الشخصى مفيش حاجة اسمها لغاية كام
ممكن تاخد ملف غبي على 60 والعربية تزعلك
انا معايا العربية ، عندى الكاوتش عايز يتغير تعبان جدا ، في مرة بفرمل وانا على سرعة 40 وخلاص بقيت على سرعة 10 ، موقف تافه جدا وسرعة تافهة جدا جدا ! ، بس كنت لازق في اللى قدامى ، فعادى يعنى بدخل في الحارة اليمين عشان كنت خلاص قريب اوى من اللى قدامى ( الكلام ده على سرعة بالكتير 20 ) لقيت العربية بعد ما وقفت ، لعبت من ورا لوحدها ! ، كأن حد جه خبطنى جامد في الرفرف الشمال ورا !

طبعا انا كنت على ارض رملية شوية والكاوتش ضايع ، بس برضه رد فعل العربية مبالغ فيه جدا ، يعنى يستحيل كان ييجى في بالى ان العربية ممكن تعمل كدة في حتة زي دى مهما كانت حالة الكاوتش والعفشة ! لان السرعة لا تذكر !

كان معايا بيجو 504 قبلها والمفروض ان ثباتها متواضع برضه ، بس عمرها ما تعمل حاجة غير متوقعة ، تعرف امكانيات عربيتك وتظبط نفسك عليها وخلاص ، انما الكورولا دى بتعمل حركات غريبة الصراحة !

**S O P H O S** · 09-04-2013 07:09 PM

المشاركة الأصلية كتبت بواسطة muhmado_furp

بجدربنا يكرمك وانا اسف لتعبك معايا
وبشكرحضرتك وكل اللي شاركوني الموضوع
ياريت كلكم تدعولي ان ربنا يوجهني للي فيه الخير
من عنده انا هشوفهم النهارده وربنا ييسرلي امري لما فيه الخير

مفيش اي تعب يا فندم انت تأمر
وبتمني والله بجد مش مجرد كلام ان ربنا يكرمك بعربية كويسة واختيار سليم
ان شاء الله ربنا يوفقك ..

**S O P H O S** · 09-04-2013 07:49 PM

المشاركة الأصلية كتبت بواسطة mn3em

أنا عن نفسي أرشح الكورولا وده مجرد رأي بس كنت عايز استفسار من الأخوه .... ثبات الكورولا لغاية كام مثلا ؟

ثبات الكورولا جنط 14 من 120 جيد بعد ال 130 او 140 يقل
لو معاك ناس فالعربية عادي شايفة مبيقلش لوحدك تحس انه ضعيف
لو جنط 15 او 16 كمان ثبات من 140 واطلع شوية
لو الكاوتش نظيف وجنوط مش هتحس انك منزعج من الثبات حتي لو بتجري
لكن فالنهاية وكشئ واقعي ثبات جيد ومرضي بالتعديل ولكن ليس ممتاز كعربية اوروبي بصراحة
ولكن فالنهاية العربية كمجمل بتوصلك للغرض المطلوب منها
والله اعلم ..

**mohamedkandel** · 09-04-2013 09:52 PM

الكورولا افضل من وجهة نظري بكتير عن الاوبترا لكن خد بالك وانت بتشتري بيكون فيه عربيات مغيرة نص مثلا بس بحرفية عالية مش اي حد يقدر يكشفها فالافضل ايا كان اختيارك خدها التوكيل واكشف عنها