ايوه يا حج انا معاك فى ان السعر مش منطقى بالنسبة للتعديلات اللى هو عاملها
انا اعتراضى بس على نقطة ان العربية اللى مغيرة كل حاجة يبعد عنها
عرض للطباعة
بغض النظر التعديلات حلوة او وحشة ، معمولة صح ولا عك
السعر اصلا يقلق
لو هتروح تبص فانت هتروح غناوة وماتبقاش عامل حسابك عليها
انت بس هتشوفها عشان تبقي عارف الدنيا ماشية ازاي
وروح واسمع من الراجل بردو
رغم اني مش بستريح لاسلوب الاعلان بالشكل دة
هو عايز يقول انها نظيفة اخر حاجة فدمج استعمال سيدة مع استعمال طبيب وقال استعمال طبيبة
وماتستعجلش
تحياتي
معلش يا رجالة السيات هاتعبكم معايا شوية، انا شوفت الإعلان دا النهاردة ولسا ما اتصلتش بصاحب الإعلان، قولت اعرضه عليكم الأول واشوف رأيكم قبل ما اروح أعاين العربية :
لظروف السفر سيات ابيزا 98 باور تكييف تلاجة ماتور بحالة ممتازة 1400 سى سى سنتر وباور ومريات كهرباء جنوط سبور بطارية جديدة ترخيص بأسمى بدون توكيلات رخصة سارية لمدة 3 سنوات
السيارة اساسيتها حلوة جدا
32 الف
زي الفل
لو العربية فعلا سليمة - دة تمامها
بالكتير حتتكلم معاه في نص ولا 750
الأول تكشف عليها كشف دقيق للدواخل وحالة الصاج
2- ترفعها (اما علي كوريك هيدروليك بتاع محطة البنزين - او تحطها علي مجري في اي ورشة) وتبص تحت العربية ببلدوس وتتأكد من سلامة العفشة والقنطرة واسلحة الشاسيه وبطن العربية والتانك والشنطة من تحت
3- تكشف عليها كمبيوتر - وتعرف الأعطال ايه ومسجلة انهي حساسات
4- تشوف تقفيل التكييف - والردياتير وطقم التبريد عموما وسربنتينة التكييف - وتشوف وصلات التكييف وفتحة دخوله للثلاجة
5- بص علي حالة الصالون - وفرش الأبواب - وفرش الكرراسي والكسوة - بطانه السقف والقوايم
6- تأكد من عمل جميع الأنوار واللمبات التحذيرية في التابلوه ودراعات الأشارات والمساحات
7- دور العربية واسمع صوتها وياريت تطلع تجرب وتشوف الغيارات والفتيس (لازم هتلاقي فبرة العصاية مكسورة والعصاية مش راسية وتحسها خفيفة اوي - دة عيب شائع وامره بسيط)
انا كتبت دلوقتي امور عامة - تبص عليها - لكن ان شاء الله هعملك موضوع تفصيلي عن كل فتفوتة في العربية تبص عليها ازاي وتعرفها ازاي
صلي استخارة وتوكل علي المولي
ونستني بردو نشوف رأي باقي الأعضاء
تحياتي
والله المستعان
،
،
التبلوه ده كنت هركبه شكله شيك بالتكيف التتاتش وشاشته
راى انك تكشف على العربيه انا جايب عربتى بسعر أقل من ده وكان ليها ظروفها ومفيهاش تكييف بس طبعا صرفت شويه كده كوتش جديد فرش باب عدد4 جديد نضافه يعنى .وجبتها من النت رغم انى نزلت السوق بس النت أفضل مافيش بهدلة المشوار وكمان العربيه بتخدها من صاحبها وأعتقد ان اى حد عربيته نضيفه وبياعه هيتعب ليه نفسه ويبهدل نفسه فى السوق هيحطها على النت والناس هيا الى تجيله
اكشف عليها مش هتخسر حاجه .
للأسف تقريبا كدا العريبة اتباعت وربنا يبارك للي أخدها.
معلش سؤال، هو ليه موديلات 93 بتكون في رينج سعر 20 ل23 وبداية من موديلات 94 لحد تقريبا 98 بيكون رينج سعرها 29ل35؟