byd بعد]95000ك/م

**ozama22** · 08-04-2013 04:30 PM

السادة المحترمين تحية طيبة
اسف عن انقطاعي عن الصفحة كل هذة الفترة
واحب ان اوضح الاتي بع قطع مسافة 95000كم
اولا المزايا
1- استهلاك البنزين كما هو من 250كمالى 270 كم في الصفيحة
2- سحب السيارة كما هو جيد والحمد لله 3- التكييف ممتاز
ثانيا العيوب
1-دهان السيارة سيء
2- ماستر الدبرياج بيبوز او بيضرب بعد 40000كم او 45000كم
وحصل معي ذلك مرتين
والاهم في ذلك مازال مركز الصيانة في الاسكندرية هو رقم واحد والف تحية للمهندس اسامة مبروك
وشكرا وسوف اتابع موضوع العضة في الفتيس واكتب لحضراتكم مرة اخرى باذن الله

**bassem.naguib** · 08-04-2013 05:27 PM

منور يا أسامة باشا .. بس كنا عاوزين تفاصيل أكتر من كدة .
وبالذات موضوع الساعة :
* عضة الفتيس
* ونة الفتيس
* صوت الموتور
* قطع الغيار اللي استخدمتها وأسعارها
* أهم المشاكل الأخرى اللي قابلتك زي عطل مفاجئ في الطريق .. خبرة أو معلومة جديدة عن العربية ... إلخ

منور يا باشا .. منووووووور والله .. ويا ريت متغبش عنا كتير .

**aboalmaty** · 08-04-2013 05:58 PM

ايوه كده يا مصريين
عايزين ننقل خبراتنا بحيث نفيد غيرنا زي ما بنستفيد من غيرنا
شكرا جزيلا استاذ اسامة على هذه المعلومات ونتمنى مزيدا من هذه المشاركات التي تنقل الخبرات

**ehabpopo** · 08-04-2013 08:56 PM

مبروك الصيانة ... بقالك كتير فعلا حارمنا من مشاركاتك ... لعل المانع خير
ونتما نشوفك فى المقابلة القادمة
وانا مع باسم فى كل اللى قالة ... عايزين شرح باستفاضة لو ممكن

**ahmedselaraby** · 09-04-2013 01:42 AM

المشاركة الأصلية كتبت بواسطة ozama22

السادة المحترمين تحية طيبة
اسف عن انقطاعي عن الصفحة كل هذة الفترة
واحب ان اوضح الاتي بع قطع مسافة 95000كم
اولا المزايا
1- استهلاك البنزين كما هو من 250كمالى 270 كم في الصفيحة
2- سحب السيارة كما هو جيد والحمد لله 3- التكييف ممتاز
ثانيا العيوب
1-دهان السيارة سيء
2- ماستر الدبرياج بيبوز او بيضرب بعد 40000كم او 45000كم
وحصل معي ذلك مرتين
والاهم في ذلك مازال مركز الصيانة في الاسكندرية هو رقم واحد والف تحية للمهندس اسامة مبروك
وشكرا وسوف اتابع موضوع العضة في الفتيس واكتب لحضراتكم مرة اخرى باذن الله

انا جسمى أشعر

و الله انا مبسوط لدرجة انى نسيت كل منغصات العربيه

شكرا استاذ باسم على المفاجأه ديه

شكرا استاذ اسامه على ظهورك المفاجىء و اهتمامك بموضوعتنا

وجودك فل قسم بشكل منتظم مستقبلا يضفى عليه ثقل و عمق و خبره لا تضاهى

انا متفاءل خير ان شاء الله

صحيح انا مشفتش استاذ اسامه لكن كلامه يشعرنا بروحه الطيبه و أخلاقه العاليه و كرمه و رغبته فى مساعدة الاخرين

حقيقه ,, انا مبسوط

**ahmedselaraby** · 09-04-2013 02:20 AM

كنت النهارده فى مشوار من مصر الجديده للمعادى و بالتحديد كورنيش المعادى

أنا خدت طريق صلاح سالم العروبه

بسم الله ما شاء الله ,, الله أكبر ,, لا حول و لا قوة إلا بالله العلى العظيم

العربيه فعلا جميله

"كاف ألف" الأداء و التسارع

"كاف ألف" الثبات و الإتزان

عربيه وحش على الطريق

تحس انها عايزه تاكل الطريق بالعربيات اللى ماشيه عليه

و عفشتها حلوه ,, مش بتحس بعيوب الأسفلت

لو عايز تجرى حتجرى

و لو عايز تسوق سواقه بشواتى بهداوه حتسوق و برده حتكون مبسوط

مكنش مدايقنى بس غير الاتى

1- لما بفك تعشيقة الغيار الأول عشان أنقل على الغيار التانى ,, بحس ان عصاية الفتيس بتحك فى حاجه جوه كده حكه جامده و بتعمل صوت وحش

و محدش يقولى دوس على الدبرياج للأخر و محدش يقولى دوس على الدبرياج بصوابع رجلك الخمسه و لا بصباع رجلك الكبير و لا بتلات صوابع و اتنين لا !!!!

انا دوست على الدبرياج جامد لدرجة انى كنت حكسر الكرسى اللى انا قاعد عليه

الحل الوحيد للمشكله ديه انى مشبعش الغيار الاول و مديلوش حقه و انقل بسرعه ,,, و حتى الحل ده مش بينفع علطول

2- عضات على كل الغيارات و الغريب ان العضات ديه ساعات بتروح و ساعات بتيجى ,, يعنى ممكن مشوار الرايح للمعادى كان فيه عضات اكتر من مشوار الراجع ,, يمكن عشان الرايح كان زحمه لكن الراجع كان سالك

**bassem.naguib** · 09-04-2013 12:35 PM

المشاركة الأصلية كتبت بواسطة ahmedselaraby

بالمقارنه بالفتيس المانيوال ,, فالفتيس المانيوال عشان يحافظ على التروس من أخطاء السائقين ,, هذه الخاصيه تغلق كل الغيارات ما عدا الغيار المناسب للسرعه التى تسير بها السياره ,, اذن هو فتيس مانيوال بس بدماغ لتوماتيك و لكن بدون زرار sport (فقط للتوضيح)

جارى البحث .................................................. ..............

متهيألي أنك شطحت شوية .. وإن كان كلامك منطقي .. فيه فرق بين نظام يتم التحكم فيه الكترونياً .. وبين نظام يتم التحكم فيه يدوياً .
مازلنا محتاجين رأي فني متخصص .

وعلى فكرة طالما أسامة بيه بيشكر في الغيارات ومبيقلش أن فيها عضة .. يبقى أكيد توصل لآلية السواقة ازاي ونقل الغيارات .. والمطلوب منه هو ركوبه العربية وقيادتها والحكم إذا كان فيها عضة أم لا .. أيد عن أيد ورجل عن رجل بتفرق في السواقة برضه .. زي ما كان شارح لينا أبو جنى .

المشاركة الأصلية كتبت بواسطة sv065

المهندس أسامة ما شاء الله نحسبه علي خير ونظنه ممن قال فيهم الرسول صلي الله عليه وسلم أنهم مختصون بقضاء حوائج الناس

ازيك يا وليد باشا .. إن شاء الله تكون بخير .. ايوة كدة الحبايب تهل علينا مرة واحدة .. ويا ريت متغيبوش علينا في المشاركات والنصح .
أعتقد أنه يقصد أ/ أسامة بتاعنا .. مش م/ اسامة بتاع التوكيل .

ولالالالالالالالالالالالالال ازم نشوفكم في المقابلة المرة الجاية .. دي مرة كل شهر .. متستكترهاش علينا يعني .

**ahmedselaraby** · 09-04-2013 01:28 PM

[QUOTE=bassem.naguib;3874915035][size=5][color=darkred][b]
متهيألي أنك شطحت شوية .. وإن كان كلامك منطقي .. فيه فرق بين نظام يتم التحكم فيه الكترونياً .. وبين نظام يتم التحكم فيه يدوياً .
مازلنا محتاجين رأي فني متخصص .

لا بأس ..........

صندوق التروس هو همزة الوصل بين الموتور و التروس التفاضليه أو ما تسمى التروس الفرقيه أو بالبلدى كده كرونة الفتيس (differential)

و محدش يقولى الكرونه بتبقى فى عربيات الدفع الخلفى فقط

بيفكرونى بنفسى أول مره عرفت فيها ان فيه حاجه اسمها عربيات جر أمامى مش دفع خلفى

المهم

إذن يجب التركيز على الوصله ما بين صندوق التروس و الكرونه ,, هناك يكمن الحل

همتكم معانا ,, و أى حد بيتعامل مع ميكانيكى مخضرم ,, ياريت يسأله فل تليفون حتى

-

-

الموضوع: byd بعد]95000ك/م

LinkBack

أدوات الموضوع

عرض

العرض المتطور

-

-

-

المواضيع المتشابهه

جديد من byd , بديلة ال f3 صور byd g3

مواصفات byd l3 التطور الطبيعى للسيارة byd f3بالصور

السيارة BYD مواصفات + صور + سعر

BYD : BAGA7A YA DONYA

بخصوص السيارة BYD

الكلمات الدلالية لهذا الموضوع

المفضلات

المفضلات

ضوابط المشاركة