byd بعد]95000ك/م

**ozama22** · 08-04-2013 04:30 PM

السادة المحترمين تحية طيبة
اسف عن انقطاعي عن الصفحة كل هذة الفترة
واحب ان اوضح الاتي بع قطع مسافة 95000كم
اولا المزايا
1- استهلاك البنزين كما هو من 250كمالى 270 كم في الصفيحة
2- سحب السيارة كما هو جيد والحمد لله 3- التكييف ممتاز
ثانيا العيوب
1-دهان السيارة سيء
2- ماستر الدبرياج بيبوز او بيضرب بعد 40000كم او 45000كم
وحصل معي ذلك مرتين
والاهم في ذلك مازال مركز الصيانة في الاسكندرية هو رقم واحد والف تحية للمهندس اسامة مبروك
وشكرا وسوف اتابع موضوع العضة في الفتيس واكتب لحضراتكم مرة اخرى باذن الله

**bassem.naguib** · 08-04-2013 05:27 PM

منور يا أسامة باشا .. بس كنا عاوزين تفاصيل أكتر من كدة .
وبالذات موضوع الساعة :
* عضة الفتيس
* ونة الفتيس
* صوت الموتور
* قطع الغيار اللي استخدمتها وأسعارها
* أهم المشاكل الأخرى اللي قابلتك زي عطل مفاجئ في الطريق .. خبرة أو معلومة جديدة عن العربية ... إلخ

منور يا باشا .. منووووووور والله .. ويا ريت متغبش عنا كتير .

**ehabpopo** · 08-04-2013 08:56 PM

مبروك الصيانة ... بقالك كتير فعلا حارمنا من مشاركاتك ... لعل المانع خير
ونتما نشوفك فى المقابلة القادمة
وانا مع باسم فى كل اللى قالة ... عايزين شرح باستفاضة لو ممكن

**ahmedselaraby** · 09-04-2013 01:42 AM

المشاركة الأصلية كتبت بواسطة ozama22

السادة المحترمين تحية طيبة
اسف عن انقطاعي عن الصفحة كل هذة الفترة
واحب ان اوضح الاتي بع قطع مسافة 95000كم
اولا المزايا
1- استهلاك البنزين كما هو من 250كمالى 270 كم في الصفيحة
2- سحب السيارة كما هو جيد والحمد لله 3- التكييف ممتاز
ثانيا العيوب
1-دهان السيارة سيء
2- ماستر الدبرياج بيبوز او بيضرب بعد 40000كم او 45000كم
وحصل معي ذلك مرتين
والاهم في ذلك مازال مركز الصيانة في الاسكندرية هو رقم واحد والف تحية للمهندس اسامة مبروك
وشكرا وسوف اتابع موضوع العضة في الفتيس واكتب لحضراتكم مرة اخرى باذن الله

انا جسمى أشعر

و الله انا مبسوط لدرجة انى نسيت كل منغصات العربيه

شكرا استاذ باسم على المفاجأه ديه

شكرا استاذ اسامه على ظهورك المفاجىء و اهتمامك بموضوعتنا

وجودك فل قسم بشكل منتظم مستقبلا يضفى عليه ثقل و عمق و خبره لا تضاهى

انا متفاءل خير ان شاء الله

صحيح انا مشفتش استاذ اسامه لكن كلامه يشعرنا بروحه الطيبه و أخلاقه العاليه و كرمه و رغبته فى مساعدة الاخرين

حقيقه ,, انا مبسوط

**ahmedselaraby** · 09-04-2013 02:20 AM

كنت النهارده فى مشوار من مصر الجديده للمعادى و بالتحديد كورنيش المعادى

أنا خدت طريق صلاح سالم العروبه

بسم الله ما شاء الله ,, الله أكبر ,, لا حول و لا قوة إلا بالله العلى العظيم

العربيه فعلا جميله

"كاف ألف" الأداء و التسارع

"كاف ألف" الثبات و الإتزان

عربيه وحش على الطريق

تحس انها عايزه تاكل الطريق بالعربيات اللى ماشيه عليه

و عفشتها حلوه ,, مش بتحس بعيوب الأسفلت

لو عايز تجرى حتجرى

و لو عايز تسوق سواقه بشواتى بهداوه حتسوق و برده حتكون مبسوط

مكنش مدايقنى بس غير الاتى

1- لما بفك تعشيقة الغيار الأول عشان أنقل على الغيار التانى ,, بحس ان عصاية الفتيس بتحك فى حاجه جوه كده حكه جامده و بتعمل صوت وحش

و محدش يقولى دوس على الدبرياج للأخر و محدش يقولى دوس على الدبرياج بصوابع رجلك الخمسه و لا بصباع رجلك الكبير و لا بتلات صوابع و اتنين لا !!!!

انا دوست على الدبرياج جامد لدرجة انى كنت حكسر الكرسى اللى انا قاعد عليه

الحل الوحيد للمشكله ديه انى مشبعش الغيار الاول و مديلوش حقه و انقل بسرعه ,,, و حتى الحل ده مش بينفع علطول

2- عضات على كل الغيارات و الغريب ان العضات ديه ساعات بتروح و ساعات بتيجى ,, يعنى ممكن مشوار الرايح للمعادى كان فيه عضات اكتر من مشوار الراجع ,, يمكن عشان الرايح كان زحمه لكن الراجع كان سالك

**bassem.naguib** · 09-04-2013 09:24 AM

بسم الله ما شاء الله ولا حول ولا قوة إلا بالله .. ربنا يباركلك فيها ويكفيك شرها .

1- في الصيانة القادمة أطلب أنهم يشحموا عصاية الفتيس من الداخل .. اسفل الغطاء الجلد .
2- تبقى مشكلة العضة في النقل .. وأكيد ليها آلية في النقل علشان متظهرش .. وأعتقد بكرة لما أيدك تاخد على حارات الغيارات ومع تليين الفتيس أكتر حتقل المشكلة دي .

**ahmedselaraby** · 09-04-2013 10:39 AM

المشاركة الأصلية كتبت بواسطة bassem.naguib

بسم الله ما شاء الله ولا حول ولا قوة إلا بالله .. ربنا يباركلك فيها ويكفيك شرها .

1- في الصيانة القادمة أطلب أنهم يشحموا عصاية الفتيس من الداخل .. اسفل الغطاء الجلد .
2- تبقى مشكلة العضة في النقل .. وأكيد ليها آلية في النقل علشان متظهرش .. وأعتقد بكرة لما أيدك تاخد على حارات الغيارات ومع تليين الفتيس أكتر حتقل المشكلة دي .

الموضوع مش تشحيم عصايه و لا تليين فتييس

أنا حقولك زيتونة الموضوع

بهدوء و بالعقل كده و بالدليل

تم فتح التحقيق :

1- فتيس البى واى دى فيه خاصيه ميكانيكيه الهدف منها (المفروض) الحفاظ على التروس من التلف و هذه الخاصيه تعمل بطربقة غلق أو فتح الغيارات على حسب حاجه من الثلاثه

أ- سرعة العربيه على الطريق
ب- عدد لفات الموتور rbm
ج- التنين معا (أ و ب)

طيب أدينى عقلك

لما بدوس دبرياج ,, المفروض انه الموتور انفصل عن صندوق التروس , و فى نفس الوقت عدد لفات الموتور تهبط بشكل متسارع ,, و مع ذلك تظل هذه الخاصيه الميكانيكيه تعمل

نستنتج من ذلك : انها لا تعمل مع عدد لفات الموتور rbm

الغيار الأول يكون مغلق و يرفض التعشيق إلا إذا توقفت العربيه تماما عن الحركه : السرعه = صفر

نستنتج من ذلك ان هذه الخاصيه الميكانيكيه تعمل مع سرعة العربيه على الطريق

حسنا ما المشكله ؟؟

المشكله ان هذه الخاصيه مظبوطه على أقصى حد

يعنى لازم العربيه تقف تماما عشان الغيار الاول يعشق

لازم و انت على التالت السرعه تنزل كتير اوى عشان تعرف تجيب التانى

لازم ماتحرقش على الاول خالص و الا فك التعشيق يجى بكحت و خشونه

و هكذا

و الحل

تغيير ضبط الخاصيه الميكانيكيه هذه بحيث لا تكون قاسيه أوى كده و ترحرح معانا كده

أكيد فيه حاجه متأرطه بزياده

فى ريجلاش

فى صموله

فيه اوبشن تعديل الظبط

ديه سنة اى حاجه

أنا شرحت الموضوع بالعقل و المنطق ,, بس محتاج حد بيفهم ميكانيكا صناديق التروس يقولنا كيف يتم ضبط هذه الخاصيه

يا حمد يا بو عربى يا ابهه ....... ايه العظمه دى كلها

أشكركم أشكركم

**ahmedselaraby** · 09-04-2013 11:58 AM

أريد ان اضيف للتأكيد على معلومات المشاركه السابقه

أنه فى الفتيس الاتوماتيك

فيه زرار s أو sport ,, هذا الزر يغير هذه الخاصيه الميكانيكيه فل فتيس الاتوماتيك بحيث يتم النقل بين الغيارات على سرعات مختلفه عن العادى , و بيدى فرصه للموتور انه يعلى فل rbm بتاعه عشان تبقى القياده رياضيه

يعنى مثلا تلاقى الغيار التانى للتالت بدل ما ينقل على 40 كم /ساعه تلاقيه بينقل على 55 , 60 كم/ساعه

إذن هذه الخاصيه الميكانيكيه يمكن تعديلها

بالمقارنه بالفتيس المانيوال ,, فالفتيس المانيوال عشان يحافظ على التروس من أخطاء السائقين ,, هذه الخاصيه تغلق كل الغيارات ما عدا الغيار المناسب للسرعه التى تسير بها السياره ,, اذن هو فتيس مانيوال بس بدماغ لتوماتيك و لكن بدون زرار SPORT (فقط للتوضيح)

جارى البحث .................................................. ..............

-

الموضوع: byd بعد]95000ك/م

LinkBack

أدوات الموضوع

عرض

-

-

-

المواضيع المتشابهه

جديد من byd , بديلة ال f3 صور byd g3

مواصفات byd l3 التطور الطبيعى للسيارة byd f3بالصور

السيارة BYD مواصفات + صور + سعر

BYD : BAGA7A YA DONYA

بخصوص السيارة BYD

الكلمات الدلالية لهذا الموضوع

المفضلات

المفضلات

ضوابط المشاركة