نفسي في البونتو ايفو ٢٠١٣ بس فيه تساؤلات

**Dr.A.Nabil** · 10-04-2013 10:08 PM

الحاجه الوحيده اللي اقدر افيدك انه توكيل سيء جدا جدا جدا ومستوى المهندسين هناك متواضع فوق الوصف

**mano29071991** · 11-04-2013 04:47 PM

المشاركة الأصلية كتبت بواسطة abo_salah

والله انا معايا الجراند بونتو 2013 .. العفشه الرياضيه
كنت مقلق برضه من موضوع ال 1400 سي سي 77 حصان ده .. بس بصراحه ما شاء الله عليها في الجري ..
170- 180 ولااااا هاتحس باي فرق خالص .... ثبات ما شاء الله عليه مالهوش حل .. هي مشكلتها بس ان صوت الموتور بيكون عالي شويه لكن تكييف جميل الحمدلله ... وسحب فوق الممتاز ..
فكره الفتيس الديوالوجيك ده .. هو غريب شويه .. اكنك راكب عربيه مانيوال بس اتوماتيك d:
يعني هاتحس بالنقلات اكنك بتنقل مانيوال .. بس العربيه اللي هاتنقل لوحدها ..
وانسي موضوع الدبرياج ... مفــــــــيـــــــش ..
هو بنزين وفرامل وبس .. تحطها عالمانيوال هاتزود سرعات بنفسك .. واما تهدي سرعتك هي هاتقلل النقلات لوحدها .. بالنسبه للاتوماتيك هاتسيبها ماشيه لوحدها .. هي بتنقل مع نفسها ..
الكمبيوتر الحمدلله مفيش فيه اي حاجه لحد دلوقتي ... ما شاء الله زي الفل ... ميه ميه ..
التكييف جميل جدا ...
هي بس الفكره ان سعرها زاد اليومين دول .. انا كنت جايبها من المصريه من شهرين وشويه ب 124 قسط طبعا
النهارده سمعت انها وصلت 136 الف ... فا مش عارف الكلام ده صح ولا غلط ...
وبالنسبه للتوكيل.. انا لسه يوم الخميس اللي فات عامل صيانه ال 5 الاف... بصراحه ناس محترمين مفيش اي شكوي ولا حاجه خالص .. والمواعيد مظبوطه جدا عندهم ... ومفيش زحمه ولا حاجه
في مركز جسر السويس .. ده الرئيسي ..انا روحت اللي في الدراسه قدام توكيل نيسان بالظبط ..
ولو في اي استفسار انا تحت امرك..

و

انا لسا جايب الجراند بونتو الغفشة الرياضية باردوه من اسبوع ب 124 بس قالي انهل هتغلا بعد لما جبتها 6000 يعنس بيتهيئلئ سعرها بقي 130 !!!

فيه سؤال بقي هو مش المفروض انك لو واقف على منزل و عليز ترجع ماشدير لما بتشيل رجلك من علي الفرمل ما تنزلش لتحت ؟؟؟ اصل كنت راكن على مانزل جراج وانا باخد مارشدير اول ما كنت باشيل رجلي من على الفرامل عشان ارجع لورا كانت بتنزل قدام !!!!! فهو ده طبيعي ولا انا عندي مشكلة ؟؟؟

**abo_salah** · 11-04-2013 05:04 PM

المشاركة الأصلية كتبت بواسطة mano29071991

انا لسا جايب الجراند بونتو الغفشة الرياضية باردوه من اسبوع ب 124 بس قالي انهل هتغلا بعد لما جبتها 6000 يعنس بيتهيئلئ سعرها بقي 130 !!!

فيه سؤال بقي هو مش المفروض انك لو واقف على منزل و عليز ترجع ماشدير لما بتشيل رجلك من علي الفرمل ما تنزلش لتحت ؟؟؟ اصل كنت راكن على مانزل جراج وانا باخد مارشدير اول ما كنت باشيل رجلي من على الفرامل عشان ارجع لورا كانت بتنزل قدام !!!!! فهو ده طبيعي ولا انا عندي مشكلة ؟؟؟

هو انا اعتقد ان اي عربيه لو واقف علي منزل وشيلت رجلك من علي الفرامل اكيد العربيه تلقائي هاتنزل لتحت .. ماظنش دي مشكله في العربيه ...

**mano29071991** · 11-04-2013 05:37 PM

المشاركة الأصلية كتبت بواسطة abo_salah

هو انا اعتقد ان اي عربيه لو واقف علي منزل وشيلت رجلك من علي الفرامل اكيد العربيه تلقائي هاتنزل لتحت .. ماظنش دي مشكله في العربيه ...

ازاي انا كده مبلحئش ادوس بنزين بلائيها نزلت

**A.Adel** · 11-04-2013 05:38 PM

المشاركة الأصلية كتبت بواسطة mano29071991

فيه سؤال بقي هو مش المفروض انك لو واقف على منزل و عليز ترجع ماشدير لما بتشيل رجلك من علي الفرمل ما تنزلش لتحت ؟؟؟ اصل كنت راكن على مانزل جراج وانا باخد مارشدير اول ما كنت باشيل رجلي من على الفرامل عشان ارجع لورا كانت بتنزل قدام !!!!! فهو ده طبيعي ولا انا عندي مشكلة ؟؟؟

ده طبيعي جدا

وهتلاقيها برده مش بتحرك أول ماتشيل رجلك من على الفرامل زي الأوتو
لازم تدوس بنزين

اكنه مانيوال بظبط :)

**abo_salah** · 11-04-2013 05:57 PM

انا اعتقد فهمت قصد mano
حسيت بالموضوع ده مرتين قبل كده
اكن العربيه بتجري من عالمنزل ..مش بتمسك نفسها ... وكنت باشد فرامل اليد لحد مادوس بنزين وانزلها بعد كده تكون العربيه شدت حيلها وطلعت من عالمنزل ...
بس اعتقد ده عادي في العربيه مش مشكله فيها ولا حاجه ...

**mano29071991** · 11-04-2013 06:17 PM

اقنعتوني يا رجالة ... شكرا جدا ريحتوا قلبي

**Formulator** · 11-04-2013 07:00 PM

عشان معندكش Hill-Holder أو Hill-Start Assist
اللى هو جزء من ESP
(كل وظيفته -فـ المانيوال أو الـDualogic انه بيمسك فرامل ورا فقط لمدة ثانيتين -لحد مانت تحمل Clutch/Engage)

- وده منزلش مصر إلا فـ البرافو 150 حصان مانيوال (والبرافو 120 pkg-6 سبورت)
والجراند T-JET 120 سبورت بردو..

حاول تعود نفس تشد الهاند تكة أو تكتين-3 لحد ماتنقل رجلك من عـ الفرامل للبنزين..
أو تستخدم Left-Foot Braking بس ده عايز Training الأول!

وإبقوا حاولوا تروحوا جسر السويس يارجالة.. بلاس الدراسة تانى؟!!
المهندس سيد (اللى كان بيفهم هناك) مشى راح نيسان :((

مش فارقة كتير: بس جسر السويس الفرع الرئيسى -عندهم كل الـTools والقطع والـDiagnostics؟!!!

**haany_ghazy** · 12-04-2013 01:43 AM

التوكيل سىء جدا جدا جدا ميعرفوش غير الصيانات الدورية
قطع الغيار غالية جدا جدا كان عندى مشكلة فى قطمة الدركسيون سعرها مستعمل 7000 و جديد 11000

مركز الصيانة المعتمد الطارق النيل و المركز الرئيسى فى مرغم
حقيفى العربية توكيل قبل كل شىء