كفايه ظلم للميجان

**titofouda** · 09-04-2013 03:32 PM

ناس كتير بتظلم الميجان ويقوله الحاجه بتاعتها غاليه وخوفونى من انى اشتريها لكن انا عندى مبداء مع المصريين امشى عكسهم ومتخفش وفعلا جبتها واول تعامل مع قطع الغيار شوفت انها ارخص او بتمن قطع غيار الفيا وهقول بعض الاسعار علاشان كفايه افتره على المجان حببتيه بقه
2مقص كاملين 500
قاعدة موتور 150
طقم بوجيهات اصلى 85
كويل فاليو 175
فلتر بنزين اصلى 50
2ذراع اسكاتره 170
طقم تيل فرامل امامى 160
غطا قربة المساحات اصلى 25
وبجد انا كان معايا فيات 2007 قطع غيارها اعالى من المجان وكل مهجيب قطع غيار لحببتى هقول عليها عشان اخد حقها من اليه بيفتره عليها

**ahmedfouad** · 09-04-2013 04:36 PM

والله انت عسل

**h_e_e** · 09-04-2013 08:39 PM

قطع غيار الميجان شبيهة بلفيرنا مع الفرق طبعا و ارخص 50 فلمية من السيراتوا مثلا

**Walid_M** · 10-04-2013 03:58 AM

أنا بصراحة اتصدمت من الاسعار اللي حضرتك حاططها !!!

أمال السمعه المنيله دي سببها إيه ؟

أنا بصراحه باعتبرها عربية هايله , لكن سعر قطع غيارها وكمان سعر إعادة البيع لها خوفوني منها جداً !!!

شكراً لحضرتك على توضيحك

تحياتي

**abasse** · 10-04-2013 08:55 AM

بصفتي من ملاكها حوالي 4 سنين ومع كامل احترامي لحضرتك القطع الي حضرتك جبتها ديه فعلا اسعارها في السوق بس للاسف من واقع تجربتي القطع من التوكيل عمرها اكتر بالرغم حتي من ان سعرها عالي والذي لا يزال برضه رخيص او يوازي قطع غيار مثيلاتها في نفس الفئه طبعا حاجات وحاجات

**medori** · 10-04-2013 09:40 AM

المشاركة الأصلية كتبت بواسطة abasse

بصفتي من ملاكها حوالي 4 سنين ومع كامل احترامي لحضرتك القطع الي حضرتك جبتها ديه فعلا اسعارها في السوق بس للاسف من واقع تجربتي القطع من التوكيل عمرها اكتر بالرغم حتي من ان سعرها عالي والذي لا يزال برضه رخيص او يوازي قطع غيار مثيلاتها في نفس الفئه طبعا حاجات وحاجات

لاحظ حضرتك ان اللى هو كاتبه برضه حاجات مش mechanical اوى و ممكن تيجى استيراد عادى و هى هى فى التوكيل مع اختلاف السعر الاعلى فى التوكيل، الكويلات اللى ب175 دية بتيقى valeo فرنساوى اللى التوكيل كان بيتعامل بيها من فتره و كان بيبيع الواحد ب450 و غيرها دلوقتى مش عشان وحشه او مضروبة مثلا انما عشان دية بتبقى deals ما بين الشركات و بعضها.
البوجيهات ب85 دة العادى بتاعها فى كل حتة، الحاجة الوحيدة اللى فيها كلام هى التيل، الاصلى بتاع التوكيل بيتباع بره ب 400 جم بتركيبه رغم انه فى التوكيل ب650 من غير التركيب، التوكيل بصراحة اسعارة مستفزة جدا من غير سبب خالص، ممكن حد يقولى ايه اللى يخلينى اروح اجيب قنطره اماميه من التوكيل ب4500 او 5000 جم و هى حتة حديدة ممكن اجيبها استيراد ب500 جم؟

**solly1979** · 10-04-2013 11:37 AM

كلام حضرتك مضبوط جدا
فعلا اسعار قطع الغيار بتاعة الميجان جميله جدا انا كان معايا اوكتافيا a4 قبلها كنت بكوع مبالغ محترمه وبردة برة التوكيل بس كنت بجيب الاصلى
المجان فى كذا نوع اسبانى وتركى وشاغليين كويس جدا

**lanos2004** · 10-04-2013 12:05 PM

اسعار ممتازه

**تامر.محمد** · 10-04-2013 12:20 PM

المشاركة الأصلية كتبت بواسطة medori

لاحظ حضرتك ان اللى هو كاتبه برضه حاجات مش mechanical اوى و ممكن تيجى استيراد عادى و هى هى فى التوكيل مع اختلاف السعر الاعلى فى التوكيل، الكويلات اللى ب175 دية بتيقى valeo فرنساوى اللى التوكيل كان بيتعامل بيها من فتره و كان بيبيع الواحد ب450 و غيرها دلوقتى مش عشان وحشه او مضروبة مثلا انما عشان دية بتبقى deals ما بين الشركات و بعضها.
البوجيهات ب85 دة العادى بتاعها فى كل حتة، الحاجة الوحيدة اللى فيها كلام هى التيل، الاصلى بتاع التوكيل بيتباع بره ب 400 جم بتركيبه رغم انه فى التوكيل ب650 من غير التركيب، التوكيل بصراحة اسعارة مستفزة جدا من غير سبب خالص، ممكن حد يقولى ايه اللى يخلينى اروح اجيب قنطره اماميه من التوكيل ب4500 او 5000 جم و هى حتة حديدة ممكن اجيبها استيراد ب500 جم؟

التيل الاصلي في التوكيل دلوقت بحوالي 500 من غير تركيب , قبل زيادة الاسعار الاخرانية كان ب400 من غير تركيب و 600 بالتركيب