روح اعمل شكوى فى البنك المركزى ادارة التفتيش على البنوك و خد ورقك و صور منه و مخالصة المحكمه و متاخدش قرض تانى ...
ربنا معاك
رقم العضوية : 139863
تاريخ التسجيل : 09Apr2013
المشاركات : 344
النوع : ذكر
الاقامة : الاسكندرية
السيارة: ربنا يسهل
السيارة[2]: ماروتي
الحالة :
انا مشكلتي تتلخص في اني اخدت قرض 10الاف جنيه استلمتهم 9500 مش فاهم ازاي والمفاجأة بقي اني سددته تقريباً 20 الف يعني الضعف "ههههههه عبط صح!!!!! للأسف ده اللي حصل"
وكمان كنت واخد كرديديت وبرده ضافوا عليا مديونية رغم اني كنت موقف التعامل بيها نهائياً
وطبعاً الموضوع اخد بيني وبينهم سنين كتير وقضية انتهت اني سددت باقي المبلغ اللي فرضوه عليا وهو مبلغ 3900 جنيه للفيزا و400 جنيه مديونية الكريديت "وده كان الاتفاق مع موظف ادارة التحصيل واسمه وليد كمال "حسبي الله ونعم الوكيل فيه"
بعد ما اتفقنا وروحت دفعت وبعتله صور الايداعات لحساب القرض والكريديت زي ما اتفقنا وكنت مأكد عليه وكلمته وانا مع موظف البنك وقاله خلاص القرض هيتقفل بمجرد انه يعمل الايداع وبعد ما عملت الايداعات خليته يكلمه ويبعتله اميل فيه صور من الايداعات
بكلمه بعدها بيومين علشان يبعتلي ورقي "الشيكات والمخالصة النهائية"زي ما اتفقنا قالي لا السيستم ضاف عليك 400 جنيه كمان قولتله ازاي احنا اتفقنا وانت وعدتني ان القرض خلاص اتقفل وهتبعتلي ورقي قالي السيستم وانا مقدرش اعملك حاجه ولازم تدفع 400 جنيه..وسلمت امر لله وروحت عملت ايداع ب 400 جنيه تاني وكلمته وانا باعمل الايداع برده وقولتله هبعتلك صورة الايداع علي الميل عن طريق موظف في الفرع وقالي خلاص خلاص كده تمام انا هقفلك القرض انهارده وهبعتلك الورق علي فرع البنك بتاعك خلال اسبوعين..كان ميعاد جلسة القضية في المحكمة قرب قولتله اسبوعين كتير ابعتلي مخالصة قضائية..قالي خلال يومين تكون عندك وفعلا بعدها بيومين اخدت المخالصة وروحت بيها للمحكمة وكان فيه مندوب من البنك في المحكمة لانهاء القضية بالتصالح والمخالصة و القضية اتقفلت
تخيلوا اتصل بعدها بشهرين اقولهم باستفسر هل ورقي "الشيكات والمخالصة النهائية"وصل للفرع واللا لسه قالولي القرض لسه مفتوح وعليك مديونية 900 جنيه بصراحة اتوهمت من الصدمة اقولها ازاي انا قافل القرض مع موظف التحصيل واخدت مخالصه منكم وخلصت القضية بتاعتي تقولي حضرتك انا بقولك اللي موجود قدامي في حسابك قولتلها غلط
قالتلي كلم الموظف اللي اتفقت معاه وانا هعملك شكوي وهيردوا عليك خلال يومين
روحت كلمت وليد كمال تاني"وطبعاً لازم افكره بنفسي رغم اني كلمته اكتر من 50 مره وكل مره كنت بشرحله فيها مشكلتي وكنت باتفق معاه علي اجراءات لكن طبعاً هو ولا بيفتكر وبيقولي ازاي انا هقفلك القرض وانت لسه عليك مديونية قولتله طيب وانت ازاي هتبعتلي مخالصه قضائية وانا لسه عليا مديونية خليني انا مجنون وانت عاقل المهم قولتله...انتم بتسجلوا المكالمات اللي بينا صح قولتله راجع المحادثات بينا في التاريخ اللي انا سددت فيه..تمام وقفل معايا واتفقنا انه هيراجع المكالمات ويرد عليا
وبعد يومين كلمته انا طبعاً وقالي معلش انا اسف فعلاًاحنا اتفقنا وعملنا ديل وانا نسيت ومقفلتش القرض...عامةً انا هقفلهولك بعد ما ارجع من الاجازه قولت ماشي مش فارقه اسبوع كمان
كلمته بعد مالبيه رجع من اجازته قالي خليك معايا وهقفلهولك حالاً وعلي كلامه انه قفله خلاص وانا معاه علي التليفون
قالي كلم بقي خدمة العملا بعد يومين اطلب ورقك وشيكات والمخالصه النهائية قولت ماشي
بعد يومين اكلمهم لقيت نفس المشكله القرض لسه مفتوح والمديونيةزادت وبقيت 1200 جنيه "حسبي الله ونعم الوكيل"
اعمل ايه مفيش في ايدي حاجه اعملها وبكلمه مبيردش كل يوم اكلمه مبيردش
وطبعاًاتصل بخدمة العملا مره واتنين وتلاته وكل مره اخد نص ساعه اشرح لشخص جديد مشكلتي واني قفلت القرض ازاي هو لسه مفتوح وليه ؟يقولي السيستم قدامي وهعمل لحضرتك شكوي
وكل مره نفس الكلام من شخص مختلف
وبعد شهر تقريباً كلمت وليد قولتله يا اخي انت مش قفلت القرض قالي قرض ايه وبرده اضطريت احكيله القصه تاني للمره المليون.
تخيلوا قالي ايه
قالي انا سبت بنك باركليز وحالياً شغال في البنك الاهلي المتحد
قولتله طيب ايه الحل قالي انا قفلتك القرض طالما انا قولتلك اني قفلته يبقي قفلته وكلمهم علشان يبعتولك ورقك
ومن ساعتها انا يأست ومش عارف اعمل ايه ومش عارف اعمل كريديت في اي بنك علشان انا بلاك ليست رغم اني معايا مخالصة ومسدد القرض والله العظيم مسدد القرض كله وبزيادة الضعف"وحسبي الله ونعم الوكيل- ربنا علي كل ظالم وجبروت
انصحوني يا أهل الخبرة
واسف جداً جداًَ علي الاطالة
رقم العضوية : 57630
تاريخ التسجيل : 01Jan2010
المشاركات : 4,129
النوع : ذكر
الاقامة : Cairo / Port Said
السيارة: Kia Carens 1.6 2010
السيارة[2]: Nissan Sunny 2014
دراجة بخارية: -
الحالة :
روح اعمل شكوى فى البنك المركزى ادارة التفتيش على البنوك و خد ورقك و صور منه و مخالصة المحكمه و متاخدش قرض تانى ...
ربنا معاك
[justify]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/justify]
رقم العضوية : 28996
تاريخ التسجيل : 01Jan2009
المشاركات : 1,636
النوع : ذكر
الاقامة : مصر
السيارة: لانوس 1
السيارة[2]: 127 فيات
دراجة بخارية: suzuki
الحالة :
اعمل شكوى للبنك المركزى
و ماعلش هو بنفع حماية المستهلك لو ينفع يبقى هايل
رقم العضوية : 123229
تاريخ التسجيل : 16Apr2012
المشاركات : 459
النوع : ذكر
الاقامة : مصر
السيارة: no
السيارة[2]: no
دراجة بخارية: no
الحالة :
يا راجل يا طيب وانت ايه اللي يخليك مستني كل دا , اعمل شكوي فى حماية المستهلك وفي البنك المركزي , علي فكرة اللي متعرفوش ان الموظفين بياخدوا عموله علي المصالحات ورقم المبلغ اللي بيقدروا يحصلوه من عميل .
رقم العضوية : 18512
تاريخ التسجيل : 10Sep2008
المشاركات : 1,246
النوع : ذكر
الاقامة : المنصورة
السيارة: لا يوجد
السيارة[2]: ميتسوبيشي لانسر 1998
دراجة بخارية: لا يوجد
الحالة :
"يمحق الله الربا ويربي الصدقات"
مرة صرفوا لنا كارت كريديت بألفين جنيه أول ما اتعينت فأخذته وسحبت فلوس واشتريت حاجات وقعدت أسدد أسدد إن القرض يخلص ما فيش فايده يخلص ما فيش فايده ففهمت وقتها معنى الآية الكريمة دي وبطلت تماما اتعامل مع البنوك من يومها الحمد لله...
رقم العضوية : 80905
تاريخ التسجيل : 22Sep2010
المشاركات : 2,674
النوع : ذكر
الاقامة : cairo elbehera
السيارة: بيجو 406
السيارة[2]: bmw 523i
دراجة بخارية: no
الحالة :
ياباشا كل البنوك كده لازم يدفعك دم قلبك واسال اي حد جايب عربيه قسط
rompo10
رقم العضوية : 128540
تاريخ التسجيل : 09Aug2012
المشاركات : 3,252
النوع : ذكر
الاقامة : Cairo
السيارة: ...
السيارة[2]: ...
دراجة بخارية: NO
الحالة :
ده موضوع مختلق عشان الترويج للموقع اللي هوه اسم العضو صاحب الموضوع.
https://www.google.com/search?q=%22%...w=1517&bih=714
مصر أنت أغلى دره ... فــوق جبين الدهـر غرَّة
يا بلادي عيشي حره ... واسلـمي رغـم الأعــادي
رقم العضوية : 18512
تاريخ التسجيل : 10Sep2008
المشاركات : 1,246
النوع : ذكر
الاقامة : المنصورة
السيارة: لا يوجد
السيارة[2]: ميتسوبيشي لانسر 1998
دراجة بخارية: لا يوجد
الحالة :
رقم العضوية : 70100
تاريخ التسجيل : 09May2010
المشاركات : 4,215
النوع : ذكر
الاقامة : المحله الكبرى
السيارة: kia.carens
السيارة[2]: octavia fantazia
دراجة بخارية: ......................
الحالة :
بنك باركليز خدمه مميزه مع العميل بس كله بحسابه
يعنى هتشوف راحه لكن بمقابل اكيد وطبعا مع شويه استغفال للعميل لو مش واخد باله
انا قفلت حسابى معاهم بعد خمس سنوات واكتشفت بالصدفه انى يخصم منى شهريا 80 جنيه لخدمه اسمها (برستيج) ولما فندت كشف الحساب لانى كنت اهمله وكنت دايما ببص على الرقم الاخير فوجدت المبلغ ده مكرر شهريا زائد المصاريف العاديه ومصاريف تحصيل الشيكات والكمبيالات
رحت لهم اسئلهم عن المبلغ ده ليه قالولى ده نظام برستيج يبيح لك مميزات فى التعامل فقلت لهم ازاى بتاخدو منى رسوم البرستيج (نظام البرستيج ده علشان لو حساب صغير يقدر يتعامل مثل الحسابات الكبيره )وانا اصلا عميل بريمير والعميل البريمير اعلى ولا يدفع رسوم ولى كل مزايا التعامل الموظف ارتبك وطبعا عملت مشكله ودخلت لمدير الفرع وطالبتهم بالمبلغ من يوم مافتحت الحساب لانه بالبلدى سرقه كده عينى عينك واستغفال
طبعا قالو مينفعش وهنعوضك وعملولى شويه انظمه فيها فايده وتسهيلات جامده فى مصاريف تحصيل اوراق القبض من شيكات لكمبيالات وكل ده علشان يداروا على الموضوع
ففضلت انى اترك البنك ده لان ده نظام نصب مش تعامل محترم
وهناك بنوك كثيره تقدم خدمه مثل البنك الاجنبى (خدمه محترمه) والمصاريف الاداريه مثل البنوك الوطنيه
فالافضل التعامل معها ولا انصح احد بالتعامل مع مثل هذه البنوك
رقم العضوية : 64430
تاريخ التسجيل : 07Mar2010
المشاركات : 949
النوع : ذكر
الاقامة : Kuwait
السيارة: E230
السيارة[2]: Civic 13 1.8
دراجة بخارية: NEJ
الحالة :
يعني ايه افضل بنك افتح حساب معاه يا جماعه الخير
سبحانك اللهم وبحمدك ، أشهد أن لا إله إلا أنت أستغفرك وأتوب إليك
Ahmad Zarzora
المفضلات