سياره فاشله وتوكيل فاشل fsv 2013

**zekoass33** · 09-04-2013 07:53 PM

انا لسه شارى سياره fsv 2013
سياره فاشله وتوكيل فاشل بيتلكك على اى حاجه انا حساس الشكمان عطل لسه مكماتش عشره الاف كيلو وده يخليك تعرف ان ان مكونات السياره رديئه رحت اشتريه من بره لقيتو 500 جنيه والمفاجاه انى لقيت ان العربيه فيها 2 حساس شكمان يعنى الف جنيه ياباشا
انا الاكصدام اتخبط خبطه خفيفه 2 اريباك فتحو رحت التوكيل المهندس قالى هو مظبوط على سرعه 30 كيلو وخرج السياره من الضمان وده عيب في العربيه لان حساس الاريباك راكب مظبوط على اخف خبطه علشان ننفع التوكيل الفاشل وشركه سرقه فلوس الناس انا ندمت انى اشتريت العربيه دى اشد الندم واكسسوارها غالى نار ومش متوفر لافيها انذار ولا وحده رفع زجاج وكلاكس واطى
العربية عالية من ورا والنقطة العمياء فيها كبيرة ... ده بيعرضك للخدش أثناء الركنة الكتاوج الخاص بالسياره انجليزى ومش فاهم منو اى جاجه وده مخالف للقانون حمايه المستهلك ,وانا هعمل فيهم شكوى لجهاز حمايه المستهلك وهمل محضر في قسم الشرطه وهرفع عليهم قضيه ومهما يحصل مش هسيبهم

**M I D O** · 09-04-2013 08:41 PM

لا حول ولا قوة الا بالله .. معلش يا باشا احمد ربنا علي كل شئ ومتسبش حقك ابدا وخليك وراهم مادام هما خالفو حاجة من القوانين بتاعة حماية المستهلك يبقي انت كدة الكورة في ملعبك وتقدر تبهدلهم لانهم مخالفين للقانون وربنا يعوضك خير ان شاء الله

**hossam_elwani** · 09-04-2013 09:08 PM

هيا دى العربيات الصينى مش حتجيبه من بره

على العموم قدر الله وما شاء فعل محدش بيتعلم ببلاش

**el diesel** · 09-04-2013 11:51 PM

قدر الله وماشاء فعل و هو نصيب فى الاول و الاخر واتعامل معاهم قانونى
واتعامل مع العربية علشان ما تزهقش منها

**monamize4** · 09-04-2013 11:53 PM

سابع مشاركة ليك و داخل تشتم ف العربية و التوكيل , لأ و بريليانس كمان اللى هى من اقوى العربيات الصينى ف مصر ,,,,,,, الصراحة مش بالع الموضوع

**M I D O** · 10-04-2013 12:23 AM

المشاركة الأصلية كتبت بواسطة hossam_elwani

هيا دى العربيات الصينى مش حتجيبه من بره

على العموم قدر الله وما شاء فعل محدش بيتعلم ببلاش

معا احترامي لحضرتك مفيش حاجة اسمها هية دي العربيات الصيني .. الصين دلوقتي بتغزو العالم ومنتجاتها ليها كفائة عالية بس المستوردين الي في مصر هما الي بيجيبو اردء الانواع و بالنسبة للعربيات الصيني هية هية نفس بداية الكوري وكلها كام سنة وهتلاقي الصيني ضرب وبقي اسعار عالية زي الكوري حاليا ولو في مصر شركة محترمة تحترم العميل الي بيعمل المستحيل عشان يشتري عربية وفي الي بيداين وفي الي بيقسط وتجيب حجات بكفائة اعلي و كمان مراكز خدمة محترمة مش لما حاجة تخرب يقلولك منعرفكش و الضمان بلة واشرب ميتة لو تواجد شركات محترمة ومراكز خدمة محترمة وقطع غيار معمرة هتلاقي العربيات الصيني دي بتنافس الكوري

**Mostafa Hessen** · 10-04-2013 01:30 AM

لا تعليق
ياريت صاحب الموضوع يكتب حقائق عن المشكلة بالظبط
لأنى من ملاك العربيه واعتقد ملاك العربية كتير وعارفين ان الإيرباج مبيفتحش بسهوله على 30كم\س
ولو فى مشكله فى الحساس تقدر تغيره فى التوكيل
ياريت حضرتك تكتب بالظبط حضرتك قابلت مين فى التوكيل واى فرع والعربيه ماشيه قديه ؟؟؟
وشكرا

-

-

الموضوع: سياره فاشله وتوكيل فاشل fsv 2013

LinkBack

أدوات الموضوع

عرض

-

-

-

-

-

المواضيع المتشابهه

ايهما افضل سيارة ممتازة وتوكيل جيد (بروتون جين) ام سيارة جيدة جدا وتوكيل ممتاز(رينو

سياره فاشله= اسبرانزا 113

الكلمات الدلالية لهذا الموضوع

المفضلات

المفضلات

ضوابط المشاركة