الموضوع: اطارات maxxis !!!!

علي فكره ماكسس صناعه تايلاندي وافضل من كومهو و ارورا و هانكوك بمراحل

بص ياباشا اولآ الماكسيس اللي كنت جايبه في السيارة تايلاندي وهو اصلآ تايلندي ومركبه معايا وماشي 35000 كيلو والحمدلله تبص علي الفرده لاخرم ولامسح ولا اي حاجه بحالتها كأنها جديدة والحمد لله هو صوته متوسط واقوي من الكومهو اللي كان راكب عندي لاكن الكومهو اطري منه والفرامل متوسط لاضعيف ولاغيره وافضل من الكومهو في الفرامل بكتير انت عايز كاوتش طري ومالهوش صوت عليك وعلي البريدج ستون الياباني gr90 فقط وللعلم الماكسيس في الثبات افضل من الكومهو والمقاس اللي عندي 185-65-r14 وحاليآ انا معرفشي الماكسيس فيه من تايلاندي ولا لأه وابعد عن gt فرده نشفة وبتفرقع وهقلولك نصيحة لازم تعمل روتيشن للعجل كل 10000 كيلو وحافظ عليه بضغط الهواء او النيتروجين

انا لسه مركب 4 فرد ماكسيس MA-P1 185/65 R15 88H Traction A في عربيتي اللوجان
بصراحة الفرق كبير عن الكاوتش اللي كان راكب فيها ال Barum
الماكسيس طري و صوته انعم بكتير من الباروم
سعر الفرده كان 485 بالترصيص وزودت 10 جنيه لكل فرده عشان اركب بلف حديد و نيتروجين يعني الفرده الواحده وقفت عليا ب 495 جنيه , بس الفرق بصراحه رهييييييب خصوصا في المطبات و على الصحراوي
عموما انا لسه ماشي بيه حوالي 400 كم والفرامل كويسه الحمد لله ( لحد دلوقتي ) لما امشي 5000 كم كمان هبقى اقولكوا ايه النظام

علي فكره الماكسس صناعه تايلاندي واطارات كويسه افضل من الكومهو و الهانكوك بمراحل

هو انا كنت جايب الماكسيس جنط 13
175/70
مش وحش بس الكومو احسن منه
عموما حاول تعلى شويه لتويو او يوكوهاما