الموضوع: تقرير عن تغير بعض اجزاء العفشه الاماميه واسعارها

الحمد لله
امبارح رحت عشان اغير شويه حاجات في العفشه الاماميه رحت الاول اسال عاليهم عند ملك الجولف وعباد الرحمن الافي الهرم بس للاسف لقيت الاسعار عاليه شويه فسالتهم قالولي الدولار هو الاعامل كده فشديت الرحيل علي الحرفين واتكلت علي الله رحت للخواجه وبقالي كتير بتعامل معاه وراجل امين ومحترم
المهم كنت عايز اغير مساعدين قدام وكوبلن شمال المهم رحت لقيته معلق دشمتين نظاف فسالته علي المساعدين بالسوسته بالبطاحه قالي 300 ج قالي بس خد الدشمتين علي بعد احسن ونضاف وكده قولتله هتحسبهملي كام قال 600 ج بالبطحات بكله جنب كامل قالي اه قولتله هاخد الجنبين وخلاص وقمت مكلمه علي كبلنين قلت بالمره الكوبلن كامل حسبهولي الاتنين ب300 ج المهم وانا باخد الجنبين لقيت فيهم مقاصتهم قولتله السعر ده بالمقصات قالي لا طبعا يعم احسبلك المقصات ب100 ج والاي متحتاجوش هاته تاني المهم قالي عندك حد يركبهملك قولتله لا انا عايز حد علي ضمانتك قام بعتني لواحد شغال في الجولف والابيزا بس مش فاكر اسمه عشان اتم شويه وخطفني وانا بتكلم معاه بيدقدق بالشكوش قولتله بعد اذنك متستعملش الشاكوش قالي هو انا شغال في موبيليا دانا شغال في عفشه ده شغلي يابيه المهم بعد مافك الجنب لقيت ان الالتيل والطنبوره بتوعي افضل فقولتله لا ركبلي الجنب بتاعي قالي يعني ايه قمت اتصلت بالخواجه وقولتله انا هاخد المساعدين بالسوست بالبطاحات بس قالي الاانته عايزه خده ورجع الباقي المهم فك الجنبين بتوعي وركبهم علي المساعدين بتوعه والمقصات ياسطي قالي بتوعك نضاف مش محتاجين يتغيروا خلص الاسطي وقالي 100ج مصنعيه ليه ياسطي قالي عشان انا ركبت الجنبيت وفكتهم تاني وركبت بتوعك قولتله ماشي المهم رجعت الحاجه الامحتاجتهاش للخواجه ورحت حاسبته قالي 650 2 كوبلن و2 مساعدين بالسوست بالبطاحات ورحت ظبط زوايا وتربيط عفشه 50ج


انطباعي مطبات الهواء زي الفل والصوت قل شويه والعربيه عاليت من قدام والحمد لله انا راضي بلااداء بتاع العربيه ناقصلي الموتور وبكده يبقا كله تمام


معلش طولت عاليكم بس يارب اكون عرفت افادكم

المشاركة الأصلية كتبت بواسطة syd

الف مبروك العفشة الجديدة
انظف حاجة عملتها والله انك جبت المساعدين بالبطاحات بتاعتها

وياريت لو تشاركنا بتجربتك في الموضوع دة
http://www.nilemotors.net/nile/341028-a.html

تحياتي

الله يبارك فيك وانا بحاول استفاد منكوا