مشكلة في 132

**sammee** · 10-04-2013 06:48 PM

انا لسة عامل عمرة للعربية والمتور كويس والحمد لله بس عندي صوت بيسموه تسقيف بيحصل لما اكبس بنزين زياده شوية او وانا طالع كوبري و اوقات بين الغيارات سالت اكتر من ميكانيكي وكان الرد بيقول الكهربا . بيظبط الكربا وشوية والعربية بتتبرجل تاني.............رجاء المساعدة اعمل ايه..لان الصوت ده بيبهدل الكرنك

**exact** · 10-04-2013 07:54 PM

اعتقد والله اعلم ان دي تقسيمة الكاتينة مخلوفة في سنة او اتنين

**hugan** · 10-04-2013 09:32 PM

شوف الاسبراتير
ممكن الابلاتين او الكوندينسر او الاسبراتير نفسه محتاج تغيير

**sammee** · 11-04-2013 03:01 PM

المشاركة الأصلية كتبت بواسطة aliyehia

بلاش بنزين 80

لالالالالالا انتا بتقول ايه الماتور 2000 وبنزين 80 وخارب بيتي ما بالك بقى 90 ولا 92 وبعدين ال80 بتقل العربية بس انا اعرف ناس كتير ماشية بيه وما فيش حاجة

**amr 2** · 14-04-2013 03:27 AM

اعتقد دى حاجه من اتنين يأما التقسيمه الميكانيكيه ( زى ما الخ الفاضل exact قالك سير الكاتينه خالف فى سنه او اتنين ) ودى تبقى غلطه الميكانيكى اللى قفل الماتور فى العمرة . ودى مش حاجه هينه دى حاجه صعبه وممكن تعمل كوارث وخاصه لو الصبابات خبطت فى البستم .
وممكن تكون فعلا عيب كهرباء وخاصه ان حضرتك بتقول ان بضبط الكهرباء بتتظبط شويه بس بترجع تانى .
لكن احب حضرتك تعرفنا الصوت دة بيحصل لو طالع مطلع او محمل على الماتور فقط ( اثناء الحركه يعنى ) ولا حتى لو العربيه واقفه اول لما لفات الماتور تعلى تعمل كدة ؟ وهل لو استمريت فى نفس مستوى البنزين هيستمر الخبط دة ولا بيتلاشى تدريجى ؟
فى كلتا الحالات انصحك تروح لميكانيكى تانى دلوقتى على الاقل علشان جايز اللى عمل العمرة بيدارى حاجه عيبه فى وشه . فاهمنى ؟ و اهم حاجه تعرف السبب وتصلحه وبدون تاخير لان حضرتك صارف ومكلف عمرة .
ربنا يعطيك خيرها ويبعد عنك شرها بأذن الله .

**ashraf_sms** · 05-05-2013 09:33 PM

ياباشا ده عيب بنزين انا لما كان معايا الشاهين كانت بتعمل نفس اللي بتقول عليه ده كنت احط 90 او 92 كانت بتروح التسقيفة ديه خالص بس لو ظبط الاسبراتير هتروح ان شاء الله جرب وحط بنزين 90 او 92 ف مرة وشوف هتروح ولا لا لو راحت يبقي المشكلة في البنزين والاسبراتير مش في ترس الكاتينة