مشكلة فى الفيات 132

**gbgeorge** · 22-07-2009 03:46 PM

يا جماعة عندى مشكلة محيرانى و مش لاقيلها حل انا عندى فيات 132 لما بالف شمال باسمع صوت حكة زى صوت الشكمان لما بيكون بيحك فى حاجة فى الجزء الخلفى من السيارة المهم لما شوفت الشكمان بعيد عن جسم السيارة و عمود الكردان والسوست و المساعدين مافيهمش اى حاجة مع العلم لما بالف يمين مافيش حاجة بتحصل يعنى الموضوع دة لما بالف شمال فقط و الصوت فى الجزء الخلفى من السيارة بالظبط زى ماشرحت ياريت حد يفيدنى من اساتذة المنتدى

**aYaBooY** · 22-07-2009 05:05 PM

طيب ممكن تروح لواحد بتاع زوايا يتاكدلك ان حضرتك لفة الدركسيون عندك مفيهاش زيادة لدرجة ان الجنط ممكن يكون بيحك في المقص
و على فكرة انا في ردي فارض ان الصوت من قدام مش من ورا
او ممكن تكون الطنابير الخلفية بتحك في التيل بس ده بيسبب الصوت مستمر مش مع ملف بس

**samirayad** · 22-07-2009 11:18 PM

أكشف كده على بطن الكرتيرات ....وأنت كاسر الدركسيون شمال وواقف مكانك ...........أحتمال تكون فيه دلايه أو غيره بتلامس العجل الخلفى فى الوضع ده...........