استفسار عاجل وممكن يكون بسيط

**hosniashraf** · 10-04-2013 08:49 PM

عندي عربية فورد - فيستا - موديل 96
العربية لسه شاريها وفي مشوار سفر لاقيتها جايبة زي من ناحية اخير بوجيه
فسالت الميكانيكي وقالي ده جوان بس وعشان كده العربية بتالت , بس انا كان عندي مشكلة اصلا ان العربية بستهلك بنزين ومش بتسحب فقالي الميكانيكي روح الاول عند بتاع الكاربرتير يظبطها وبعد كده نركب الجوان.
فبعد ما انتهيت من موضوع الكاربرتير وفعلا العربية فرقت لاقيت العربية بعد شوية تالتة فروحت للميكانيكي فقالي دي البوجيهات فغيرها وركبلها كرسي وقفل علي وش التكهيات كويس وظبطها وقالي الجوان سليم بس زود سيلكون عشان يقفل كويس , يعد كده لقيت العربية بطلع دخنة بيضاء كتير اول لما ادور وطول ما انا ماشي ونقص في الزيت كتير.

فياريت حد يفيدني الموضوع عبارة عن ايه ويتكلف كام مع العلم ان العربية اخيرها معايا 100كم/س .......

**Eng_Mostafa_89** · 10-04-2013 09:32 PM

اولا الف الف مبروك على العربية
ويفضل انك لما تروح لميكانيكى يكون ميكانيكى متخصص وبتاع فورد
وبخصوص موضوع نقص الزيت والدخنة البيضاء اللى بتخرج من الشكمان والزيت اللى بيوصل للبوجيهات
كل دى اعرض عمرة للموتور
وربنا معاك وتظبتها ان شاء الله وترجع تستمتع بالعربية

**mido51eg** · 11-04-2013 10:44 AM

واضح كده ان الموتور خفيف. سيبك من الميكانيكي بتاعك وروح لميكانيكي فورد علشان تسمع الخلاصة منه.

**hosniashraf** · 11-04-2013 02:08 PM

جزاكم الله خيرا ......................... وشكرا علي سرعة التفاعل والرد ..................... بس كده عمرة كاملة ولا نص عمرة.
وتقريبا التكلفة ممكن تبقي كام
ياريت تردوا علي بسرعة لاني محتاج اظبطها بسرعة ومش عايز يتضحك علي وكمان لو في مكانيكي فورد في مدينة نصر او مكان قريب منها زي الحرفين مثلا

**hosniashraf** · 11-04-2013 02:20 PM

ولو هعمر الموتور الارخص والاحسن اني اعمره ولا اجيب واحد استيراد وبكام ومنين؟

**mido51eg** · 11-04-2013 04:06 PM

المشاركة الأصلية كتبت بواسطة hosniashraf

جزاكم الله خيرا ......................... وشكرا علي سرعة التفاعل والرد ..................... بس كده عمرة كاملة ولا نص عمرة.
وتقريبا التكلفة ممكن تبقي كام
ياريت تردوا علي بسرعة لاني محتاج اظبطها بسرعة ومش عايز يتضحك علي وكمان لو في مكانيكي فورد في مدينة نصر او مكان قريب منها زي الحرفين مثلا

حكاية عمرة او نص عمرة دي اللي يحددها الميكانيكي ، فيه عندك حمدي فورد في مدينة نصر عند الوفاء والأمل شاطر جدا و امين ومهاود
رقم تليفون حمدي فورد : 01001263963

**abo_salah** · 11-04-2013 04:58 PM

في الحرفيين مركز خدمه متكامل بتاع فورد اسمه (( تكنو بوش )) كبير جدا هناك ومعروف
مهندس اسمه زكريا ... ده متخصص فورد من ايام رجب ...
تقريبا تحت الدائري علي طول ...

**aYaBooY** · 11-04-2013 05:52 PM

اولا انت بتتكلم عن موتور خفيف او بلفظ ادق مفوت
موضوع النص عمرة ده موضوع اشبه بالمسكنات انصحك بعمرة كاملة و الفرق مش رهيب كدة هاتفك كدة هاتفك
انت هاتحتاج تعمر لان مفيش ليك مواتير استيراد موجودة
انصحك بميكانيكي ( حمدي مش وحش ) و بلاش موضوع مركز لان عربيتك مش بتاعت مراكز
لو هاتعمل عمرة يفضل عند متخصص فورد و تتفق معاه ان هو الي هايطلع يلين العربية مش انت
التكلفة معتقدش انها هاتزيد عن الـ 3000 في اسواء الفروض