الموضوع: ضعف صاج الصنى الجديد ه

المشاركة الأصلية كتبت بواسطة Mohab.Nabil

+1

انا موافق و الله

و انا حاولت على قد ما اقدر انى الم الموضوع بعد ما الخناقة ابتدت بسبب اسلوب الاعضاء اللى معظمهم جداد و غلط و اسلوب انت بتقول على عربيتى وحشة يبقى لازم اشتم عربيتك !! .. و اظن ان احمد عادل مع انه كان ضحية استفزاز انا مدخلتش و دافعت عنه .. بس انا كل ما ادخل الاقى كلام كله غلط فى غلط و تضليل و بصراحة انا اتعودت من المنتدى ده ان الناس بتقول على الكلام الصح و المفيد و عشان كده ناس كتير جدا بتثق فى اراء المنتدى ده و اعضائه فمن واجبى انى احافظ على مصداقية المنتدى ده و انى احافظ على مجهود ناس كتير جدا تعبت عشان تبنى مصداقية للمنتدى ده و خلته مصدر ثقة و معلومات موثوقة للسوق المصرى ..

و برضه الاعضاء الجداد هنا فيه اصرار غريب انهم يدخلوا ستروين فى الموضوع معرفش ليه كأنها حرب و كله معلومات غلط فى غلط و زى ما كنت بتكلم مع احمد عادل قريب ان ستروين ليها عيوب زيها زى اى عربية بس عشان اللى بيتكلم بيفتى و خلاص و عايز يهاجم و خلاص عمال يقول مميزات العربية و عايز يطلعها عيوب مع ان العربية ليها عيوب و الله و لو شفت اول صفحة فى القسم عندنا هتعرف العيوب ايه لأننا الحمد لله مش بنطلع بعربياتنا السما و لا لينا اى مصلحة ان حد يشترى ستروين .. و العيوب بنقولها قبل المميزات

و ارجع و اكرر انى مجبتش سيرة الصنى الجديدة بكلام كويس او كلام وحش .. انا كل ردودى فى الموضوع ده على كلام الناس اللى بتفتى فعلا و خلاص



+1

ديه حقيقة فعلا

انا قريت الموضوع كلة وفعلا اللى انا معلم علية فى اقتباسك دة هوة مربط الفرس
جداااااااااااااااااد
الحماسة واخداهم وميعرفوش الناس القديمة مين واللى بيساعد مين وماشى بيدافع دفاع بيزنطى ومش عارف على اية ؟؟؟
المصيبة باة ان كم معلومات فنية مغلوطة اتقالت من بعضهم تشيب وتخلى الواحد مش عارف يضحك عليهم ولا يزعل على صفة الفتى اللى بقت مترسخة اليومين دول !!!!
اية المشكلة انى اقول ان العربية مش حلوة او عيوبها كذا وكذا وكذا
وخصوصا انى مليش مصلحة او حتى هناك مجرد شبهه التحريض لانى مش محتاج دة اصلا بحكم ان عربيتى كدة كدة اعلى ياريتها فى نفس الكاتيجورى كنت قلت ماشى
وبعدين الناس هنا لية مش فاهمة ان العربية دى فعلا اى كلام فى اى حتة ومن ملاكها
والله والله والله صديقى العزيز اشتراها ومستحملهاش اسبوع وكان بايعها وجاب لانسر وخسر فيها وزيرو
اية المشكلة يعنى ؟؟
انت شايفها حلوة ربنا يباركلك فيها
غيرك شايفها مقلب هوة حر
هوة انت كنت الحج نيسان اللى رماها اصلا للهنود ؟؟؟
وبعدين انا لاحظت حاجة كدة غريبة شوية
ان العتاولة بتوع القسم مدخلوش اصلا وعلقوا ؟
يعنى مشفتش الاستاذ ahmed.tv ولا شوفت sonastel مثلا ؟؟
عارفين لية ؟؟
لان الناس دى عارفه بموضوعية العربية دى عبارة عن اية من الاخر كدة
يعنى الكبير مدخلش دافع واتحمق
تدخل انت بتاع اية ؟؟؟؟
يا جماعة العربيات دى حديد
مبتتكلمش
مبتحبش
ولا بتكرة
دى ألة :)
وفى الاخر على راى محمد هنيدى فى رمضان مبروك (دى ارااااااااااااء اراااااااااء ) :)