المشاركة الأصلية كتبت بواسطة hano_elbeh
والله انا مش عارف اقول ايه انا متابع كل الاعضاء وكل تعليقتهم
مع اختلافى او اتفاقى ومع كل احترامى لكل الاعضاء المحترمين
انا حاسس انى دخلت فى خناقه كانت فى الاول صوت عالى وبعد كده بقت ضرب ما بين الاعضاء
والله عيب علينا كل ده
ياجماعه يا افاضل باختصار شديد
كل واحد فينا من وجهه نظرة ان عربيته احسن وافضل عربيه وشايف فيها مميزات يمكن يكون مش شايفها فى اى عربيه تانى ويمكن يكون مرتبط بالسعر
كل ده عادى جدااااا
اللى مش عادى اللى احنا بنعملوا فى بعض بالطريقه ديه ويمكن كمان بيخلى باقى الاعضاء الجدد اللى بيدخلوا علشان يستفسروا على اى حاجه يقلقوامنا وكمان ممكن يعيدوا نظر فى العربيه
وبعدين كل واحد فينا اشترى العربيه اكيد عن اقتناع فاخلاص ياريت نقول لبعض الف مبروك وربنا يبركلك فيها ولو عندك مشكله ادخل واكتب مشكلتك علشان باقى الاعضاء يساعدوك فى حلها
لكن كل واحد عايز يوصل رساله ان ربنا فوق وعربيته هى بس على الارض ده شئ يعنى سيئ جدا جدا
والله احنا مش ناقصين اكيد كل واحد من حضرتكم عنده مشاكل كتير سواء فى امور الحياه اليوميه او فى الاحداث السيئه اللى احنا بنمر بيها وكمان مش ناقصه ان احنا نعمل كده مع بعض
ارجوا ان احنا نكون اهدى من كده
لو سمحتوا بعد اذنكم يعنى خلوا المناقشه افضل من كده علشان الواحد والله والله زهق من العربيات واللى عايز يركب عربيات
عيب عيب عيب علينا كل ده
مع كل احترامى لكل الاعضاء المحترمين واخوتى فى هذا المنتدى الرائع
تحياتى..