الموضوع: مشكلة فى سيارتى كادى فان ديزل 2008

بصراحة انا مش خبير ديزل لكن حفكر معاك بصوت عالي

انت معملتش عمرة في طلمبة الجاز (معتقدش ده المشكلة خاصة ان انت قبلها كانت زي الفل) علي حد تعبيرك

الماكينة متكتفة ومبتسحبش

ممكن يكون الشنبر ناشف او الكبك اكتر من الازم فلازم تمشي بالعربية تلينها شويه

خلي الميكانيكي يراجع علي وير دواسة الجاز ممكن يكون فيه عضة او مش مش بياخد مشواره كله

برضه نظف التانك ودورة الوقود علشان الدخنة اللي بتظهر احيانا

وان شاء الله المشكلة تبقي سهلة

اللي بتتكلم عليه الطرمبة

لما بنعمل عمرة عادة الموتور بيتفك حتت

و طبعا الطرمبة بتتفك من الموتور

فلما الميكانيكي رجعها تاني ممكن يكون مرجعهاش مظبوطة على الوضع السابق
لأنها ليها تقديمة و تأخير بتتظبط على تقسيمة العربية

و بعدين ما دام عملت عمرة لااااااااازم تغير الفواني و تراجع على الطرمبة

انا عمرت طرمبات عربيات بعدد شعر راسي عند كل بتوع الطرمبات اللي في مصر تقريبا (القاهرة - بلبيس - قليوبية - منوفية...)

مفيش غير وااااااااااااحد بس هو اللي فعلا استاذ و بيفهم
و ده منصحكش تروح لغيره لأن من خبرتي كتييييييير اوي من بتوع الطرمبات حرامية جدا
ده عنده ضمير اوي و ممكن لو تحب اوصلك بيه و أؤكد لك أن عربيتك هتبقا عربية سباق بعديها :)