صوت تزييق ؟

**hanosh** · 12-04-2013 12:05 AM

السلام عليكم
اناعندى كورولا 2008 بسمع حاليا صوت تزييق من الامام يمين لما العربية تنزل من مطب او لما الكاوتش اليمين ينزل بالراحة فى تجويف زى الحفرة كده
وفيه حاجة تانية لما بلف الدركسيون ناحية الشمال فقط قبل ما اجيب اخره بسمع صوت طقة واحدة خفيفة
انا لسا مغير بارات دركسيون وتيش ميزان وكاوتشات وغيرتهم لانى الكاوتشات بتاعتهم ابتدت ترشح فقط
وبصراحة حاسس انى فيه صوت زى الكركبة البسيطة مع الطرق المكسرة وعلبة الدركسيون سليمة والمساعدين سلام
وشكرا

**sonaeg** · 13-04-2013 03:50 AM

متابع....قريبي معاه كوروﻻ 2008 خليجي كان شاريها استعمال...عنده نفس الطقة اللي فالدريكسيون دي لما يلف شمال قبل الاخر بشوية لكن مش دايما موجودة...ومع النقر برده بيبقي فيه صوت زي دبدبة كده....هيا عربية حضرتك كنت شاريها استعمال وﻻ زيرو ؟ والطقة والكركبة من ساعة ماجت العربية؟( لو زيرو )

**Ahmod** · 13-04-2013 02:25 PM

غالبا كبالن !!

مش متاكد لكن ممكن تروح عن عفشجي كويس تكشف للتاكد

**hanosh** · 13-04-2013 10:52 PM

المشاركة الأصلية كتبت بواسطة ahmod

غالبا كبالن !!

مش متاكد لكن ممكن تروح عن عفشجي كويس تكشف للتاكد

الكبالن بتكون صوت طقطقة مستمر مش طقة واحدة وبيكون لما تلف يمين وشمال
اما الطقة الوحدة ديه طلعت من البطاحات ولقيت الشمال فعلا بايظة والكوتشة بتاعتها طايرة اصلى فى مرة اخدت شوية مطبات محترمة

**sonaeg** · 14-04-2013 12:13 AM

المشاركة الأصلية كتبت بواسطة hanosh

السلام عليكم
لا العربية مشتريها زيرو اول ما نزلت والحمد لله لبعربية معاى تمام انا كنت رحت لاحد موزعى تويوتا هنا فى الغردقة اسمه ابو حتة وللاسف كل اللى هناك شوية بقر من المهندسين للفنيين محدش عرف السبب وكل اللى عايزين يعمله يفكوا كل حاجة ويجربواوانت وحظك والبس
المهم انا كنت رفعت العربية بنفسى امبارح من قدام ولاحظت انى صوت الطقة جاى من عند المساعد ورحت لواحد فنى انهاردة بتاع عفشة ووريتله الطقة وعرفت الصوت طالع منين طلع من البطاحا ت اللى فوق المساعدين وشفتهم بنفسى
وان شاء الله حغيرهم

علي خيرة الله وبالتوفيق ان شاء الله....وابقي قولنا الأخبار