صوت تزييق هيجنني ! مش عارف جاي منين ولا التوكيل !!

**HeMa1981** · 16-03-2008 11:29 AM

السلام عليكم ورحمة الله

انا عندي صوت تزييق جامد اوى بيظهر لما اكون لسه طالع بالعربية الصبح او لما اركنها تلات اربع ساعات وارجع اطلع بيها بسمع صوت تزييق جامد اوى خاصة لما الدركسيون يروح ناحية الشمال يزيد اوى وساعات لما اكسر الدركسيون شمال جامد مع قرص بالبنزين اسمع صوت احتكاك شديد زي مايكون حديد بيحك في بعض " بس مش كبالن "

المهم الصوت بيختفى تماماً بعد حوالى 5 او 10 دقائق من السير

العربية طبعاً راحت "" غبــــور " مرتين ومغيروش غير سير باور ومفيش فايدة
ورجعن تاني شافها بتاع العفشة " غبور " برضه وبعدين قال العربية مفيهاش اي حاجة :

المهندس يئولو اومال الصوت جاى منين ! يقول : معرفش العربية مفيهاش اي حاجة
وفى الاخر قالى اغسل الشاسية غسلة كويسة جداً اكيد في طين مش عارف شابك في ايه وبيعمل ايه

طبعاً عملت اللى قال علية اولت لما اشوف

وطبعاً مفيش فايده

انا بئا نفسي حد يقولى الصوت ده ممكن يكون ايه او مكان موثوق فيه جداً بيفهم في الهيونداى " فيرنا اوتوماتيك "

انا بحس انه جاى من عند العجل من تحت وساعات بحس انه طالع من عند الدركسيون من نص العربية

**MoMohsen** · 16-03-2008 04:01 PM

اتأكد من الكرتيرة انها تكون مربوطة كويس و مش بتحك فى العجل

**momo44** · 17-03-2008 11:49 PM

؟؟؟؟؟؟؟؟؟؟؟؟

**ecybrarian** · 18-03-2008 09:00 AM

ايه الكلام الفارغ إللي بيقولوه في التوكيل ده..إزاي العربية تبقى مافيهاش حاجة مع الأصوات دي كلها؟؟ انا مش هاقدر افيدك في معرفة مصدر الصوت ..بس عالعموم انت محتاج تبص تحت العربية كويس..الأول ارفع العربية بكوريك كبير من قدام بحيث يكون العجلتين الأماميتين مرفوعين تماما من على الأرض..وبص كويس من تحت وخلى حد يلف الدريكسون...وبعدين (والعربية مرفوعة) دور العربية وهات D ولف الدريكسيون شمال ويمين وشوف الصوت هايطلع ولا لأ وحاول تعرف مصدر الصوت بس خلي باللك ماتنزلش تحت العربية وهي على D. الأفضل تخلي ميكانيكي يعمل ده تحت اشرافك..ولما تعرف المصدر روح للتوكيل وفهمهم.

هايبقى شيئ مش ظريف لو الصوت مابيطلغش إلا والعجل على الأرض..ساعتها هاتضطر تكشف على ميكانيكا الجر (الجزء الأمامي) كلها (من أول الطنابير، بلي،.....إلخ)

والله أعلم

صحيح..الأول جربت تروح لكارتك..يمكن دول بيفهموا أحسن من غبور؟؟!!!

**Goodle** · 18-03-2008 03:36 PM

يا ريت تبلغنا بالتطورات يا باشا

**noni67** · 19-03-2008 10:07 AM

فى نظرى احسن حل تعمله تطلع بعد بكرة على سوق العاشر تخلص من العربية وتبطل تركب هيونداى تماما وده ابلغ ضرر ممكن تسببه لغبور على عربياته الزباله
وتشترى عربية عدلة وربنا يكرمك ان شاء الله

**Ahmad Aboul Fotouh** · 19-03-2008 10:15 AM

نفس المشكلة موجوده عندي في الاوبل استرا 2005 و ظهرت بعد ماكنت عند العفشجي بغير بيض المقصات الامامية و تيل الفرامل و رجلشة التيل الخلفي

**tito171** · 19-03-2008 10:41 AM

ولا يهمك يا باشا
بس أنا عايز إؤولك حاجة الموضوع مش موضوع غبور
الموضوع موضوع البلد إلي احنا فيها

حتى توكيل هوندا إلي بيقولو عالة موحترم
عومري مؤولتلو على حاجة و عملهلي
يعني
أنا بسمع صوت تكتكة كدة في الشنطة كأن
في حاجة في الشنطة
طبعا الكلام دا لم ببئة ماشي فوق ظلت
أو التوكيل ألي إنو خلاص ظابت كل حاجة
لكن طبعا الصوت مارحش
وحاجات تانية بسيطة بس عومرهوم مبيعملو حاجة :d

**sab3aawy** · 19-03-2008 03:03 PM

نفكر مع بعض بصوت عالى

انت لما بتلف عجلة الديريكسيون أيه اللى بيتحرك معاك:

1- عمود صليبة الديريكسيون( ده ميزيقش)
2- جريدة علبة الديريكسيون وبساتمها( برضه ميزيقوش)
3- بارات الديريسكيون (ممكن تزيق من البيضة)
4- بيضة المقص (ممكن تزيق)
5- السوستة مع بطاحات المساعد (اكيد تزيق)
6- ممكن كاوتش علبة الديريكسيون يكون مش مربطو كويس وبالتالى العلبة على بعضها بتروح وتيجى

يبقى انت ابدأ بوضع بعض الشحم على طرفى كل من السوستتين الأماميتين العلوى والسفلى والتأكد من احكام ربط علبه الديريكسيون فى مكانها وسلامة الكاوتش بتاعها

لو مراحش الصوت اكشف على بيضتين المقص وبيضين الديريسكسون

**momo44** · 23-03-2008 07:03 PM

ايه الاخبار يا باشا

الموضوع: صوت تزييق هيجنني ! مش عارف جاي منين ولا التوكيل !!

LinkBack

أدوات الموضوع

عرض

-

-

-

-

المواضيع المتشابهه

صوت تزييق فى الطرق المكسره و العلاج السريع فى التوكيل

استهلاك البنزين هيجنني ومش عارف ده الطبيعي ولا فيه حاجه غلط ؟

صوت تزييق مش عارف سببه إيه .. و انا مسافر

صوت التكتكه ده منين هيجنني

تزييق الدبرياج رجع تانى مش عارف ايه الحل ؟

الكلمات الدلالية لهذا الموضوع

المفضلات

المفضلات

ضوابط المشاركة