الموضوع: تنظيف فلتر التكييف لرينو سيمبول بنفسك

بسم الله الرحمن الرحيم قمت بعملية التنظيف بنفسى
1\ قمت بفك المساحات
2\ثم بعد ذلك نقوم بفك الدرعات الخاصه بالمساحات بمفتاح 8
3\واحضرت مفك وفكيت الجريده اللى تحت المساحات وهى كانت مربوطه 4 مسامير من الجنبين
5\والحمد لله اكتشفت مكان فلتر التكييف وكان تحت الجريده اكتر من 5 كيلو تراب
6\ احضرت البلور من البيت وقمت بتنضيف الجزء اللى تحت ومكان الفلتر والفلتر نفسه وكان الفلتر نفسه مليان تراب احضرت الفلتر الجديد وبعدين قولت طيب انضف الفلتر القديم واشوف اخدت الفلتر بعد ما نضفته وذهبت الى المنزل وقمت بغسل الفلتر تحت الماء من التراب وجبت كيس بريل 50 قرش وغسلة الفلتر بهدوء وقمت جايب السشوار وقمت منشف الفلتر بيه ورحت عند الراجل بتاع المنظفات واشتريت ربع كيلو معطر 2 جنيه وقمت برشه ببخاخه على كل الفلتر بعد ما نشفت الفلتر وقمت راشش مكان التكييف فى السياره وللعلم الفلتر بقى زى الفل
7\ نيجى بقى لتجميع السياره والتقفيل نفس الخطوات اللى فاتت بس بالعكس الموضوع ده كله خد فى ايدى حوالى ساعه
8\ نحط الفلتر مكانه ونقفل عليه بالمسمار بتاعه ونركب الجريده البلاستيك بالكلابسات بتاعتها بالمسامير الاربعه ونركب المساحات وكده يبقى انت نضفت فلتر التكييف
9 \ما تنساش تنضف بالهوا السربنتينه بالهواء وشغل التكييف وادعولى
10\ انا عملت الموضوع ده لان بتوع التكييف بيعملوا الموضوع ده وخاصة للرينو من75 : 100 جنيه الموضوع ده اتكلف معايا حوالى 3 جنيه وشم احلى هواء بمعطر الخوخ
11 \ يارب اكون قدرت افيد اعضاء المنتدى الاعزاء والله المستعان