الموضوع: صيانة 20 الف لرينو سيمبول 2010 خارج التوكيل

بسم الله الرحمن الرحيم -----------
تم بفضل الله عمل صيانة السياره والحمد لله فقلت افيد اخوانى بالمنتدى
1-- قمت بشراء زيت لوكى مولى 5 لتر بسعر 290 جنيه بينزل على 10 الاف كم
2-- شراء فلتر الزيت من داخل رينو المقطم بسعر45 جنيه وفلتر هواء 90 جنيه وفلتر بنزين 85 جنيه كله من داخل التوكيل
3-- شراء بوجيهات a\c ديلكو امريكى تقفيل فرنسى ومحفور عليها مكان الصنع بسعر 75 جنيه الطقم 4 بوجيه من شركه بان امريكان وديه شركه محترمه جدا البوجيه مقاس 16 سن طويلوهى شركه متخصصه بوجيهات وفلاتر فقط واسعارها ممتازه وعرفت بعد كده ان عندهم فلاتر الزيت والبنزيت بتاع السيمبول امريكى وفرنسى لان فيه فلاتر امريكى بتركب على السيمبول نفس المقاس
4 -- اشتريت مياه حمراء من عند محل بالتوفيقيه اسمه نعيم صليب تانى شارع بعد التوفيقيه سعر الجركن 5 لتر 35جنيه اسبانى وده زياده هو وفلتر البنزين مش فى صيانه 20 الف كم قلت افرفش العربيه
6 --قمت بعمل الاتى ليا كهربائى سيارات صاحبى خدة معايا البوجيهات وفلتر الهواء وغيرهم فى خمس دقائق وانا واقف وروحت واخد فلتر البنزين وروحت عن ميكانيكى اعرفه غير فلتر البنزين والحمد لله بفضل الله برده فى اقل والله من خمس دقائق وان مروح باليا من عند والدى دخلت بنزينة التعاون اللى فى الدقى وكانت رايقه حوالى الساعه 1 صباحا وقولتلهم عايز اغير زيت غيرلى الزيت والفلتر ونسيت بس حاجه الميكانيكى شاف العفشه ورباطها وقالى الحمد لله ممتازه وقالى امانه ماكنش فيها حاجه تتربط فاضل جركن المياه الحمراء بس قولت كمان شويا لما الصيف يدخل شويا اكتر والحمد لله العربيه زى الفل بفضل الله
7 -- روحت بعد ذلك فولت العربيه بنزين 95 غالى شويه بس والله ممتاز
8 --بعد ما عملت ده كله الحمد لله رب العالمين العربيه بقيت حاجه تانيه خالص بس الله ما شاء الله
9 --التكلفه الزيت 290+فلترزيت 45+فلترهوا 90+فلتربنزين 85+بوجيهات 75+جركن مياه 35+20تغير البوجيهات وفلتر الهوا +5جنيه فاتر البنزين وشاف العفشه وعلى فكره لما بتروح بان امريكان بتقوله نوع العربيه بيطلع كتاب كبير فيه كل انواع العربيات ويقولك البوجيه اللى انت محتاجه وكنت عايز اجيب بوجيهاتبلاتنيوم قالى خاليك فى حاجه العربيه لانه ممكن يبقى حرقه شديد على العربيه-----
10-- الصيانه اتكلفت 645 جنيه ولما كن سالت فى التوكيل قالى حوالى 900 جنيه والمبلغ ده مع زيت انت مختاره المانى مش توتال والله على ماقول شهيد العربيه والحمد لله رب العالمين بقيت ممتازه فقلت افيد الاخوه خاصه فى الظروف الماديه الصعبه انا مشيت بالعربيه لغاية دلوقتى 500كم وبفضل الله الحمد لله كله تمام والله المستعان ماكان خطا فمن عندى وما كان صحيح فمن عند الله وان تحت امركم فى اى شى السلام عليكم ورحمة الله وبركاته المياه الحمرا اسبانى اصلى ونفس درجه السياره

لم تخبرنا عن الآتى
1- عملت كم مره صيانه فى التوكيل؟؟
2-ايه اللى عجبك فى الشغل خارج التوكيل؟