الموضوع: رينو فلوانس Face Lift...هل يمكن أن تكون سيارتى القادمة؟

المشاركة الأصلية كتبت بواسطة hos_maksood

السلام عليكم
يمكن دي اول مشاركة ليا في المنتدى ككل ولكن علشان انا برضه ناوي باذن الله على الرينو وشوفت موضوعك فدخلت اقول رأيي يمكن يكون مفيد

زميلي في الشغل نزلت اشتريت معاه بيجو 508 وهي عربية ممتازة وواسعة وفخمة جدا من جوه رغم ان شكلها من ورا معجبنيش قوي

عيبها 3 حاجات بالظبط

سعر اعادة البيع - لازم بنزين 95 - توكيل عليه شوية علامات استفهام للي متابعه من زمان

طيب الرينو

عربيه الآداء بتاعها وكمالياتها ممتازة وخصوصا الهاي لاين

بالنسبة للآمان الرينو موديل 2010 و2011 و2012 الهاي لاين 6 ايرباج زي الميجان (اللي معايا برضه)

يبقى من الآخر تقارن بين 3 عوامل

1- البنزين (نوعيته واستهلاكه)---------> اعتقد 92
2- سعر اعادة البيع --------------------> الاتنين موش ماسكين نفسهم قوي
3- التوكيل-----------------------------> رأيي الشخصي الرينو أفضل والله أعلم

بارك الله مقدما فيما رزق وربنا يديلك خيرها ويكفيك شرها

مشكور على المشاركة......
انا مش عارف ليه مش بلاقي نفسى فى البيجو و لا فى الفوكاس.....
طبعا انا بتكلم على الموديلات اللى قبل ال٥٠٨.....مش استايلى خالص.....
الفوكاس عمرها مشدتنى كdesign

الميجان كان فيها حاجه بتنادينى ليها...،كل ما بشوفها بحس أن العربية بتنادينى.....تقدر تقول كده فى عشق بينى و بينها و لغايه اليوم هذا العشق موجود

علشان أغير هذه المرأه الفاضلة اقصد السيارة الرائعة لازم العربية الجديده تكون مميزه جداً

البيجو ٥٠٨ شكلا كويسه و ممكن افكر فيها لكن اعتقد رينج سعرها الجديد مش هيقل عن ٢٦٥ ألف مثلا و لو انا وصلت لهذا المبلغ يبقى أكيد هشترى الBMW

ساعات افكر فى الفانتازيا و بعدين اقلق من الفتيس و ارجع لعقى

الجيتا الجديده مرشحه بقوه و لكن برده الفتيس و البنزين و التوكيل مبوظين الدنيا

الموضوع محير جداً

المشاركة الأصلية كتبت بواسطة ashour100

تريث ولا تتعجل

للأسف اعتمادية رينو ليست على المستوى المأمول وده من خبرة مع ميجان لمدة 4 سنوات. لا ادري ان كانت الفلونس أحسن حالا أم لا.
سعر اعادة البيع ليس على المستوى المطلوب "حال الأوربي عموماً".
التكييف وضعفه الواضح حتى وإن تحسن نسبياً مع الفلونس.

طبعا الوسع والثبات والبريستيج عالي جدا والوكيل كويس حتى لو اتعوج تقدر تشده بميل بسيط على رينو.

قد تكون البدائل أسوا -- تريث لحد ما العربية تنزل وتنتشر شوية وتعرف سمعتها كويس من خلال التشغيل العملي.

للأسف أنا معنديش بدائل فى شريحة سعر أقل من 200 ألف......
الفوكاس فاضية خالص مقارنة بالفلوانس....مفيش زينون...مفيش LED ضيقه من جوه....شنطة ضيقة...وكيل مختفى....و الأهم من هذا كله أن الفتيس بتاعها الPower Shift هو نسخة كربونية من حبيبنا الDSG بكل مشاكله المعروفة....باى باى فوكاس و حظ سعيد

الفلوانس إعتماديتها أعلى بكتير جداً من الميجان....العربية موجودة من 2010 بدون أى مشاكل تذكر و ده بسبب دخولها فى حلف مع نيسان.....موضوع الأعتمادية ده مش قالقنى تماماً

إعادة البيع زيها زى كل الأوروبى.....و أنا مش قلقان من هذا الموضوع علشان مش ببدل عربيات بسرعة

التريث معتقدش فى المصلحة و ذلك لزيادة الأسعار بشكل جنونى و اللى أشترى كسب.....

الخوف الأكبر أن كمان رينو تقلب مواتير تربو بنزين 95 زيها زى باقى الأوروبى.....