رينو فلوانس Face Lift...هل يمكن أن تكون سيارتى القادمة؟

**Hany Saad** · 12-04-2013 11:45 PM

أعزائى الوحوش،

أنا لمن لا يعرف معايا ميجان II و بصراحة العربية مريحانى جدا جدا و لا أفكر مطلقا فى تغييرها لأنها تفوق متطلباتى و أكثر....مؤخرا تغير نظام شغلى و أصبحت دائم السفر للقاهرة من الأسكندرية...حوالى 4 مرات فى الشهر.

عرضت على الشركة شراء سيارة لى لإستخدامها فى السفر....رينج المبلغ المتاح 200 ألف جنيه و ممكن طبعا أنا أوزد عليه لو حابب أعلى....

أنا هفكر معاكم بصوت عالى....فى رينج ال200 ألف مش هنلاقى غير أو أنا حابب الأتى (طبعا بنتكلم على أوروبى):

-أوكتافيا فانتازيا
شكل قديم و هتتغير أخر السنه
الدفعة الموجودة حاليا 1.4 TSI مع فتيس DSG و ده مرفوض بالنسبالى
توكيل أقل بكتير من رينو و خصوصا فى أسكندرية

-جيتا/باسات
مشكلة الDSg
بنزين 95
توكيل مش كويس

-أوبل أسترا
معلوماتى مش كتيرة عنها لكن مش حابب توكيلها

-رينو فلوانس هاى لاين
توكيل مريح جدا بالنسبة لى
أتعودت على الرينو
مشاكل قليلة و عربية واسعة و مليانة كماليات
لكن....مش حابب الLine بتاعها قوى زى ما كنت مهووس بالميجان II أول ما نزلت و لغاية دلوقتى بحب شكلها و عمره ما بيقدم بالنسبالى.

* توجد فكرة " مجنونة " فى دماغى و هى BMW 316 الجديدة و لكن السعر 320 الف...ممكن أدفع الفرق و أستمتع ....لكن طبعا لو سبت الشركة أو أستغنت عنى أو أى شىء من هذا القبيل راح عليا حوالى 120 ألف جنيه لأنها عربية الشركة.

التركيز حاليا على الفلوانس الهاى لاين....اللون هيكون أسود....الفئة هاى لاين ب 188 ألف...عاجبنى الفرش الجلد البيج على اللون الأسود و بفكر أختار الفئة اللى 195 ألف بفرش و دواخل بيج مع جنط 17 بدل 16 لأنه مش بينزل غير فى هذه الفئة بس قلقان العفشة تنشف معايا..

دى صورة العربية من الأمام

و ده شكل الFOG LIGHT

و ده الموتور الجديد....سير كاتينة معدن مش سير تقسيم

و ده بقى الفرش الجلد البيج من جوه.....وهمنى بصراحة مع أنى قلقان من نظافته بعد كده

الفلوانس بالنسبالى مرضيه كوسع و كماليات....العربية طويله و عريضة عن الميجان...ناعمة و لكن ال body roll
ملحوظ أكثر و الStability أقل حاجة بسيطة....لأن العربية فيها من المدرسة الأسيوى أكثر منها من الأوروبى.

الشكل كويس جدا طبعا و لكنى مش مهووس بيه و خصوصا من الخلف....

يا ريت تشاركونى بأفكاركم القيمة...هل فى حاجة أوروبى فى نفس الرينج مناسبة ..

**Hany Saad** · 13-04-2013 12:29 AM

المنطقة البيضاء الكبيرة فى الفانوس الخلفى مخلية العربية قديمة شوية....المنطقة دى لو غمقوها حتدى العربية شكل رياضى أحلى.....

**medokimo** · 13-04-2013 12:48 AM

فكر في الفوكاس معاهم

**د.أبونضال** · 13-04-2013 12:50 AM

عربية جميلة ما شاء الله وما دمت من ملاك الميجان فأنت تشتري الجيل الجديد ولن تشعر بالغربة في السيارة

**zangry** · 13-04-2013 01:08 AM

شوف الاسترا انا شايف انها احسن حاجة بس توكيلها رخم شوية

**وائل الجندي** · 13-04-2013 01:11 AM

الفوكاس اصعر حجما كتير من الفلوانس واقل فخامة بصراحة حجمها يقارن بالريو والاكسنت

**fares_311** · 13-04-2013 01:22 AM

هل فى حاجة أوروبى فى نفس الرينج مناسبة?

بيجو 3008

بيجو 5008

بيجو 508

سيتروين c5

سيتروين DS4

فورد فوكس

أودي A3

وفيه حاجات تانيه كتير في الرينج ده بس مش أوروبي لكن حاجات محترمه.

**Hany Saad** · 13-04-2013 01:37 AM

المشاركة الأصلية كتبت بواسطة fares_311

بيجو 3008

بيجو 5008

بيجو 508

سيتروين c5

سيتروين DS4

فورد فوكس

أودي A3

وفيه حاجات تانيه كتير في الرينج ده بس مش أوروبي لكن حاجات محترمه.

مشكور على المعلومات القيمة

بالنسبة للبيجو 3008 و 5008 بحسهم فاميلى كارز شوية و أنا برده بدور على عربية روشه شويه

ال508 حلوة...أنا مجربتش البيجو قبل كده...أعتقد برده سعرها أزيد من ال200 ألف و التوكيل معتقدتش أنه كويس

سيتروين C5 طبعا تحفه و لكن ضايعة مع عز العرب

الDS4 ملهاش حل كdesign...لكن للأسف أنا ببحث عن سيدان ده طبعا غير عز العرب برده

الفوكاس ملهاش طعم مميز فى نظرى مع أنها سيارة جيدة جدا و لكنها لا تجذبنى

الأودى الA3 هاتش باك للأسف....

أنا فى وقت فكرت فى الKIA سبورتاج علشان شكلها الثورى و القشقاى فى وقت و لكن طبعا هيكونوا متعبين فى السفر...غير أن أنا مش عايز أنزل من الأوروبى.

الموضوع: رينو فلوانس Face Lift...هل يمكن أن تكون سيارتى القادمة؟

LinkBack

أدوات الموضوع

عرض

رينو فلوانس Face Lift...هل يمكن أن تكون سيارتى القادمة؟ - انشر الموضوع فى :

-

-

-

المواضيع المتشابهه

تقرير عن رينو فولنوس بالصوربالصور... رينو فلوانس 2012 Fluence F/O M/T 1.6

هل يمكن تركيب اكصدام فلوانس ٢٠١٣ الجديدة علي الموديل السابق

رينو فلوانس 2013 Face Lift

الي الخبراء : هل يمكن تركيب وحدات رفع لل فلوانس

BMW Vs VOLVO: Face 2 Face Crash Test

الكلمات الدلالية لهذا الموضوع

المفضلات

المفضلات

ضوابط المشاركة