رجاء المساعده في شراء بعض قطع غيار ابيزا 98

**ERROR** · 21-08-2008 10:07 AM

اعتقد ان زيت الفتيس مش بالسعر

فيه نوعين نوع 90 ودا المناسب للعربية

ونوع تاني تقريبا 140 ودا لعربيات الكبيرة

والله اعلم

انت حطيط من انهي نوع؟

**ehab_mansour** · 21-08-2008 10:18 AM

انا روحت لواحد بيغير زيوت وكان معايا زيت الموتور لكن زيت الفتيس هو حطه من عنده من برميل كده حط منه في مضخة كده بتضخ يدويا وبدأ يحطه في فتحة في الفتيس فب العربية وواحد يضخله الزيت لحد ما اتملت قلي كده خلاص وقلي اخدت 2.5 كيلو ؟؟؟؟؟؟؟؟؟؟؟؟؟؟؟

**mohamed ibiza** · 21-08-2008 03:19 PM

اخويه ابيزا قايم معاك بالواجب 100 100 مش غريب عليه بس اسمحولي اضيف رأيي:)

اولا الفوانيس الادمانية انا امبارح كنت عند فولكس هاوس في شارع مراد و سألته عليهم قالي بيعملوا في حدود 140 150 و الماركة depo تايواني فانوس الاشارة الادماني بيعمل حوالي 50 جنيه depo تايواني برضه

المساعدين لو عايز حاجة نضيفة بقي يبقي هتجيب مساعدين الماني ماركة( meyle-مايلي)ماركة المانية نضيفة و قوية جدا جدا في تصنيع قطع العفشة للسيارات الالمانية و ده عن تجربة و في ماركات تانية زي مثلا ماركة vaico دي متجيبهاش لانها وحشه صيني كده تعبانه يعني في حاجة تانية اسمها boge معقولة بس مش زي المايلي
بص بقي في توكيل مايلي نفسه الاسعار غالية يعني جوز مساعدين ادام لابيزا 94 ب 850 جنيه الماني اصلي طبعا انا بسأل الحاج حسن امبارح في فولكس هاوس قالي في حدود 500 600 متستغربش ده حال توكيلات الماركات في مصر خصوصا ان الماركة دي انضف ما يمكن ان تحصل عليه

العلامة انا جبت علامة ال94 ب 60 جنيه استيراد من دمياط متخافش مش هتسافرلها ولا حاجة الراجل بيبعتلي الحاجة علي مكتب بريد هنا:)

فوانيس الشبورة بتاعت ال94 في دمياط ب 325 استيراد اعتقد ان هم هم بتوع ال 98

2 كوبلن خارجي برضه متجيبهمش استيراد اصلا و متجيبش الال مايلي متجيبش الكبالن الفايكو اوكي الكوبلن مش اقل من 220 للواحد الجديد الالماني الاصلي

و نصيحة اول حاجة تعملها في عربية مستعملة اشتريتها انك تغير طقم فلاتر و طقم سيور و تكتب غيرتهم امتي و غير زيت موتور و فلتر زيت موتور و نضف الانجكشن و شوف الكاوتش و عيش حياتك:)

**ehab_mansour** · 22-08-2008 09:50 PM

متشكر جدا جدا يا جماعه اخ محمد ابيزا واخ ابيزا وربنا يكرمكم يا رب ويجزيكم كل خير علي ما تقولوه وتفيدو بيه الناس وربنا يقدروني واتعلم واقدر افيدكم وعلي فكرة انا مهندس كمبيوتر وكنترول والكترونيات اي خدمه انا تحت امركم

**ehab_mansour** · 23-08-2008 08:51 AM

معلش يا جماعه عندي سؤال محيرني جدا في السيارة الإبيزا وهو ان عندي الشكمان بتاعها له صوت شويا ولما سألت الميكانيكي قلي ان النوع ده كده سيارات رياضيه شبابية ومصممه ان شكمانها له صوت شويه وانا حاسس انه مش طبيعي ولما حاولت اقفل الشكمان بإيدي من ورا عشان اشوف فيه خرم ولا لأ لقيت تقريبا مافيش حاجه هل ممكن يكون فيه علبة بايظة ولا حاجه ولا اعمل ايه عشان اتأكد ولا ده طبيعي!!!!!!!!