رجاء المساعده في شراء بعض قطع غيار ابيزا 98

**ehab_mansour** · 10-08-2008 02:27 PM

السلام عليكم اخواني الأعزاء
انا عضو جديد في المنتدي وجديد كمان في عالم السيارات والحمد لله اشتريت سيارة ابيزا موديل 98 1000 سي سي والحمد لله العربية كويسه وبسعر كويس لكن محتاج اشتري بعض قطع الغيار عشان عايز اظبطها ومحتاج حد يعرفني اشتري منين وياريت لو رقم موبايل وياريت لو اعرف الأسعار كمان عشان اعمل حسابي قبل ما افكر اظبطها واليكم القطع المطلوبة :
1- 2 فانوس قدام
2- 2 فانوس شبورة
3- 2 مساعدين
3- علامة سيات بتاعت الشبكة اللي قدام
4- 2 كوبلن خارجي
بس اهم حاجه يا جماعه تكون قطع غيار اصلية لأن كتير من الناس بيقولو ان قطع الغيار بيتكتب عليها الماني وبتكون مش الماني
وجزاكم الله خيرا

**ehab_mansour** · 10-08-2008 02:59 PM

متشكر جدا اخ ابيزا علي المعلومات القيمة اللي افدتني بيها انا عامة من عين شمس القاهرة والعربية جيبتها ب 35 الف ومن غير كماليات فيها سنتر وانذار بس لكن حالتها عامة ممتازة ومحركها ممتاز في السحب والسرعه والجري وفبريقة من الداخل ومعظم الخارج يعني رشة حزام من تحت فقط ومافيش فيها خبطات غير خبطة قدام خفيفة ومردودة علي البارد في الجزء اللي تحت الإكصدام الأمامي .لكن عامة لو حبيت اشتري قطع الغيار دي من بورسعيد استيراد ايه رأيك خاصة واني اعرف ناس كتيييييييير في بورسعيد .

وجزاك الله خيرا علي الإهتمام

**ehab_mansour** · 10-08-2008 03:03 PM

معلش اخي ابيزا لو امكن محتاج اعرف مواصفاتها الفنية من حيث اقصي سرعة وكام حصان و...... اي معلومات عندك عنها ياريت تعرفني واقصي سرعة امشيها بيها وافضل محافظ عليها خاصة ان محركها حقن الكتروني ولسه بحالته رغم ان العربية عاملة حاليا 195000 كيلو متر ومشيت بيها حتي 150 كيلو متر في الساعة
وشكرا

**ehab_mansour** · 10-08-2008 03:32 PM

متشكر جدا جدا اخ ابيزا علي اهتمامك وردك عليا وجزاك الله الف خير وربنا يكرمك
لكن محتاج اعرف ايه السيرفس المظبوطة للمحرك واللي تحافظ عليه بحالته كما هو خاصة واني جيبتها وغيرت كاتينة وغيرت زيت توتال 2500 علي 2200 وغيرته تاني وما غيرتش حاجه تانيه للمحرك خالص يا تري محتاج اعمل ايه تاني قلي علي المطلوب ربنا يكرمك وايه افضل زيت استخدمه واغيره علي كام وهل الزيت اللي غيرته ده كويس ولا لأ خاصة واني بسافر بالسيارة كتييييير شغلي كله سفر يعني ممكن اعمل في الأسبوع اكثر من الف كيلومتر وممكن توصل لألفين .
وفيه استفسار هل ينفع امشي بالسيارة وهيا باردة واسخنها وانا ماشي علي الأول والتاني ولا ايه الحد الأدني للحرارة اللي ابدأ امشي عنده لو فيه

وجزاك الله خيرا

**ehab_mansour** · 17-08-2008 02:57 PM

متشكر جدا يا ابيزا علي ردك السريع ومعلش جايه متأخرة شوية لكن عايز اسأل عن فلتر البنزين في ابيزا 98 بيقولو انه في التانك تقريبا وما بيتغيرش هل ده فعلا صح ولا لازم اغيره كل فترة وكل قد ايه وبكام ولو ما اتغيرش من فترة يعمل ايه
وشكرا لك

**ehab_mansour** · 21-08-2008 08:56 AM

السلام عليكم اخ ابيزا اجو منك الإفادة في حاجتين :
1- انا قمت بتغيير زيت الفتيس عندي بنوع الراجل قلي انه فيه ب11 جنيه وب 8 جنيه للكيلو انا غيرت من اللي ب11 يا تري العربية دي بتاخد كام لتر وهل اغيره تاني ولا ازوده بس وتغييره بيفيد في ايه يا ريت تقلي عن كل حاجه تخص ذلك
2- انا كنت بغير زيت توتال 2500 اللي هو (sae50) وعدين مش لاقيه فغيرت نوع تاني 3000 (20w50) وفاضل عندي لترين من الأول ولتر من التاني هحطهم علي بعض ينفع ده ولا لأ واغيره بعد قد ايه لو ينفع
وشكرا

-

-

-

-

الموضوع: رجاء المساعده في شراء بعض قطع غيار ابيزا 98

LinkBack

أدوات الموضوع

عرض

المواضيع المتشابهه

رجاء المساعده

رجاء المساعده

رجاء المساعده

رجاء تسعير ابيزا 94

رجاء المساعده

الكلمات الدلالية لهذا الموضوع

المفضلات

المفضلات

ضوابط المشاركة