الموضوع: هو انا محسود ولا حد داعى عليا؟؟؟؟؟؟؟؟؟؟؟؟

باختصار وبدون مقدمات العربية عندى جنطين اسبور اتكسرو من مطب
كنت رايح نادى الصيد اللى فى اكتوبر وواخد طريق الواحات لغاية الوصلة اللى بتطلع على ميدان جهينة ودخلت الوصلة دى والناس اللى بتمشي عليها عارفين كميات المطبات اللى فيها المهم انا ماشي فاليمين وعلى مهلى والسرعة لاتتجاوز 50 او 60 وفجاة لقيت حفرة امامى اخدت اقصى الشمال علشان اتفاداها ولكن قدر الله وكانت الخسائر ان الجنطين الامامى والخلفى اليمين الشفة بتاعتهم اتعوجت مما ادى الى كسر داخلى فالجنط مع العلم انا الجنوط اسبور مقاس 15 المهم ركبت الاستبن اللى كان معايا مقاس 13 الاصلى بتاع العربية وكلمت ابن خالتى جالى اخدنا جنط من اللى اتكسور وكل ده مكناش خدنا بالنا ان الجنط مكسور من جوة وكل اللى جه فى بالى انه معوووووج فقط وهيتم استعداله ولغاية ماوصلنا الحى السابع عند بتاع كاوتش واتفاجئنا هناك بالشرخ اللى موجود فالجنط المهم طبعا رجعنا تانى عند العربية والحمد لله انها متقلبتش وطلبت الونش رفعها ورجعت على البيت
دلوقتى بقي ناس قالتلى ان الجنطين يتلحمو ويستعدلو فى الملك الصالح وهيرجعو زى الاول وانا بصراحة قلقان والمشكلة عندى كمان ان لسه جايب 4 فرد كاوتش ب 1800 جنيه من بريدجيستون فمستحرم الكواتش يترمى بالجنوط واجيب المقاس الاصلى اللى هو 13 وكمان الميزانية لاتسمح فشاركونى بالرأى اعمل ايه
-اصلح الجنطين
-ابيع الجنطين الللى محصلهمش حاجة مع 4 فرد كاوتش
- اشترى جنطين 15 واركب عليهم فردتين الكاوتش


واخيرا ادعولى بجد من اللى بيحصلى خلاص انا تعبت