محتاج مساعدة أهل الخبرة فى مشروع مغسلة سيارات بطنطا

**سمسم الخطيب** · 14-04-2013 02:37 AM

السلام عليكم الاعضاء الكرام
أنا يا جماعة شاب مقيم بطنطا ونويت أفتح مشروع خاص بيا ان شاء الله وهو مغسلة سيارات ومحتاج أعرف إية المعدات المناسبة اللى لازم تكون موجودة وبردة مش عاوز أكلف المشروع أوى فى البداية لحد ما أشوف الأمور ماشية إزاى وربنا يكرم ويرزق
أنا بعد بحث اللى وصلتلة إن المعدات عبارة عن :
كمبروسر هواء سعة 200 لتر ايطالى - موتور مياه واحد حصان - ماكينة فوم صينى أو إيطالى - ومكنسة صينى 3 موتور بخرطوم إيطالى .بس مش عارف أسعار وإية الانواع الكويسة اللى متهلكش أو تبوظ بسرعة ؟
دا اللى قدرت أوصلة .
وفى معلومة عرفتها يس مش عارف يعنى اية أو مش فاهمها وهيا كالأتى :
لو مش عايز أجيب موتور مياه ممكن أجيب ماكينه مياه ضغط عالي ودي هتسهل عليا المواسير والموتور والمسدس ومتوافر منها الايطالي والالماني .
وكمان حاجة أخيرة المعدات أشتريها من شارع الجمهورية فى القاهرة ولا لاء لأنى شفت تعليق فى أحج المواقع بيقول إنهم نصايب والله اعلم .
ولو المعلومة غلط فين المكان الثقة اللى بيراعى ربنا أشترى منه .
وكمان إية المنتجات اللى أشتغل بيها يعنى إية هيا المنظفات اللى أستخدمها للغسيل من الداخل والخارج .
وإية رأيكم لو أضفت إكسسوارات سيارات بجانب المشروع - إية النصائح الخاصة ورأيكم يهمنى طبعا .
أنا فكرت ونويت وتوكلت على الله بس المشكلة انى معنديش خبرة كافيه فى الموضوع - للعلم أنا إستأجرت المكان خلاص وانا حاليا بجهز المكان .والمفروض الافتتاح أول الشهر

أتمنى حد يكون عنده خبرة يفيدنى فى الموضوع دة . شكرا ليكم وأسف إنى طولت
جزاكم الله كل خير

**احمد المصرى** · 14-04-2013 08:46 AM

انا كنت سالت على المعدات فى شارع الجمهوريه وتكلفتها تقريبا 12 الف جنيه

كمبروسر هواء 200 لتر + مكنسه 3 موتور + كبسوله فوم مصرى + ماكينه ضغط المايه وليس موتور عادى مش فاكر فى ايه تانى بصراحه بس عندهم كل الانواع واسعار متنوعه وعندهم كمان المواد الخام ال هتشتغل بيها

ومبروك مقدما وربنا يرزقك من حيث لا تحتسب ان شاء الله

ولو محتاج اى حاجه انا فى الخدمه ان شاء الله

**سمسم الخطيب** · 15-04-2013 02:00 AM

متشكر جدا يا أستاذ أحمد على المعلومات ربنا يخليك
انا هنزل شارع الجمهورية أجيب أسعار بس كنت محتاج اعرف الانواع يعنى الكومبروسر كام لتر ومزتور المياه كام حصان ببالونة ولا لاء - ماكينة الفوم بكمبروسر ولا لاء - بصراحة انا مشتت

**سمسم الخطيب** · 15-04-2013 02:04 AM

شكرا ليك يا باشا friendship7897 الله يبارك فيك - وأنا منتظر المزيد من أصحاب الخبرة للإفادة ربنا يرزق الجميع

**احمد المصرى** · 15-04-2013 09:36 AM

المشاركة الأصلية كتبت بواسطة سمسم الخطيب

متشكر جدا يا أستاذ أحمد على المعلومات ربنا يخليك
انا هنزل شارع الجمهورية أجيب أسعار بس كنت محتاج اعرف الانواع يعنى الكومبروسر كام لتر ومزتور المياه كام حصان ببالونة ولا لاء - ماكينة الفوم بكمبروسر ولا لاء - بصراحة انا مشتت

الكمبروسر فى صينى وفى ايطالى فرق الاسعار بينهم حوالى 1300 جنيه على ما افتكر وطبعا الايطالى افضل لو فى امكانيه

كبسوله الفوم ب 850 جنيه المصرى والمستورد ب 1250 بس كله بيقول ان المصرى افضل مع انها ارخص

انت مش محتاج موتور مايه خالص خالص يا باشا انت محتاج وحده ظخ مياه ودى تقريبا ب 4000 جنيه هيا غاليه بس هيا ال بتخلى المايه تخرج من المسدس بقوه الدفع الرهيبه دى ال انت بتشوفها فى اى بنزينه

موتور المايه ملوش لازمه ومش هتحتاجه

المكنسه طبعا 3 موتور وفى صينى وفى ايطالى

بس ال فاكره ان تكلفه المعدات تقريبا 12 الف وممكن تعمل عروض حلوه يعنى مثلا غسيل العربيه ب 20 او 25 جنيه وكدا هتلم ناس كتير وخلى بالك اهم حاجه المعامله الحسنه وممكن تجيب غلايه مياه ب 50 جنيه وكل واحد يشرب شاى مثلا عقبال لما العربيه تخلص وطبعا كام كرسى بلاستيك علشان الناس تستريح

حجات بسيطه وهايفه ومش مكلفه بس بتفرق مع الناس جدااااااااااااااااااااااا اااااااااااا

**سمسم الخطيب** · 16-04-2013 02:10 AM

الف الف شكر يا أستاذ أحمد على المعلومات الهامة دى متشكر لحضرتك بجد
وربنا يوفقنا جميعا
وانا اوجة الشكر للأستاذ أسامة من الاسكندرية لأنه بصراحة متأخرش فى أى حاجة خالص وهوة اللى إتصل بيا وشرحلى حاجات مهمة جدا جدا وإن شاء الله انا هسافر الاسكندرية قريب جدا جدا علشان يدربنى بنفسة على الشغل ويفيدنى أكتر بالطريقة العملية
ربنا يجعلة فى ميزان حسناتة ويوسع عليه وعلى كل من لا يبخل بالمساعدة لوجه الله
وشكرا لكل اللى شارك فى الموضوع وانا بإذن الله لما اتعلم وأستفاد هحاول أفيد أى حد بإذن الله

**misry** · 16-04-2013 02:53 AM

لما تفتح ابقى قول لنا علشان نجيلك باذن الله ...

والف مبروك مقدما ...

**A7medelfe2y** · 16-04-2013 06:06 PM

فين في طنطا /انا كمان من طنطا وكنت ناوي اعمل نفس المشروع بس هعمله في دفره علي طريق السريع بجوار منصور للسيارات علي طريق السريع علي مساحه 500 متر تقريبا

-

-

الموضوع: محتاج مساعدة أهل الخبرة فى مشروع مغسلة سيارات بطنطا

LinkBack

أدوات الموضوع

عرض

-

-

المواضيع المتشابهه

مشروع مغسلة سيارات

مساعدة فى مشروع مغسلة سيارات

الى الخبراء : مغسلة سيارات

بخصوص مشروع مغسلة سيارات

مطلوب مغسلة سيارات للايجار

الكلمات الدلالية لهذا الموضوع

المفضلات

المفضلات

ضوابط المشاركة