الموضوع: اخوكم عزالدين محول من قسم الفيرنا ... واشتريت سيراتو

المشاركة الأصلية كتبت بواسطة ezzeldin1234

صباح الفل ع الرجاله اللى هنا كلهم

توكلت على الله وبيبعت فيرنتى واشتريت سيراتو 2009 الشكل الجديد
ويشرفنى انى اتحول ليكم من قسم الهيونداى واصبح واحد منكم
اخدت القرار ده عشان الفيرنا كانت مانوال وكنت عايز حاجه اوتوماتيك فوجدت زميل لى فى العمل عايزيبيع السيراتو بتاعته وانا عارف انه استخدامه ليها كويس وكانت معاه من وهى زيرو فعارف تاريخها كويس
هى موديل 2009 شكل جديد عامله 50000 كيلو حاله فبريكا من جوه ومن بره رشت حزام بس وطبعا انا عارف انها لا عملت حادثه ولا اتقلبت الحمد لله خلصتها منه على 80 الف
عايز رائيكم فيها
وعايز اقولكم على ملحوظاتى عليها وتقولولى ايه رائيكم
اولا : هى بترزع شويه من ورا فهل هى كده ولا محتاجه صيانه ( اخر صيانه اتعملت صيانة الاربعين شهر 7 /2012 )
ثانيا : الكلاكس تقيل شويه يعنىلازم اضغط عليه بقوه شويه عشان يكلكس هل ده طبيعى ولا عشان الفيرنا كانت بمجرد ما المس الكلاكس بيقول .
ثالثا : فى تزييق صوته جاى من مكان الفتيس هل ده عادى ولا ايه
رابعا : زرار زجاج الباب اليمين قدام شغال بيطلع بس مش بينزل هل بيغيروه فى الصيانه ولا ايه
خامسا : انا رايح صيانة الخمسين ان شاء الله يوم التلات اللى جاى تنصحونى بايه فى الصيانه دى

وشكرا ليكم جدا جدا وارجوا ان تتقبلونى عضوا جديدا معكم

اهلا بيك معانا فى كيا ونمر جديد يضاف للنمور

بالنسبة للترزيع صعب اقدر احكم على وصفك لانك لسه جديد على العربية وحكمك اكيد مش هيكون عن مقارنة ولكن فى نشوفية بس مش ترزيع بالمعنى المعروف يعنى من غير صوت خبط ولا رزع
الكلاكس معروف انه من ضمن عيوب السيراتو فى الفئة دى وكمان 2010 وكان بيفصل وبيتغير فى الضمان وهو فعلا تقيل ( العربية فيها ايرباج )
لو من الفتيس فعلا ومش مجرد احساس بيتم تشحيم الفتيس والصوت هيروح معاك
الزرار خارج الضمان لو جبيت تغيره فى التوكيل هيتكلف كتير ابقى شوف حد بره احسن

انصحك فى الصيانة اللى معرفش هتعملها فين ان مش كل حاجه هيقولك عليه محتاجه تغير تغيرها اسمع وتعالى نقلك تعمل ايه
الف مبروك مرة تانية ويارب تاخد خيرها ويبعد عنك شرها .... قولو امين .

المشاركة الأصلية كتبت بواسطة ezzeldin1234

متشكر ليكم جدا يا جماعه وانا كان عندى سؤال تانى لانى بقالى 4 ايام سايقها وبدأت ادعبس فيها
هو العداد اللى بيقول فاضلك كذا كيلو وتفول هلى بيبقى دقيق لانى دخلت فولت العربيه لاقيته كاتب 400 كيلو
وكان فى زميل لى فى العمل عنده نفس العربيه لما فولها كتبله 460

فكنت عايز اعرف ليه هنا رقم وهنا رقم وهل يعتمد على الارقام دى ولا مش دقيقه

مش دقيق اوى بس المفروض وهيا مفوله على الاخر يكون تقريبا 550

كل قراءت العدادت بتبقى مؤشر بس والاعتماد عليها بيكون بنسبة 70 %
لان الكونترول يونت محتفظ بمتواسطات من بداية عمله وبيحسب على اساسها سواء بقى متوسط
استهلاك ولا متبقى من البنزين وهكذا .