الموضوع: اخوكم عزالدين محول من قسم الفيرنا ... واشتريت سيراتو

الف مبرووووووك ع السيراتو ربنا يديك خيرها و يكفيك شرها اعتقد سعرها مناسب جدا

شكرا ليك يا باشا

اولا الف مبروك ورينا يديك خيرها ويبعد عنك شرها
ثانيا انت هتحس بنقله كبيره من فيرنا مانيوال لسيراتو اوتو - ربنا يحفظهالك ( بس بلاش الجرى المبالغ لأنها بتطمع )
ثالثا معظم صناع الكلاكسات الجديده بيصنعوها تقيله عشان يضمنو ان الكلاكس ميضربش باى غلطه ولما يضرب يعنى انت قاصد تضربه مع سبق الاصرار والترصد
رابعا افضل شيئ انك تاخد عربيه من حد تحت عينك وعارف تاريخه معاها ( 2009 وعامله 50 كويس)بس ابقى قولنا هى اى فئه فى الاتو وجنوطها ( وشوف الكاوتش لو هيتغير)ووكيل ولا خليجى
خامسا موضوع التزيق اللى هتسمعه من كذا حته حاول تتأقلم معاه مش هيضر فى شئ هو مقرف بس بالنسبه للسايق ومتتعبش نفسك فى انك تحله لانها كلها حلول مؤقته وهيرجع تانى
سادسا الازاز هتلاقى فيه حاجه فى موتور الوحده او فى الواير او فى البكره هى اللى عامله المشكله وخلى الصيانه يبصلك عليه
سابعا الصيانة والتغييرات اعتقد على 60 الف لكن خمسين بتبقى صيانه عاديه ( واسأل الاعضاء اللى ذاكرته اقوى لان الزهايمر بدء معايا بدرى ههههههه)
ثامنا رينا يديك خيرها ويبعد عنك شرها و اى خدمه احنا تحت امرك

طب وزمايلك فى هيونداى تتخلى عنهم كدة---------مكنش العشم
مبروك عليك العربيه

المشاركة الأصلية كتبت بواسطة mhf_77

اولا الف مبروك ورينا يديك خيرها ويبعد عنك شرها
ثانيا انت هتحس بنقله كبيره من فيرنا مانيوال لسيراتو اوتو - ربنا يحفظهالك ( بس بلاش الجرى المبالغ لأنها بتطمع )
ثالثا معظم صناع الكلاكسات الجديده بيصنعوها تقيله عشان يضمنو ان الكلاكس ميضربش باى غلطه ولما يضرب يعنى انت قاصد تضربه مع سبق الاصرار والترصد
رابعا افضل شيئ انك تاخد عربيه من حد تحت عينك وعارف تاريخه معاها ( 2009 وعامله 50 كويس)بس ابقى قولنا هى اى فئه فى الاتو وجنوطها ( وشوف الكاوتش لو هيتغير)ووكيل ولا خليجى
خامسا موضوع التزيق اللى هتسمعه من كذا حته حاول تتأقلم معاه مش هيضر فى شئ هو مقرف بس بالنسبه للسايق ومتتعبش نفسك فى انك تحله لانها كلها حلول مؤقته وهيرجع تانى
سادسا الازاز هتلاقى فيه حاجه فى موتور الوحده او فى الواير او فى البكره هى اللى عامله المشكله وخلى الصيانه يبصلك عليه
سابعا الصيانة والتغييرات اعتقد على 60 الف لكن خمسين بتبقى صيانه عاديه ( واسأل الاعضاء اللى ذاكرته اقوى لان الزهايمر بدء معايا بدرى ههههههه)
ثامنا رينا يديك خيرها ويبعد عنك شرها و اى خدمه احنا تحت امرك

متشكر لزوقك جدا جدا بس مجوبتنيش موضوع الترزيع اللى ورا عادى هى كده ولا ايه ؟

المشاركة الأصلية كتبت بواسطة ezzeldin1234

متشكر لزوقك جدا جدا بس مجوبتنيش موضوع الترزيع اللى ورا عادى هى كده ولا ايه ؟

لا الترزيع ده اتعمل الاول وبعد كده عملو عليه السيراتو يعنى جابو الترزيع وحطو عليه الشاسيه واشتغلو
لو لقيت سيراتو مبترزعش ابعت ايميل للشركه الام وبلغ عنها عشان كده سمعتهم هتبوظ فى سوق الترزيع
الحاج ترزيع الكبير هو اللى ابتكر السيراتو وعشان كده دى علامه مسجله زى خلطة الحاج كنتاكى الكبير
وغير الترزيع فى اخته الصغيره - دبدبه - دى برضه هتتعرف عليها بس هتلاقيها كانت نايمه ولا حاجه
عيش وتعايش بالامر الواقع ومتبصش للسلبيات لان كل عربيه فيها سلبياتها بص دايما للايجابيات
وهى كتير فى السيراتو
يكفى انك لو عايز تبيعها هتتباع قبل ما تتكلم - طول ما انت ماشى هتلاقى الناس بتوقفك وتقولك - تبيع؟؟
يكفى ان الكل فاهم فيها مش الميكانيكيه بس ممكن تلاقى الحلاقين والترزيه كمان
يكفى ان قطع غيارها فى السوبر ماركت
يكفى انك واخد شكل سابق زمانه بعشر سنين على الاقل
تمتع بعربيتك وتأكد ان الموديل ده نقل كيا والكورى لحته تانيه انا عايز اقولك ان الموديل الجديد بيبيع على حس الموديل ده والناس بتدفع فيها فلوس اعلى من قيمتها بسبب تصييت الموديل ده وانتشاره اللى اشبه بانتشار الملح فى البحر
لكن مقابل كل ده لازم هتاخد شوية سلبيات وعيوب ولازم تشيل الليله بايجابيتها وسلبيتها -الحياه مش كلها عنب
وباختصار عشان متزعلش نفسك سلبياتها تتجمع فى
صاج ضعيف ( حال معظم الحديث) وخفة وزن مع السرعات العاليه ( انت جاى من هونداى يعنى مش غريب) وعدم راحه فى الطرق غير المستويه ( يعنى فى اى شارع فيكى يا جمهورية مصر العالميه ههههههههه)