الموضوع: الريحة دي كرهتني في العربية

بصوا يا جماعة المشكلة دي بصراحة أنا عرضتها كام مرة في المنتدى وكنت كل ما بعرضها بعمل حاجة من النصائح اللي كنت باخدها من زوار واستشاريي المنتدى وبصراحة أنا خلااااااااااااااص مبقتش قادر.
للمرة الأخيرة هعرض كل رحلتي في تتبع ومحاولة إصلاح العيب الناتج عنه هذه الرائحة ، وأرجو أن تكون هناك إجابة واحدة شافية بإذن الله:

1- العربية لانوس 1 موديل 2000.
2- محدش يسألني الريحة دي ريحة إيه لأني والله ما عارف هي ريحة عادم غير كامل الاحتراق أم زيت محروق بالإضافة إلى أنها أحيانا تشبة رائحة العاز ( مع العلم أني مش محول العربية غاز والله ).
3- الريحة أشمها في صالون العربية في غالب الأحوال عندما أكون على الطريق السريع.

محاولات إصلاح العيب:
1- تم تغيير الرشاشات برشاشات بوش جديدة.
2- تم تغيير حساس البوتنشيوميتر.
3- تم تغيير أويل سي صباب ، وعمل نصف عمرة بالمرة.
4- تم تغيير فلاتر البنزين والهواء.
5- تم تغيير الشكمان كامل عند أبو اليزيد.
6- تم فك التابلوه بالكامل للكشف عن سدر العربية إذا كان هناك أي ثقب ينفذ هذه الرائحة فلم أجد شيئا.
8- البطارية جديدة جافة.
9- تم تغيير سلوك البويجهات.
10- تم تغيير كوعة الراجع بتاع الزيت وأويل سي مفصلة الفتيس وأويل سي الكرنك.
11- مقاس زيت الموتور سليم.


آخر الافتكاسات:
الميكانيكي بتاعي قاللي إن لو ترموستات الكوعة بايظ أو بيعلق ممكن يعملك الريحة دي .. معرفش أسمع كلامه وأغير الترموستات ولا لأ؟!!

ملاحظة أخيرة:
لاحظت وجود آثار زيت على حامل الكانز الموجود في التابلوه مع العلم أن التكييف غير مشحون ومكبوس هواء فقط.

رجاء:
أرجو ممن يدخل على الموضوع ليبدي رأيه أن يكون هذا الرأي على علم أو يقوللي بيع العربية وفي حالة بعها لو بعتها إزاي أبيعها بالعيب ده مع العلم إني هقول للمشتري على العيب ده طبعا.

المشاركة الأصلية كتبت بواسطة amz2011

الكاوتش بتاع باب الشنطه عايز يتغير

غيرت الكاوتش بتاع باب الشنطة