مشكلتي مع مونديو 98 هل من مساعد

**spyfun** · 14-04-2013 05:32 PM

السلام عليكم

انا عندي فورد مونديو 98 , 2000 cc جيا بقالها سنه ونص
انا اشتريتها ب 45 ولحد دلوقتي صارف عليها داخل في 30 الف غيرت تقريبا كل حاجه وفي حاجات اتعملت مرتين ودا بسبب الميكانيكيه الله يسامحهم
الاول كنت بتعامل مع تكنوبوش وبصراحه يعني غاليين جدا علي مافيش بمعني مافيش غيرت عندهم ماتور الاول وبعدها العربيه جابت وش سليندر علشان المحترم اللي هناك ماكنش عارف عيبها
روحت لواحد اسمه محمد فورد في جسر السويس ازفت وانيل والله اللي اكتشفته ان معظم الصنيعيه كدا
انت مش مهم تتحرق انت وعربيتك وطول مانت مش فاهم افتي يا مفتي براحتك وانت تلبس وقت ومجهود وفلوس علشان مش فاهمين
العربيه كنت بحبها جدا والله بسببهم بقيت اخاف اركب العربيه وخلاص قررت ابيعها
المطلوب ميكانيكي يكون فاهم وشاطر هي فيها حاجات بسيطه عايز اعملها قبل مابيع

في رجه في الدركسيون لما اجي امسك فرامل ( ماحدش عارف العيب فين )
السنتر لوك مش شغال لو حد يعرف واحد اروحله
لو واحد يكشف عليها كشف عام

**egytamer** · 16-04-2013 02:05 AM

السلام عليكم
ربنا يكون ففي عونك وفعلا الفتي مشكلة صنايعية مصر
اعتقد مشكلة الفرامل من العفشة وغالبا بارات الدركسيون و الطنبير وبرضو شيك علي حساسات الاي بي اس.
ولو عايز صنايعي كويس في احمد فرج في جسر السويس ممتاز وقطب في الظاهر كويس برضو بس بيغير مبيصلحشي وفي حمدي في مدينة نصر بس غالي اوي
وربننا معاك

**mkmaly** · 16-04-2013 10:14 AM

فيه كمان احمد الشناوى فى صقر قريش كويس برده وانا بنتعامل معاه من فتره

**mido51eg** · 16-04-2013 10:21 AM

أضف للصنايعية اللي تامر قالك عليهم سيد خليل في حلمية الزيتون. هو مهندس سيارات مش صنايعي بس وكان مدير الورشة في التوكيل ايام رجب. اعتقد هيبقى عنده الخلاصة ان شاء الله ، هو بس غالي شوية انما امين جدا.
ده رقم تليفونه : 01003717717

لو سيد ظبط لك العربية يبقى اصرف نظر عن بيعها علشان تركبها بالفلوس اللي صرفتها لأن كده هتبقى خسارتك كبيرة ، وربنا يعوض عليك ان شاء الله.

**hmghamry** · 17-04-2013 09:14 PM

انا حاسس بيك والله وعارف الاحساس ده كويس اوي اصبر واستعوض ربنا .. بس بص انا اتعلمت حاجه .. لما تلاقي عيب تروح تسأل عن اكتر من واحد .. معلش الموضوع ده هيكلفك وقت ولف شويه بس اقل بكتيييير من الوقت والمجهود اللي هتبذله لو وديتها لواحد مش بيفهم ولا بيفتي ..
- شوف الاسعار عند كل واحد والعيوب اللي قالها وتكلفتها .
- شوف ايه المنطقي اكتر واللي تكلفته معقوله في كلام كل واحد واسأل كل واحد على اسعار قطع الغيار نفسها وقارن اسعارهم واسألهم على مصنعيات نفس الحاجات وقارن اسعارهم .
- ركز في العطل .. يعني لما اروح اقول لميكانيكي المكنه بتجيب زيت قالي السير ده بيجيب زيت وعايز سير وجوانات ، وقام باصص تحت وقالي في جوان تاني جايب زيت تحت المكنه ولازم احلها عشان اغيره .. قلتله شكرا غيرلي السير والجوانات اللي انا شايفهم بعيني جايبين زيت .. لو لقيتها بعد كده بتاكل زيت تاني هاروح ارفعها واشوف من تحت اللي جايب زيت ..
الخلاصه ،، ما تمشيش ورا ميكانيكي وشوف ايه اللي انت حاسس بيه ومضايقك وصلحه من غير زياده ولا نقصان واحكم بنفسك وماتعملش اي حاجه ميكانيكي يقولهالك

**spyfun** · 24-04-2013 01:32 PM

أنا هاروح للمهندس سيد خليل يارب يكون عنده الخلاصه وزي ما الاستاذ محمد علي بيقول عايز اركب العربيه بالفلوس اللي صرفتها عليها وبرضوا للاسف خايف ,كمان بيعها مش هيجيبلي فلوس اجيب عربيه كويسه زيها

**aYaBooY** · 25-04-2013 09:14 PM

الفاضل صاحب الموضوع
موضوع الرجة في الدركسيون مع الفرامل ده عيب في الطنابير
ممكن تتخرط لو هيا راق واحد و فيها لحمية و ممكن تتغير لو هيا راقين
السنتر لوك ده ممكن يكون القربة الرئيسية محتاجة تغير ( ديه في باب السواق ) او تكون مشكلة كهرباء و هنا انصحك تدور على كهربائي فورد حتى لو مكلف
ايه تاني في العربية مضايقك ؟

**MAHERELTAHAWY** · 26-04-2013 02:52 AM

في كهربائي جمب احمد فرج المكانيكي عند محطت الجراش جسر السويس شاطر في الفرد بس غالي شويه

**hegazi_arc** · 30-04-2013 05:51 PM

يا بيه انا كان معايا مونديو..العيب ده كان عندي و غيرت طنابير..الموضوع مافهوش اي فاتي..المونديو عربيه سهله جداااا في تصلحها مش زي ما الناس فاكره..مع الاحترام للأستاذ اللي قال علي ورشه الزيتون..الراجل ده عدا مرحله الغلو..ده حراامي..اخر مره مغير عنده طقم كاتينه من 4 سنين واخد مصنعيه 700 جنيه!!!ززايام ما كان الواحد اهبل..روح لسيد في صقر قريش..راجل محترم و كان شغال في التوكيل و شريكه لازال في التوكيل و كمان مصنعيته حلوه و مش غاالي خالص..