حد فكر يركب مصدات على الإكصدام؟

**the_air_devil** · 15-04-2013 01:14 PM

هو علشان الواحد بيروح بالليل على طرق ضلمة طويلة ومقطوعة ...والحمدلله ربنا قدرني ونفدت مرتين من محاولة ان حد يزنقك علشان ياخد عربيتك ... لكن باحاول اعمل حسابي علشان اتعامل بشكل أقوى من الهروب كمان ... وانا عارف كويس انها شكلها وحش وسيئ جداً وهايخلي العربية شبه النص نقل

**shady_hamdy** · 15-04-2013 03:36 PM

مفيش حاجة صعبة هتركب و تتلحم فى نقاط قوى فى الشايسة من تحت بس شكلها هيكون شاذ جداااا

**youssef_u** · 15-04-2013 09:43 PM

المشاركة الأصلية كتبت بواسطة the_air_devil

هو علشان الواحد بيروح بالليل على طرق ضلمة طويلة ومقطوعة ...والحمدلله ربنا قدرني ونفدت مرتين من محاولة ان حد يزنقك علشان ياخد عربيتك ... لكن باحاول اعمل حسابي علشان اتعامل بشكل أقوى من الهروب كمان ... وانا عارف كويس انها شكلها وحش وسيئ جداً وهايخلي العربية شبه النص نقل

حمدالله على السلامه يا باشا و ياريت تقولي الطرق دي قريبة من اكتوبر ولا فين ؟

**احمد نظمي** · 15-04-2013 10:23 PM

اللي انا عارفه ان دا بيبقا في سيارات الشرطة ودا بيكون ليه مكان في الشاسيه وبيكون ليه فتحة في الصدام عشان يعدي منه الحديد للشاسيه
بس اكيد دا مخالف بس بصراحة نفسي اعمله لاني بشوف المطارادات الش طية بصراحة تحفه لو لاقيت حد بيعمله في مصر ياريت مش تبخل علينا ومش مهم المخالفه ههههه

**Ramy_2R** · 16-04-2013 12:46 AM

هو ممنوع عشان خطر جدا جدا في حالة ول خبطت حد من المشاة
لأن تصميم العربيه معمول لجماية المشاه أصلا

**the_air_devil** · 16-04-2013 11:27 AM

المشاركة الأصلية كتبت بواسطة youssef_u

حمدالله على السلامه يا باشا و ياريت تقولي الطرق دي قريبة من اكتوبر ولا فين ؟

آه آخر المحور والوصلة من مدخل أكتوبر لطريق الواحات

الله يسلمك..بس ماتسيبش حد شكله مشبوه أو عربية مليانة رجالة تحاول تعدي من شمالك من غير لازمة ...يعني لو انت ماشي عادي اقفل الشمال عليه وحاسب علشان مايزنقكش في مطب

**windofchange** · 16-04-2013 12:49 PM

في مصدات بتركب من قدام فيها كاوتشوك ربر طرية كده كده فموضوع المخالفة ممكن تتكلم فيها مع الظابط وتقول دي ربرر مش حديد زي الجيب والفرونتيرا والحاجات ديه ... معلش سؤال خارج الموضوع يا اير ديفيل انا ماشي علي المحور ونازل ميدان الرماية ازاي ادخل طريق الواحات من ميدان الرماية؟

**the_air_devil** · 16-04-2013 01:34 PM

المشاركة الأصلية كتبت بواسطة windofchange

في مصدات بتركب من قدام فيها كاوتشوك ربر طرية كده كده فموضوع المخالفة ممكن تتكلم فيها مع الظابط وتقول دي ربرر مش حديد زي الجيب والفرونتيرا والحاجات ديه ... معلش سؤال خارج الموضوع يا اير ديفيل انا ماشي علي المحور ونازل ميدان الرماية ازاي ادخل طريق الواحات من ميدان الرماية؟

هاتوصل عند نادي الرماية وتكمل من قدام المدرسة العسكرية اللي هناك وتاخد أول طريق الفيوم وتعدي من قدام مدينة حدائق الأهرام ... هاتلاقي الطريق حالته كرب وزفت وكله مطبات وحفر ونقر ومساطيل رايحين في كل الاتجاهات والطريق أصلاً هابط وشبه شريط القطر

بعد حوالي 8 كيلومتر هاتلاقي الطريق بينحرف يمين وفيه مفرق بيروح يمين أو تكمل على طول ... ادخل يمين وهو ده أول طريق الواحات

**the_air_devil** · 16-04-2013 01:37 PM

بالمناسبة ... انصحك لو انت جاي من المحور تاخد الطريق الدائري عادي كأنك رايح المنيب ... ماتنزلش ميدان الرماية خالص والمفروض انك ماتوصللهوش ...الطريق هايكون فيه انقسام خد القسم اللي بيروح يمين على طريق الواحات , المفروض فيه هناك يافطة لكدة

**youssef_u** · 16-04-2013 05:46 PM

المشاركة الأصلية كتبت بواسطة the_air_devil

آه آخر المحور والوصلة من مدخل أكتوبر لطريق الواحات

الله يسلمك..بس ماتسيبش حد شكله مشبوه أو عربية مليانة رجالة تحاول تعدي من شمالك من غير لازمة ...يعني لو انت ماشي عادي اقفل الشمال عليه وحاسب علشان مايزنقكش في مطب

شكرا عالتنبيه و اي حد يعدي من جنبي هعمل معاه السليمة ههههههههه

تحياتي لحضرتك

الموضوع: حد فكر يركب مصدات على الإكصدام؟

LinkBack

أدوات الموضوع

عرض

-

-

-

-

-

-

-

المواضيع المتشابهه

حد فكر يركب اكسسورات ستيب واى فى السانديرو

حد فكر يأمن على عربيته بسبب الانفلات الامنى

استاند عجل الاطفال الذى يركب فى شنطه العربيه ينفع يركب فى لانوس

حد فكر يركب زجاج كهرباء لل128 او يعرف حد كويس او يعرف نوع مكن كويس يركبلها

حد فكر يعمل احمر مازدا 3 على عربيتة A4a

الكلمات الدلالية لهذا الموضوع

المفضلات

المفضلات

ضوابط المشاركة